በአዲስ አበባ፣ በድሬዳዋ፣ በሀዋሳ እና በሆሳዕና ከተሞች «እርስ በርሱ የሚቀናቀን፣ ብሔር እና ሃይማኖት ተኮር የሆኑ እንቅስቃሴዎች መጨመር» ለውዝግብ ምክንያት እንደሆነ አንድ ጥናት አመለከተ።

የአውሮጳ ሕብረት የደቡብ ሱዳን ፕሬዝደንት በሀገሪቱ ውስጥ የተፈጠረውን የፖለቲካ ውጥረት እንዲያረግቡ ጠየቀ። ፕሬዝደንት ሳል ቫኪር ምክትል ፕሬዝደንት ሪክ ማቻርን ማሰራቸው በሀገሪቱ ፍርሃትና ውጥረት አስከትሏል።

በሬክተር 7,7 በተለካው ምያንማር ውስጥ በደረሰው የመሬት መንቀጥቀጥ የሞቱት ሰዎች 144 ደረሱ። 732 ሰዎችም ተጎድተዋል። ለ12 ጊዜ በተደጋጋሚ የደረሰው የመሬት መንቀጥቀጥ ታይላንድንም አናግቷል።

አርስተ ዜና

-የዩክሬን ፕሬዚዳንት የሰሜን ጦር ቃል ኪዳን ድርጅት /ኔቶ/ የአገራቸው ምርጥ የደህንነት ዋስትና ነው ሲሉ ተናገሩ። ዜሌንስኪ ዩናይትድ ስቴትስ ግን ይህን ለመቀላቀል እና ለዩክሬን ለመቆም "ዝግጁ አይደለችም" ብለዋል።

-የኢትዮጵያ መንግስት በተደጋጋሚ የፕሪቶርያው የሰላም ስምምነትን እየጣሰ ነው ሲል ህወሓት ከሰሰ። በዶክተር ደብረፅዮን የሚመራው ህወሓት በመግለጫዉ የጊዚያዊ አስተዳደርን በተመለከተ “የተናጠል” ውሳኔ ማስተላለፍ አይቻልም ሲል ትላንት ጠ/ሚ አብይ ለትግራይ ህዝብ ያስተላለፉትን የፕሬዚደንት ጥቆማ ጥሪ ተችቷል።

የመጋቢት 17 ቀን 2017 ዓም ዐርእስተ ዜና

የኢትዮጵያ ጠቅላይ ሚኒስትር ዐቢይ አህመድ የትግራይ ሕዝብ ለሚቀጥለው አንድ አመት የክልሉ ጊዚያዊ አስተዳድር ፕሬዝዳንት ሊሆን የሚችል ሰው እንዲጠቁም ጥሪ አቀረቡ።

የጀርመን ፖሊስ ፣ የኤርትራን መንግስት የመገልበጥ ዓላማ አለው የተባለውን እና የዓለም አቀፍ መረብ አካል መሆኑ የተገለጸ ብርጌድ ንህመዱ የተባለው ቡድን የጀርመን ቅርንጫ ላይ ፣ዛሬ በስድስት የጀርመን ፌደራዊ ግዛቶች ልዩ ፍተሻ ማድረጉን አስታወቀ።

የሱዳን ጦር ፤ፈጥኖ ደራሹ ኃይል ተቆጣጥሮት የነበረውን የኻርቱምን አውሮፕላን ማረፊያ መልሶ መያዙን አስታወቀ።

-ከአዲስ አበባ ወደ ደብረ ማርቆስ በአዉቶቡስ ሲጓዙ ኦሮሚያ ክልል ካንድ ሳምንት በፊት የታገቱት መንገደኞች ያሉበት ሥፍራና ሁኔታ እስካሁን አለመታወቁ ተነገረ።መንገደኞቹ ሲታገቱ ያዩ እንደሚሉት የመንግሥት ፀጥታ አስከባሪዎች በአጋቾቹ ላይ ተኩስ ቢከፍቱም ታጋቾቹን ማስጣል ግን አልቻሉም።-አዲስ አበባ ዉስጥ በልማዱ ሰባራ ባቡር በተባለዉ አካባቢ ዛሬ ጠዋት የተነሳ የእሳት ቃጠሎ ሁለት የእሳት አደጋ መከላከያ ሠራተኞችን አቆሰለ።ሶስት መደብሮችንም አጋየ።-በሩዋንዳ የሚደገፈዉ የኮንጎ ዴሞክራቲክ ሪፐብሊክ አማፂ ቡድንና የሐገሪቱ መንግስት ጦር የገጠሙት ዉጊያ መዘዝ ለአካባቢዉ ሐገራት ሊተርፍ እንደሚችል የኬንያ ፕሬዝደንት አስታወቁ።

ኢትዮጵያ ፤ በኢትዮጵያ እና ናይጄሪያ ከአንድ ሚሊዮን በላይ ህጻናት የተመጣጠነ ምግብ ያለማግኘት አደጋ ተደቅኖባቸዋል

ኬንያ፤ ስድስት ፖሊሶች ሲገደሉ አራት ቆሰሉ

ዩጋንዳ፤ የጦር አዛዡ «ወሳኝ» ያሉዋትን የኮንጎ ከተማ ኪሳንጋኒ ለመቆጣጠር እየሰሩ ነው

ቱርክ፣ የኢስታንቡል ከንቲባ በመላው ቱርክ ህዝባዊ ተቃውሞ እንዲካሄድ ተማፀኑ

ኢትዮጵያ ተጨማሪ ሜዳሊያዎችን አሸነፈች

የኢትዮጵያ መከላከያ ሠራዊት እና የፋኖ ታጣቂዎች ባለፉት ቀናት በተካሔዱ ውጊያዎች በየፊናቸው በመቶዎች መግደላቸውን አስታወቁ። የትግራይ ክልል ሰላም እና ጸጥታ ቢሮ የኢትዮጵያ መከላከያ ሠራዊት በብርጋዲየር ጄኔራል ምግበይ ኃይለ ያቀረበውን ክስ ተቃወመ። ኤርትራውያንን ከኢትዮጵያ ወደ ኬንያ ለማሻገር ሲሞክሩ በቁጥጥር ሥር የዋሉ ሁለት የመከላከያ ሠራዊት አባላት በተከሰሱበት የሕገ-ወጥ የሰዎች ዝውውር ጥፋተኛ ሆነው በመገኘታቸው በእስራት እና በገንዘብ ተቀጡ። ጀርመን በደቡብ ሱዳንየሚገኝ ኤምባሲዋን በጊዜያዊነት ዘጋች። የፋታሕ ንቅናቄ የፍልስጤምን ሕልውና ለመታደግ ሐማስ ሥልጣን እንዲያስረክብ ጠየቀ።

የአርብ መጋቢት 12 ቀን 2017 ዓም ዐርዕስተ ዜና

በደቡብ ኢትዮጵያ ክልል ዎላይታ ዞን የዩኒቨርሲቲ መምህራንና የሕግ ጠበቆችን ጨምሮ ሰዎች በጅምላ እየታፈሱ ነው ሲሉ ነዋሪዎች እና የታሳሪ ቤተሰቦች ለዶቼቬለ ተናገሩ። የከተማይቱ ነዋሪዎች እንደሚሉት ካለፈው ሳምንት ጀምሮ አንዳንዶች ከመኖሪያ ቤታቸው ሌሎች ደግሞ ከመንገድ ላይ እየተያዙ ነው።

የሱዳን ጦር፣ የመንግስት መቀመጫ የሆነውን የካርቱምን ቤተ መንግሥት መልሶ መቆጣጠሩን ዛሬ አስታወቀ።

የጀርመን ላዕላይ ምክር ቤት ቡንደስራት ፣በሀገሪቱ የብድር ሕግ ገደብ ላይ ታሪካዊ ማሻሻያ አደረገ።

ጠ/ሚ አብይ አህመድ በቀይ ባሕር ወደብ ምክንያት መንግሥታቸው ከኤርትራ ጋር ወደግጭት አይገባም አሉ። የባሕር በር ለኢትዮጵያ የህልውና ጉዳይ ነው ያሉት አቢይ ይህ ግን በሰላማዊ ንግግርና በሰጥቶ መቀበል እንደሚሆን ተናግረዋል።

የኢትዮጵያ ፓርላማ በሁሉም ሠራተኞች ላይ አዲስ የግብር ዓይነት ይፋ አደረገ። አዲሱ የግብር ዓይነት በመንግሥትም ሆነ በግል ዘርፎች ተቀጥረው በሚሠሩ ላይ ተግባራዊ የሚሆን ነው።

በሱዳን ዋና ከተማ ኻርቱምና በአካባቢው በርካታ ሲቪሎች በቦምብና በሞርታር እየተገደሉ ነው ሲል የተመድ ዛሬ አስታወቀ።

የአውሮጳ ሕብረት መሪዎች የአውሮጳን የጦር አቅርም ለማጠናከር ብራስልስ ላይ ተሰባስበው እየመከሩ ነው።