*በቱርክ ፕሬዝዳንት ረቺብ ጣይብ ኤርዶኻን አሸማጋይነት አንካራ ውስጥኢትዮጵያ እና ሶማሊያ በመካከላቸው የተፈጠረውን ውዝግብ ለለመፍታት «ቴክኒካዊ ውይይት» ለማድረግ መስማማታቸው ተገለጠ ።

*ከአንድ ዓመት የእስር ጊዜ በኋላ ባለፈው ሳምንት የተለቀቁት የቀድሞ የሰላም ሚኒስትር ዴኤታ አቶ ታዬ ደንደዓ ዛሬ ለመጀመሪያ ጊዜ ከማረሚያ ቤት ውጪ በራሳቸው ፍርድ ቤት ቀረቡ ።

*የራስ ገዟ ሶማሊላንድ አዲስ ፕሬዚደንት አብዲራሕማን ሞሐመድ አብዱላሂ ዛሬ ሀርጌሳ ውስጥ ቃለ መሐላ ፈጸሙ ።

*ሣዑዲ ዓረቢያ እንደ ጎርጎሪዮስ አቆጣጠር በ2034 የዓለም ዋንጫን ለማስተናገድ ተመረጠች ።

አርስተ ዜናዎች፤

--የእስራኤል ጠ/ሚ ቤንያሚን ኔታንያሁ ለተጠረጠሩባቸው ክሶች የምስክር ቃላቸዉን ሰጡ። ኔታንያሁ ዛሬ በቴል አቪቭ በአንድ በህዝብ የተጨናነቀ ፍርድ ቤት በሰጡት የመክፈቻ ምስክርነት ቃል የእስራኤልን ጥቅሞች የሚጠብቁ ታማኝ መሪና ጠባቂ እንደሆኑ ገልፀዋል። የቀረበባቸዉ ክስ አገራቸዉን ሲከላከሉ ከገጠማቸዉ ተፈታታኝ ሁኔታዎች ጋር ሲነጻጸር፤ በውቅያኖሱ ውስጥ እንዳለ ጠብታ የሚታይ ነዉ ብለዉታል።

--የኬንያ ፖሊስ ዛሬ መዲና ናይሮቢ ላይ የሴቶች ግድያ እንዲቆም ሲሉ ለተቃዉሞ በወጡ ሰልፈኞች ላይ አስለቃሽ ጢስ ተኮሰ፤ ሦስት ሰዎችን አሰረዋል።

ሙሉዉን ዜና የድምፅ ማድመጫ ማዕቀፉን በመጫን ይከታተሉ!

የሰኞ ኅዳር 30 ቀን 2017 ዓ.ም. አርዕስተ ዜና

ትናንት በአዲስ አበባ ከተማና በሌሎች ከተሞች ወደ ተሃድሶ ማዕካላት በሚያመሩ የኦሮሞ ነጻነት ሠራዊት ታጣቂዎች በተከፈተ የተኩስ እሩምታ ድንጋጤ መፍጠሩን የየከተማዎቹ ነዋሪዎች ለዶቼቬለ ተናገሩ። በተኩስ እርምታው ነዋሪው ላይ ለተፈጠረው ድንጋጤና ረብሻ የአዲስ አበባ ፖሊስ ኮሚሽን ይቅርታ ጠይቋል።

ከሀገራቸው የሸሹት የሶሪያው ፕሬዝዳንት በሽር አል አሳድ ሞስኮ ናቸው መባሉን ክሬምሊን ከማረጋገጥ ተቆጠበች።

የሶሪያው ፕሬዝዳንት በሽር አላሳድ በአማጽያኑ ከተገለበጡ በኋላ ጀርመን የሶሪያ ዜጎች የተገን ጥያቄዎች ላይ የሚሰጡ ውሳኔዎችን ለጊዜው እንደምታቆም አስታወቀች።

ሕጻናትን ጨምሮ የግዳጅ የውትድርና ምልመላ በኦሮሚያ ክልል፤ ምሥራቅ ወለጋ ዞን መንግሥት ትጥቅ እንዲፈቱ ያደረጋቸው የአማራ ተወላጆች የደህንነት ስጋት ላይ መውደቃቸው ተገለጠ፤፥ ኢትዮጵያ ተጨማሪ ጦር ወደ ሶማሊያ መላኳ ተዘገበ፥ ሶማሊያ ኢትዮጵያ በጁባላንድ ግዛቴ ጣልቃ እየገባች ነው ስትል ከሳለች ።

የኅዳር 26 ቀን 2017 ዓም አርዕስተ ዜና

በአማራ ክልል ሰሜን ወሎ ዞን ላስታ ወረዳ “ ብልባላ” በተባለች መንደር ባለፈው ማክሰኞ ሌሊት ተፈፀመ በተባለ የድሮን ጥቃት አንዲት የ83 ዓመት እናታቸው እንደተገደሉባችው የሟች ልጅ ለዶቼቬለ ተናገሩ።

የቀድሞ የሰላም ሚኒስትር ዴኤታ አቶ ታዬ ደንደዓ፤ ዛሬ ህዳር 26 ቀን 2017 ዓ.ም. እኩለ ቀን ላይ ከእስር ተለቀው ቤታቸው መግባታቸውን ባለቤታቸው ወ/ሮ ስንታየሁ ዓለማየሁ ለዶይቼ ቬለ ተናግረዋል፡፡

የፈረንሳይ ጠ/ሚ ሚሼል ባርንየ የስራ መልቀቂያ ቢያስገቡም የማክሮ ጽህፈት ቤት እንዳለው ባርንየ አዲስ መንግሥት እስኪሰየም ድረስ ከሚኒስትሮቻቸው ጋር በሞግዚትነት ይቆያሉ ።

አቶ ታዬ ደንደአ በፍርድ ቤት በተፈቀደላቸው ዋስትና መሠረት ከእስር ቤት ሲወጡ በጸጥታ ኃይሎች ታፍነው መወሰዳቸውን ቤተሰቦቻቸው ተናገሩ። በኦሮሚያ ክልል ሆሮ ጉዱሩ ወለጋ ዞን አሙሩ ወረዳ በአይሱዙ መኪና ላይ በደረሰው ጥቃት ስድስት ሰዎች መገደላቸውን ነዋሪዎች ተናገሩ። በአማራ ክልል ሰሜን ሸዋ ዞን ሸዋሮቢት ከተማ በመንግሥት ኃይሎች እና በፋኖ ታጣቂዎች መካከል ወጊያ ሲካሔድ መዋሉን የከተማዋ ነዋሪዎች ተናገሩ። ልማት ባንክ እና የኢትዮጵያ ኤሌክትሪክ ኃይል ኮርፖሬሽንን ጨምሮ ስምንት ድርጅቶች በኢትዮጵያ ኢንቨስትመንት ሆልዲንግስ ሥር ተጠቃለሉ። ናሚቢያ ኔቱምቦ ናንዲ ንዳይትዋ የመጀመሪያዋ ሴት ፕሬዝደንት እንዲሆኑ መረጠች።

ሂውማን ራይትስ ዎች የኢትዮጵያ መንግሥት ሰብአዊ መብቶች ላይ የሚያተኩሩ ሦስት የሀገር ውስጥ መንግሥታዊ ያልሆኑ ድርጅቶችን ማገዱን ተቸ። ድርጅቱ ባወጣው መግለጫ፤ ድርጊቱ ግጭት በተባባሰበት ጊዜ የቀረውን ብቸኛ ገለልተኛ የምልከታ መድረክ በማጥበብ መዝጋት ነው ሲል ወቅሷል።

ዴሞክራቲክ ኮንጎ ሪፐብሊክ ውስጥ ምንነቱ ባልታወቀ በሽታ 143 ሰዎች መሞታቸው ተነገረ።

የየመን ሁቲ ሚሊሺያዎች ከኢራቅ ሚሊሺያ ጋር በመተባበር እስራኤል ላይ የሰው አልባ አውሮፕላን ጥቃት ማድረሳቸውን አስታወቁ። ከእስራኤል በኩል ግን የተሰማ ነገር የለም።