原作︱Flora Annie Steel

翻譯︱蔡逸民 BuLuhSuh／柯王炳勳 Bí-leng

演出／音樂後製／校對︱陳曉怡 Niau-tāu

影片／音效後製︱林佳祥 Chiá-siông

字幕︱林于真 A-chin

內文摘錄：

This time Jack intended to give the three little red men more time for their task; but what with having enjoyed himself so much all day, and having eaten so much good food, he overslept himself, so that the big clock on the tower was whirring before it struck eight when he woke, leapt out of bed, and rushed to the golden snuff-box. But he had forgotten where he had put it, and so the clock had really begun to strike before he found it under his pillow, opened it, and gabbled out his orders. And then you never saw how the three little red men tumbled over each other and yawned and stretched and made haste all at one time, so that Jack thought his life would surely be forfeit. But just as the clock struck its last chime, out rang a peal of merry bells, and there was the Castle standing on twelve golden pillars and a church beside it in the middle of the lake. And the Castle was all decorated for the wedding, and there were crowds and crowds of servants and retainers, all dressed in their Sunday best.

Chit遍，Jia̍k本底是按算講beh hō͘ in 3仙細仙á紅人koh khah chē時間 thang khang-khòe，m̄-koh伊sńg規工--ê sńg kah siuⁿ歡喜，koh食真chē好物，soah chŏaⁿ睏過頭。Jia̍k koh cheng-sîn ê時，塔頂ê大鐘iû-koh teh hm-hm叫，beh kòng 8點--ah。伊趕緊ùi眠床頂跳--落-來，beh去the̍h hit ê金鼻薰kheh-á，m̄-koh伊bē記chit ka-tī ka phiaⁿ tī tóe--ah，一直到鐘開始tân ê時，伊chiah tī枕頭下脚chhōe--tio̍h。伊緊kā kheh-á開--開，pin-pin piàng-piàng kā khang-khòe派--出-去。Koh-lâi，你m̄-bat看過chit款場面--lah，in 3仙細仙á紅人sio-kê，poa̍h-tó，hah-hì，伸勻，趕beh khang-khòe，lóng tī kāng時間發生，看in án-ne，Jia̍k感覺ka-tī穩死--ê。M̄-koh to̍h tī 8點ê鐘tân siāng尾1聲ê時，另外1 ê輕鬆快樂ê婚禮鐘聲響起，湖ê中央出現1棟起tī 12支金á大thiāu頂ê城堡，城堡邊--á koh有1間教堂，城堡已經為tio̍h婚禮妝thāⁿ kah氣派koh lè-táu，內底跟人kah奴僕kheh kah cha̍t-cha̍t-chiⁿ，ta̍k人lóng穿in siāng好ê衫。

Never had Jack seen such a sight before; neither had the gay young daughter who, of course, was looking out of the next window in her nightcap. And she looked so pretty and so gay that Jack felt quite cross when he had to step back to let the three little red men fly to their golden snuff-box. But they were far crosser than he was, and mumbled and grumbled at the hustle, so that Jack was quite glad when they shut the box down and began to snore.

Jia̍k從來to̍h m̄-bat看過chit-lō光景，當然--lah，主人hit ê青春活潑ê chŏ͘-kiáⁿ mā m̄-bat khoàiⁿ，伊睏帽á iáu tì--leh，tng tī隔壁間ê窗á邊teh看外口ê情形。伊看--起-來是hiah-nī-á súi koh hiah-nī-á無煩無惱，só͘-pái in hit 3仙細仙á紅人beh飛倒轉去金鼻薰kheh-á ê時，害Jia̍k感覺真ak-chak，因為Jia̍k to̍h ài倒退1步讓in過，bô-thang koh看súi姑娘á。M̄-koh in 3仙比Jia̍k koh khah ak-chak，一直se̍h-se̍h念講án-ne chông起chông落有夠thiám頭，só͘-pái，tī in 3仙kā kheh-á關--起-來開始kôⁿ ê時，Jia̍k感覺好ka-chài，心內真歡喜。

Well, of course, Jack and the gay young daughter were married, and were as happy as the day is long; and Jack had fine clothes to wear, fine food to eat, fine servants to wait on him, and as many fine friends as he liked.

So he was in luck; but he had yet to learn that a mother's malison is sure to bring misfortune some time or another.

當然Jia̍k尾--á to̍h kah hit ê青春活潑ê chŏ͘-gín-á成親--a，in過tio̍h幸福koh美滿，Jia̍k有súi衫thang穿，有好物thang食，有優秀ê奴僕thang ka伺候，koh有chē-chē出kioh ê朋友隨在伊去kah人交陪。

Só͘-pái，伊chit-má tng好運，m̄-koh伊iáu m̄知影，in老母ê咒讖總有1工ē kā伊帶衰。

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

原作︱Flora Annie Steel

翻譯︱蔡逸民 BuLuhSuh／柯王炳勳 Bí-leng

演出／音樂後製／校對︱陳曉怡 Niau-tāu

影片／音效後製︱林佳祥 Chiá-siông

字幕︱林于真 A-chin

內文摘錄：

Once upon a time, and a very good time too, though it was not in my time, nor your time, nor for the matter of that in any one's time, there lived a man and a woman who had one son called Jack, and he was just terribly fond of reading books. He read, and he read, and then, because his parents lived in a lonely house in a lonely forest and he never saw any other folk but his father and his mother, he became quite crazy to go out into the world and see charming princesses and the like.

眞久真久進前，有1 ê真好ê時代，sui-bóng講he m̄是我ê時代，mā m̄是你ê時代，凡勢beh認真ka計較，he mā無算是任何人ê時代。Tī hit時，有1對ang-á-bó͘，in有1 ê hāu生，名號做Jia̍k。Jia̍k真愛看冊，伊tiāⁿ-tiāⁿ看，時常看，不時to̍h leh看。因為in爸母to tòa tī稀微ê深山林內koh內底á內底ê 1間孤間厝，伊m̄-bat見過爸母以外ê任何人。Só͘-pái，伊變kah足期待去外口ê花花世界行行看看--leh，去看迷人ê公主，a̍h是講親像chit款ê tāi-chì。

So one day he told his mother he must be off, and she called him an air-brained addle-pate, but added that, as he was no use at home, he had better go seek his fortune. Then she asked him if he would rather take a small cake with her blessing to eat on his journey, or a large cake with her curse? Now Jack was a very hungry lad, so he just up and said:

"A big cake, if you please, 'm."

有1工，Jia̍k kā in老母講伊ài出發--ah，in老母to̍h ka唸講，伊是1 ê頭殼空空ê giàn頭，m̄-koh in老母mā講，伊tī厝--ni̍h ûn-ná無啥路用，不如去外面chhōe看有啥物好khang--ê-無，sòa--lòe in老母to̍h ka問講，伊是想beh chah 1粒細粒á ê雞卵糕tī路--ni̍h食，阿母mā ē kā伊祝福，a̍h是講，想beh chah 1粒大粒--ê去，m̄-koh阿母ē kā伊咒讖？Jia̍k是1 ê chiok gâu iau ê少年á，伊規氣to̍h kā in老母ìn講：

「阿母--á，我beh大粒--ê，勞煩--你。」

So his mother made a great big cake, and when he started she just off to the top of the house and cast malisons on him, till he got out of sight. You see she had to do it, but after that she sate down and cried.

Só͘-pái in老母to̍h去做1粒有夠大粒ê雞卵糕，tī in hāu生出發ê時，伊to̍h peh起lih厝尾頂一直kā伊咒讖，直直到Jia̍k已經行kah無khoàiⁿ人影。你mā知--lah，約束to̍h是約束，in老母mā是姑不將，m̄-koh，咒讖咒soah了後，伊坐--落-來to̍h哭--ah。

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

劇本寫作︱陳姿樺 Tân Chu-hôa

演出︱Ko͘-chiáu

潤稿︱蔡逸民 BuLuhSuh

音樂後製︱陳曉怡 Niau-tāu

影片／音效後製︱林佳祥 Chiá-siông

字幕︱林于真 A-chin

校對︱A-chin in ang

內文摘錄：

唐三藏in師徒4 ê人，一直ùi西pêng行，beh去取經。Chit 1日，行到1片樹林。看tio̍h 2粒山相連ê中央nah--落-去ê所在，天頂浮1 lúi雲，雲ê色水是紅色--ê。原來hia to̍h是「火雲洞」，有1 ê叫「紅孩兒」ê妖怪tòa tī內底。聽人講食唐三藏ê肉ē-sái長生不老。Chit ê紅孩兒to̍h有hit-lō心思，想欲來掠唐三藏食伊ê肉。

Tông Sam-chōng in su-tô͘ 4 ê lâng, it-ti̍t ùi sai-pêng kiâⁿ, beh khì chhú-keng. Chit 1 ji̍t, kiâⁿ-kàu 1 phiàn chhiū-nâ. Khòaⁿ-tio̍h 2 lia̍p soaⁿ sio-liân ê tiong-ng nah--lo̍h-khì ê só͘-chāi, thiⁿ-téng phû 1 lúi hûn, hûn ê sek-chúi sī âng-sek--ê. Goân-lâi hia to̍h sī “Hóe-hûn-tōng”, ū 1 ê kiò “Âng-hâi-jî” ê iau-koài tòa tī lāi-té. Thiaⁿ-lâng kóng chia̍h Tông Sam-chōng ê bah ē-sái tiông-seng put-nó͘. Chit ê Âng-hâi-jî to̍h ū hit-lō sim-su, siūⁿ-beh lâi lia̍h Tông Sam-chōng chia̍h i ê bah.

紅孩兒kā時機lia̍h ho͘ chún，tī唐三藏in師徒ē經過ê路--ni̍h，kā家己變做1 ê kó͘-chui ê細漢gín-á，hông縛tī樹á頂。看tio̍h唐三藏in ná行ná倚家己chia，紅孩兒刁工假háu，假做chiok驚惶ê款，大大聲hoah講：「師父，救命！師父，救命！」唐三藏聽--tio̍h，to̍h趕緊叫豬八戒kā紅孩兒救--loài。Koh叫孫悟空ka āiⁿ kui路--ê！

Âng-hâi-jî kā sî-ki lia̍h ho͘ chún, tī Tông Sam-chōng in su-tô͘ ē keng-kòe ê lō͘--ni̍h, kā ka-tī piàn-chò 1 ê kó͘-chui ê sè-hàn gín-á, hông pa̍k tī chhiū-á-téng. Khòaⁿ-tio̍h Tông Sam-chōng in ná kiâⁿ ná óa ka-tī chia, Âng-hâi-jî tiau-kang ké háu, ké-chò chiok kiaⁿ-hiâⁿ ê khoán. Tōa-tōa siaⁿ hoah kóng: “Su-hū, kiù-miā! Su-hū, kiù-miā!”. Tông Sam-chōng thiaⁿ--tio̍h, to̍h kóaⁿ-kín kiò Ti Pat-kài kā Âng-hâi-jî kiù--loài. Koh kiò Sun Gō͘-khong ka āiⁿ kui-lō͘--ê!

窮實孫悟空早to̍h看出來紅孩兒是1 ê妖怪。不而過，iah未赴出手，to̍h先去中tio̍h紅孩兒ê詭計--ah！紅孩兒作法變1 ê chiok重ê假人，khǹg tī孫悟空ê kha-chiah-phiaⁿ，kā伊teh kah倒tī土腳，bē振bē動，hâm beh khiā to khiā bē--起-來。趁chit ê時陣紅孩兒hoah 1 chūn風來，kā唐三藏捲入去火雲洞。

Khêng-si̍t Sun Gō͘-khong chá to̍h khòaⁿ chhut-lâi Âng-hâi-jî sī 1 ê iau-koài. Put-jî-kò, iah bōe-hù chhut-chhiú, to̍h seng-khì tiòng tio̍h Âng-hâi-jî ê kúi-kè--ah! Âng-hâi-jî chok-hoat piàn 1 ê chiok tāng ê ké-lâng, khǹg tī Sun Gō͘-khong ê kha-chiah-phiaⁿ, kā i teh kah tó tī thô͘-kha, bē-tín-bē-tāng, hâm beh khiā to khiā bē--khí-lâi. Thàn chit ê sî-chūn Âng-hâi-jî hoah 1 chūn hong lâi, kā Tông Sam-chōng kńg ji̍p-khì Hóe-hûn-tōng.

過1時á，孫悟空chiâⁿ無簡單chiah ùi假人下腳爬--出-來，to̍h趕緊kā山神叫來問。山神講：「Hit ê小妖怪是牛魔王in後生，tòa tī火雲洞，chiok狡怪--ê！靠勢家己功夫好，四界kâng phah、欺負--人。」這時，孫悟空chiah知影hit ê小妖怪ê身份，是家己過去結拜兄弟牛魔王ê後生。Án-ne算--起-來mā是家己ê孫á。

Kòe 1-sî-á, Sun Gō͘-khong chiâⁿ bô kán-tan chiah ùi ké-lâng ē-kha pê--chhut-lâi, to̍h kóaⁿ-kín kā soaⁿ-sîn kiò lâi mn̄g. Soaⁿ-sîn kóng：”Hit ê sió iau-koài sī Gû-mô͘-ông in hāu-seⁿ, tòa tī Hóe-hûn-tōng, chiok káu-koài--ê! Khò-sè ka-tī kang-hu hó, sì-kè kâng phah, khi-hū--lâng.” Chit-sî, Sun Gō͘-khong chiah chai-iáⁿ hit ê sió iau-koài ê sin-hūn, sī ka-tī kòe-khì kiat-pài hiaⁿ-tī Gû-mô͘-ông ê hāu-seⁿ. Án-ne sǹg--khí-lâi mā sī ka-tī ê sun-á.

伊to̍h kā豬八戒kah沙悟淨講: 「Lín tòa chia kā行李顧ho͘好勢，我來去救師父。」講soah孫悟空to̍h家己1 ê人飛去紅孩兒ê火雲洞。

I to̍h kā Ti Pat-kài kah Soa Gō͘-chēng kóng: “Lín tòa chia kā hêng-lí kò͘ ho͘ hó-sè, góa lâi-khì kiù su-hū.” Kóng soah Sun Gō͘-khong to̍h ka-tī 1 ê lâng poe khì Âng-hâi-jî ê Hóe-hûn-tōng.

孫悟空來到火雲洞外口，大聲hoah講：「紅孩兒，我是lín老爸牛魔王ê結拜兄弟，緊kā goán師父放--chhoài。」過1下á，火雲洞ê洞門開--開。紅孩兒穿1領紅kì-kì ê風幔，手gia̍h 1支丈八hia長ê火尖槍。Ùi洞內行--出-來，範頭kài威風，後piah koh有幾ê小妖怪tòe--leh。孫悟空看--tio̍h，嘴gī--leh gī--leh，笑笑á講：「乖孫á，chiâⁿ乖，chiâⁿ聽話。」

Sun Gō͘-khong lâi-kàu Hóe-hûn-tōng gōa-kháu, tōa-siaⁿ hoah kóng: “Âng-hâi-jî, góa sī lín lāu-pē Gû-mô͘-ông ê kiat-pài hiaⁿ-tī, kín kā goán su-hū pàng--chhoài.” Kòe 1-ē-á, Hóe-hûn-tōng ê tōng-mn̂g khui--khui. Âng-hâi-jî chhēng 1 niá âng-kì-kì ê hong-moa, chhiú gia̍h 1 ki tn̄g-pat hia tn̂g ê Hóe-chiam-chhiuⁿ. Ùi tōng lāi kiâⁿ--chhut-lâi, pān-thâu kài ui-hong, āu-piah koh ū kúi ê sió iau-koài tòe--leh. Sun Gō͘-khong khòaⁿ--tio̍h, chhùi gī--leh gī--leh, chhiò-chhiò-á kóng: “Koai sun-á, chiâⁿ koai, chiâⁿ thiaⁿ-ōe.”

紅孩兒kā火尖槍插tī土腳，手插腰講：「Siáng是你ê孫á？」Sûi講soah，伊to̍h ùi嘴phùn1 pha三昧真火--出來。

Âng-hâi-jî kā Hóe-chiam-chhiuⁿ chhah tī thô͘-kha, chhiú chhah io kóng: “Siáng sī lí ê sun-á?” Sûi kóng soah, i to̍h ùi chhùi phùn 1 pha Sam-māi-chin-hóe--chhut-lâi.

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

原作︱Flora Annie Steel

翻譯︱蔡逸民 BuLuhSuh／柯王炳勳 Bí-leng

演出／音樂後製／音效後製︱陳曉怡 Niau-tāu

影片︱林佳祥 Chiá-siông

字幕︱林于真 A-chin

校對︱A-chin in ang

內文摘錄：

"Good-morning, my beauty," says That. "Come! hand over the flax, sharp, there's a good girl."

So she gave That the flax and shut the window and, you may be sure, ate her victuals, for, as you know, she had a good appetite, and the King, her husband, had promised to give her everything she liked to eat. So she ate to her heart's content, and when evening came and she heard that queer knocking at the window again, she upped and opened it, and there was the small, little, black Thing with five spun skeins on his arm!

Hit隻講「美人，gâu-chá！來，kā亞麻hō͘--我，緊--leh，乖hâⁿ！」

王后to̍h kā亞麻the̍h hō͘--伊，sòa--lòe to̍h kā窗á關--khài。咱ē-tàng想像--lah，koh來王后一定是去食王chhoân hō͘--伊ê物件，你mā知--lah，伊嘴斗真好，王mā有約束講beh hō͘伊所有伊想beh食ê物件，só͘-pái，伊自然是ka食ho͘夠khùi。到下暗ê時陣，伊koh聽tio̍h hit ê奇怪ê lòng窗á ê聲，伊to̍h peh起來kā窗á門開--開，tio̍h，to̍h是hit隻，烏烏koh細細隻hit隻，肩胛頭koh扛5 khûn已經紡好ê紗á！

And it twirled its tail faster than ever, and stuck out its beautiful toes, and bowed and smirked and gave her the five skeins.

Then That said, "And now, my beauty, what is That's name?"

And she answered quite easy like:

"That is Bill."

"No, it ain't," says That, and twirled its tail.

Chit遍伊ê尾溜se̍h kah比進前任何1遍koh khah緊，kāng款kā súi-súi ê脚尾chhun--出-來，行禮，文文á笑，koh kā 5 khûn紗á the̍h hō͘王后。

Sòa--lòe hit隻講：「Án-ne美人，chit-má tio̍h你--ah，來，ioh看我是啥物名？」

王后輕輕鬆鬆ka ìn講：「你叫做Bì-ò͘。」

Hit隻ìn講：「M̄-tio̍h。」講話同齊時mā kā伊ê尾á凊彩se̍h--1-ē。

"Then That is Ned," says she.

"No, it ain't," says That, and twirled its tail faster.

"Well," says she a bit more thoughtful, "That is Mark."

"No, it ain't," says That, and laughs and laughs and laughs, and twirls its tail so as you couldn't see it, as away it flew.

王后koh講：「Nā無你to̍h叫Nè-toh。」

Hit隻ìn講：「M̄-tio̍h。」尾á開始se̍h kah khah緊--ah。

「Èⁿ…。」Chit遍王后ê語氣變kah khah謹慎，講：「Án-ne to̍h是Mà-khoh。」

「M̄-tio̍h。」Hit隻話ìn了to̍h一直笑，一直笑，一直笑，尾溜iû-koh se̍h kah緊kah hông看bē清，koh來hit隻to̍h飛--走-ah。

Well, when the King, her husband, came in, he was fine and pleased to see the five skeins all ready for him, for he was fond of his pretty wife.

"I shall not have to order your head off, my dear," says he. "And I hope all the other days will pass as happily." Then he said good-night and locked the door and left her.

等到in ang，王入來房間看ê時，看tio̍h 5 khûn紗á已經lóng紡好--ah，王真歡喜，實在講，伊的確真kah意伊ê súi-bó͘。

王講：「貼心--ê，án-ne我m̄免叫人斬你ê頭--ā，我真ǹg望sòa--落-來ta̍k日lóng ē-tàng像今á日kāng款順sī。」Koh來王to̍h kā王后seh boán安，kā門鎖--起-來了後，人to̍h離開。

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

原作︱Flora Annie Steel

翻譯︱蔡逸民 BuLuhSuh／柯王炳勳 Bí-leng

演出／音樂後製／音效後製︱陳曉怡 Niau-tāu

影片︱林佳祥 Chiá-siông

字幕︱林于真 A-chin

校對︱A-chin in ang

內文摘錄：

Once upon a time there was a woman and she baked five pies. But when they came out of the oven they were over-baked, and the crust was far too hard to eat. So she said to her daughter:

"Daughter," says she, "put them pies on to the shelf and leave 'em there awhile. Surely they'll come again in time."

古早古早有1 ê婦人人，伊去烘5塊phái，m̄-koh phái出爐ê時，soah烘過頭--ā，he phái ê皮已經烘kah tēng-khiauh-khiauh，真歹食。婦人人to̍h kā in chŏ͘-kiáⁿ講：

「Kiáⁿ--ê，你去kā hia ê phái khǹg去架á頂，koh小等--1-時-á，chia ê phái to̍h ē koh變--轉-來。」

By that, you know, she meant that they would become softer; but her daughter said to herself, "If Mother says the pies will come again, why shouldn't I eat these now?" So, having good, young teeth, she set to work and ate the lot, first and last.

當然--lah，chit ê婦人人ê意思是講，chia ê phái koh khǹg--1-時-á to̍h ē變kah軟lio̍h koh好食，m̄-koh in chŏ͘-kiáⁿ kā伊ka-tī講：「Nā準講phái ē koh轉--來，我chit-má nah m̄ kā chia ê phái lóng總食了了？」Chŏ͘-kiáⁿ tng少年，嘴齒tng勇，伊to̍h開始食，ùi第1塊到thōng尾塊lóng ka sut了了。

Now when supper-time came the woman said to her daughter, "Go you and get one of the pies. They are sure to have come again by now."

Then the girl went and looked, but of course there was nothing but the empty dishes.

So back she came and said, "No, Mother, they ain't come again."

暗頓ê時間到--ah，婦人人kā in chŏ͘-kiáⁿ講：「你去kā hiah-ê phái the̍h 1塊來，in chit-má ún-tàng koh變--轉-來-ah。」

Chŏ͘-kiáⁿ to̍h去架á hia ka看，當然--no͘h，kan-na chhun phiat-á空空空，其他--ê啥to無。

Só͘-pái，伊to̍h轉來kā in母--á講：「無neh，Mă-á，in無koh轉--來neh。」

"Not one o' them?" asked the mother, taken aback like.

"Not one o' them," says the daughter, quite confident.

"Well," says the mother, "come again, or not come again, I will have one of them pies for my supper."

"But you can't," says the daughter. "How can you if they ain't come? And they ain't, as sure's sure."

In老母感覺有夠hàm，to̍h ìn講：「連1塊to無變--轉-來？」

Cha-bó͘ kiáⁿ真有自信kā老母ìn講：「1塊to無。」

「好--lah！不管有變--轉-來a̍h無，我下暗to̍h是beh食1塊phái準做暗頓。」

Cha-bó͘ kiáⁿ koh ìn講：「無法度--ā，in nā無轉--來你是beh按怎食？有影to無，實tú實--ê。」

"But I can," says the mother, getting angry. "Go you at once, child, and bring me the best on them. My teeth must just tackle it."

"Best or worst is all one," answered the daughter, quite sulky, "for I've ate the lot, so you can't have one till it comes again—so there!"

Well, the mother she bounced up to see; but half an eye told her there was nothing save the empty dishes; so she was dished up herself and done for.

「我to̍h是beh食！」In老母teh ìn ê時已經開始teh受氣--ah，koh講：「Gín-á，你sûi去kā siōng軟ê hit塊kă the̍h--來，我一定pō͘有法！」

Cha-bó͘ kiáⁿ面àu-àu ìn講：「Siāng tēng--ê kah siāng軟--ê lóng kāng款--lah，lóng chóng hō͘我食了了--ah，nah有thang koh hō͘你食，to̍h ài等in koh再轉--來，tāi-chì to̍h是按呢！」

He老母chŏaⁿ ùi椅á頂彈--起-來，緊去架á hia看，m̄-koh伊kan-na眼--1-ē to̍h知--a，he phiat-á khăng-khang，siáⁿ to無，só͘-pái，當然siáⁿ to無thang食，火燒罟寮，全無bāng--lah。

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

原作︱Flora Annie Steel

翻譯︱蔡逸民 BuLuhSuh／柯王炳勳 Bí-leng

演出／音樂後製／音效後製︱陳曉怡 Niau-tāu

影片︱林佳祥 Chiá-siông

字幕︱林于真 A-chin

校對︱A-chin in ang

內文摘錄：

Once upon a time there were three Bears, who lived together in a house of their own, in a wood. One of them was a Little Wee Bear, and one was a Middle-sized Bear, and the other was a Great Big Bear. They had each a bowl for their porridge; a little bowl for the Little Wee Bear; and a middle-sized bowl for the Middle-sized Bear; and a great bowl for the Great Big Bear. And they had each a chair to sit in; a little chair for the Little Wee Bear; and a middle-sized chair for the Middle-sized Bear; and a great chair for the Great Big Bear. And they had each a bed to sleep in; a little bed for the Little Wee Bear; and a middle-sized bed for the Middle-sized Bear; and a great bed for the Great Big Bear.

古早古早，有3隻熊，in做夥tòa tī樹林á內，有1間in ka-tī ê厝。In內底有1隻熊，是細細隻á-kiáⁿ，另外1隻體形中中--á，koh另外1隻to̍h chiok大隻。In kok人lóng有1塊碗thang té moâi，細細隻á--ê碗細細，體態中中--ê碗中中，chiok大隻--ê碗chiok大。In kok人mā lóng有1 liâu椅á thang坐，細細隻á--ê細liâu椅，體態中中--ê椅中範，chiok大隻--ê椅chiok大。In kok人mā lóng有1頂眠床thang睏，細細隻á--ê床細細，體態中中--ê床中中，chiok大隻--ê床chiok大。

One day, after they had made the porridge for their breakfast, and poured it into their porridge-bowls, they walked out into the wood while the porridge was cooling, that they might not burn their mouths by beginning too soon, for they were polite, well-brought-up Bears. And while they were away a little girl called Goldilocks, who lived at the other side of the wood and had been sent on an errand by her mother, passed by the house, and looked in at the window. And then she peeped in at the keyhole, for she was not at all a well-brought-up little girl. Then seeing nobody in the house she lifted the latch. The door was not fastened, because the Bears were good Bears, who did nobody any harm, and never suspected that anybody would harm them. So Goldilocks opened the door and went in; and well pleased was she when she saw the porridge on the table. If she had been a well-brought-up little girl she would have waited till the Bears came home, and then, perhaps, they would have asked her to breakfast; for they were good Bears—a little rough or so, as the manner of Bears is, but for all that very good-natured and hospitable. But she was an impudent, rude little girl, and so she set about helping herself.

有1 kang，in kā早頓ê moâi煮好勢，to̍h ka倒入去in ê碗--ni̍h，koh來，in to̍h利用he beh kā moâi khǹg ho͘涼ê時間，先去樹林á--ni̍h行行--leh，án-ne chiah bē為tio̍h siuⁿ趕緊beh食moâi，soah去ho͘燙tio̍h嘴kho͘ to̍h khah歹看，因為，in是有禮貌koh真有教示ê熊。To̍h tī in離開厝ê時陣，有1 ê cha-bó͘ gín-á，號做金鳳--ā，伊to̍h tòa tī樹林á ê另外1 pêng，hit-chūn in老母交帶伊去辦tāi-chì，tú好去經過hit 3隻熊ê厝，伊to̍h起hòⁿ玄，ùi窗á門ka探，koh ùi鎖匙khang kâng偷看厝內，當然án-ne做真m̄-thang，實在是無教無示。伊看tio̍h厝--ni̍h無人，to̍h kā門chhòaⁿ giú--開，che門mā無鎖，soah m̄知影to̍h是he熊lóng是好熊，從來m̄-bat想過beh去kâng害，mā bē按算講，ē有人beh來kā in害。Koh來chit ê金鳳--ā門開--leh，人to̍h行--入-去，無jōa久，去ho͘看tio̍h桌á頂有moâi，看kah伊ê心花開開開。這時，nā準講伊是1 ê教示真好ê cha-bó͘ gín-á，伊to̍h應該等熊in--轉-來，凡勢熊in mā ē招伊做夥食早頓。Chia ê熊lóng是真好ê熊，sui-bóng in kah一般ê熊kāng款，lóng有1-sut-sut-á粗魯，但是，in ê性地是真善良koh真好客情。不過金鳳--ā是1 ê粗魯、厚面皮koh無教示ê cha-bó͘ gín-á，伊sa--leh to̍h開始食。

台語有字！完整漢羅/白話字POJ原稿，請看做工á人台語工作室網站

https://cho-kang-a-lang.github.io/

[收聽Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

方格子

https://vocus.cc/salon/cho-kang-a-lang

--

Hosting provided by SoundOn

[Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

以下內容是漢羅kah白話字原稿，有需要歡迎ta̍k-ke來參考。

【漢羅版】

咱今á日beh來紹介chit字thang，nā情境無kâng，意思ûn-ná小khóa-á有精差。

Thang有ē-sái ê意思，「Kám有飯thang食？」「炒2-ê-á菜thang好配飯。」像chit款話咱to̍h tiāⁿ leh講。Nā講tio̍h無thang to̍h是bē-sái、無ài ê意思，舉例hō͘各位體會--1-ē，「伊實在是hoⁿh，叫伊順手the̍h 1 ê mi̍h-kiāⁿ來hō͘--我mā無通，有夠歹鬥陣！」有影1句例句khah贏10遍解說。

Koh 1種是beh問--人，看伊beh允准--無，像講：「電視kám通chūn來看？」「我kám thang去chhōe伊--ā？」像chit-lō情形，是teh等人回應看beh同意--無，chiah看後壁ê tāi-chì beh án-chóaⁿ做。

有1條歌，號做四季謠，真hit-to͘h ê歌，真chē歌星bat唱--過，內底有歌詞án-ne寫：「有話想beh對你講，m̄知thang ia̍h m̄-thang？」講，kám好，kám ē影響目前ê關係？心內憢疑憢疑，無講心內koh ngiau-ngiau，m̄知án怎khah tú好…，男女tng teh熱戀ê時，雙方ê距離窮實是kài歹準節。歌詞內底ê thang，to̍h有kám好，kám適合ê意思。Koh舉1 ê例：「Chiâⁿ久無kah伊連絡--ah，m̄知thang來chhōe伊--無？」Che mā是kāng款ê用法。

Chit ê thang mā有èng該ê意思，「Thang來轉--ah。」Chhit-thô siuⁿ久mā ē想厝，浪子mā ē想beh回頭。

刁工beh koh the̍h chit字thang出來講，是因為chit字jú來jú罕leh聽--a，lóng hông用ē-sái leh代替，藉chit ê機會koh kā ta̍k-ê chhui廣--1-ē，m̄-thang hō͘ hiah súi ê語言消失--去。

【Pe̍h-ōe-jī pán】

Lán kin-á-ji̍t beh lâi siāu-kài chit jī thang, nā chêng-kéng bô kâng, ì-sù ûn-ná sió-khóa-á ū cheng-chha.

Thang ū ē-sái ê ì-sù, “Kám ū pn̄g thang chia̍h?” “Chhá 2-ê-á chhài thang-hó phòe pn̄g.” Chhiūⁿ chit khoán ōe lán to̍h tiāⁿ leh kóng. Nā kóng tio̍h bô-thang to̍h sī bē-sái, bô-ài ê ì-sù, kí-lē hō͘ kok-ūi thé-hōe--1-ē, “I si̍t-chāi sī hoⁿh, kiò i sūn-chhiú the̍h 1 ê mi̍h-kiāⁿ lâi hō͘--góa mā bô-thang, ū kàu pháiⁿ tàu-tīn!” Ū-iáⁿ 1 kù lē-kù khah iâⁿ 10 piàn kái-soeh.

Koh 1 chióng sī beh mn̄g--lâng, khòaⁿ i beh ún-chún--bô, chhiūⁿ-kóng: “Tiān-sī kám thang chūn lâi khòaⁿ?” “Góa kám thang khì chhōe i--ā?” Chhiūⁿ chit-lō chêng-hêng, sī teh tán lâng hôe-èng khòaⁿ beh tông-ì--bô, chiah khòaⁿ āu-piah ê tāi-chì beh án-chóaⁿ chò.

Ū 1 tiâu koa, hō chò Sù-kùi-iâu, chin hit-to͘h ê koa, chin chē koa-chheⁿ bat chhiùⁿ--kòe, lāi-té ū koa-sû án-ne siá: “Ū ōe siūⁿ beh tùi lí káng, m̄-chai thang ia̍h m̄-thang?” Kóng, kám hó, kám ē éng-hióng bo̍k-chêng ê koan-hē? Sim-lāi giâu-gî giâu-gî, bô kóng sim-lāi koh ngiau-ngiau, m̄-chai án-chóaⁿ khah tú-hó…, lâm-lú tng teh jia̍t-loân ê sî, siang-hong ê kī-lî khêng-si̍t sī kài pháiⁿ chún-chat. Koa-sû lāi-té ê thang, to̍h ū kám hó, kám sek-ha̍p ê ì-sù. Koh kí 1 ê lē: “Chiâⁿ kú bô kah i liân-lo̍k--ah, m̄-chai thang lâi chhōe i--bô?” Che mā sī kāng-khoán ê iōng-hoat.

Chit ê thang mā ū èng-kai ê ì-sù, “Thang lâi tńg--ah.” Chhit-thô siuⁿ kú mā ē siūⁿ chhù, lōng-chú mā ē siūⁿ beh hôe-thâu.

Thiau-kang beh koh the̍h chit jī thang chhut-lâi kóng, sī in-ūi chit jī jú lâi jú hán leh thiaⁿ--a, lóng hông iōng ē-sái leh tāi-thè, chià chit ê ki-hōe koh kā ta̍k-ê chhui kóng--1-ē, m̄-thang hō͘ hiah súi ê gí-giân siau-sit--khì.

--

Hosting provided by SoundOn

[Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

以下內容是漢羅kah白話字原稿，有需要歡迎ta̍k-ke來參考。

【漢羅版】

咱今á日beh來講lia̍h橫，tī chia chit ê lia̍h是beh kā mi̍h-kiāⁿ控制、保持tī 1 ê固定ê狀況，tī故事內底，kā竹篙lia̍h橫，thang hâm插直直ê竹篙pa̍k做夥，thang pha̍k魚干。Nā講心肝lia̍h坦橫，to̍h是無beh照平常時ê理路teh行--ā，beh chhân-chhân ka做--lòe án-ne。

其實chit ê lia̍h，tī咱台語內底，ûn-ná有真chē意思ŏ͘，像講lia̍h魚lia̍h蝦thang好賣，a̍h是講ē-tàng食，m̄-koh nā lia̍h猴、lia̍h龍to̍h m̄是頭前hit種意思--à，m̄-thang sa leh烏白tàu。

Lia̍h mā thèng好講是beh去買精牲á，像講：「E暗有要緊ê人客beh來，你to̍h趕緊去市á lia̍h 1 chiah雞轉來thâi。」

Lia̍h mā有計算ê意思，像講lia̍h siàu。Koh做1 ê例來hō͘ ta̍k-ke參考看māi--leh：「Chit間ê厝頂ài têng hoan，你seng tàu lia̍h看ài jōa久chiah做ē了，另外1主ûn-ná teh kă chhui進度！」

Lia̍h我金金siòng，to̍h是講對我直直看，lia̍h我做尪á-mi̍h，to̍h是kā我當做是chhit-thô-mih-á án-ne對待，最後紹介1 ê khah新ê用法，咱chit-má nā tī網路頂beh chhōe資料，beh táng-ló͘，mā是lóng講用lia̍h--ê，台語nā一直有teh使用，to̍h ē創造出新ê用法，詞彙自然ē tòe leh增加。

【Pe̍h-ōe-jī pán】

Lán kin-á-ji̍t beh lâi kóng lia̍h-hoâiⁿ, tī chia chit ê lia̍h sī beh kā mi̍h-kiāⁿ khòng-chè, pó-chhî tī 1 ê kò͘-tēng ê chōng-hóng, tī kò͘-sū lāi-té, kā tek-ko lia̍h-hoâiⁿ, thang hâm chhah ti̍t-ti̍t ê tek-ko pa̍k chò-hóe, thang pha̍k hî-koaⁿ. Nā kóng sim-koaⁿ lia̍h-thán-hoâiⁿ, to̍h sī bô beh chiàu pêng-siông sî ê lí-lō͘ teh kiâⁿ--ā, beh chhân-chhân ka chò--lòe án-ne.

Kî-si̍t chit ê lia̍h, tī lán Tâi-gí lāi-té, ûn-ná ū chin chē ì-sù ŏ͘, chhiūⁿ-kóng lia̍h hî lia̍h hê thang-hó bē, a̍h-sī kóng ē-tàng chia̍h, m̄-koh nā lia̍h-kâu, lia̍h-lêng to̍h m̄-sī thâu-chêng hit chióng ì-sù--à, m̄-thang sa leh o͘-pe̍h tàu.

Lia̍h mā thèng-hó kóng sī beh khì bé cheng-seⁿ-á, chhiūⁿ-kóng: “E-àm ū iàu-kín ê lâng-kheh beh lâi, lí to̍h kóaⁿ-kín khì chhī-á lia̍h 1 chiah ke tńg-lâi thâi.”

Lia̍h mā ū kè-sǹg ê ì-sù, chhiūⁿ-kóng lia̍h siàu. Koh chò 1 ê lē lâi hō͘ ta̍k-ke chham-khó khòaⁿ-māi--leh: “Chit keng ê chhù-téng ài têng hoan, lí seng tàu lia̍h khòaⁿ ài jōa kú chiah chò ē liáu, lēng-gōa 1 chú ûn-ná teh kă chhui chìn-tō͘!”

Lia̍h góa kim-kim-siòng, to̍h sī kóng tùi góa ti̍t-ti̍t khòaⁿ, lia̍h góa chò ang-á-mi̍h, to̍h sī kā góa tòng-chò sī chhit-thô-mih-á án-ne tùi-thāi, chòe-āu siāu-kài 1 ê khah sin ê iōng-hoat, lán chit-má nā tī bāng-lō͘ téng beh chhōe chu-liāu, beh táng-ló͘, mā sī lóng kóng iōng lia̍h--ê, Tâi-gí nā it-ti̍t ū teh sú-iōng, to̍h ē chhòng-chō chhut sin ê iōng-hoat, sû-lūi chū-jiân ē tòe leh cheng-ka.

--

Hosting provided by SoundOn

[Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

以下內容是漢羅kah白話字原稿，有需要歡迎ta̍k-ke來參考。

【漢羅版】

今á日beh hâm ta̍k-ke來討論chit ê kā hâm kah，chit 2 ê字chêng我開始學台文了後，發現真chē朋友lóng舞bē清楚，霧sà-sà。我5年進前bat tī社交媒體頂面，分享過我所整理ê資料，到taⁿ mā是koh真chē朋友ē挖he舊文出來看，想想--leh，chit-má tng teh做ê節目有聲音，koh藉chit ê都合來分析看māi--leh，凡勢ē對iáu bē hiah清楚ê朋友，加減á有幫贊。

頭起先，咱先來講kā，chit ê kā，to̍h是「單方面」，對mi̍h-kiāⁿ a̍h是人去做1 ê動作，像講，kā伊phah，kā mi̍h-kiāⁿ khǹg--leh，kā ê對象，是咱tú-chiah所講ê「伊」hâm「mi̍h-kiāⁿ」，in 2 ê是被動ê角色。

Kah to̍h無kâng，親像我kah伊講話，to̍h是2 ê人「雙方面」lóng有leh講話，我kah伊sio-phah，to̍h是我phah--伊，伊mā phah--我，che是互相--ê，咱chiah ē用kah。

咱kám ē-sái講我kā伊開講？Bē-sái！因為開講是2 ê人互相teh對話，nā kan-na 1 ê人teh講，he to̍h親像leh kâng教示án-ne，to̍h m̄是開講--ah。

Chhiāⁿ-chhiāⁿ ē聽tio̍h人leh講「我kah你講」，che一般來講lóng是m̄ tio̍h--ê，èng該是「我kā你講」，是我有tāi-chì beh講hō͘你聽，nā講做我kah你講，ē變做對方有話beh講，我chit-má beh聽伊講，koh來我mā ē回應，beh互相討論tāi-chì án-ne。

另外koh用1 ê例來做比較，「你去kā伊講」，to̍h是你ài去講hō͘伊知影ê意思，「你去kah伊講」，to̍h有你ài去chhōe伊參詳ê意思，só͘-pái差1字，咱leh聽ê意思to̍h ē完全無kâng。

以上是kah hâm kā 2 ê字意思ê精差，另外咱mā ē-tàng ùi咱講話ê聲音來分析，「kā」一般講話ē講去第3調a̍h是第7調，「我kā³你講」、「我kā⁷你講」，chit 2種lóng有人leh講，「kah」一般咱講話ê時，ē講tī第1 a̍h是第2調，親像「我kah¹你講」、「我kah²你講」án-ne。

Chit遍咱ùi意思kah語音，來討論chit 2字無kâng ê所在，ǹg望咱ê聽眾朋友bē koh花kô-kô kiam sa無cháng。

【Pe̍h-ōe-jī pán】

Kin-á-ji̍t beh hâm ta̍k-ke lâi thó-lūn chit ê kā hâm kah, chit 2 ê jī chêng góa khai-sí o̍h Tâi-bûn liáu-āu, hoat-hiān chin chē pêng-iú lóng bú bē chheng-chhó, bū-sà-sà. Góa 5 nî chìn-chêng bat tī siā-kau mûi-thé téng-bīn, hun-hióng kòe góa só͘ chéng-lí ê chu-liāu, kàu taⁿ mā sī koh chin chē pêng-iú ē ó͘ he kū bûn chhut-lâi khòaⁿ, siūⁿ siūⁿ--leh, chit-má tng teh chò ê chiat-bo̍k ū siaⁿ-im, koh chià chit ê to͘-ha̍p lâi hun-sek khòaⁿ-māi--leh, hoān-sè ē tùi iáu bē hiah chheng-chhó ê pêng-iú, ke-kiám-á ū pang-chān.

Thâu-khí-seng, lán seng lâi kóng kā, chit ê kā, to̍h sī “tan hong-bīn”, tùi mi̍h-kiāⁿ a̍h-sī lâng khì chò 1 ê tōng-chok, chhiūⁿ-kóng, kā i phah, kā mi̍h-kiāⁿ khǹg--leh, kā ê tùi-siōng, sī lán tú-chiah só͘-kóng ê “i” hâm “mi̍h-kiāⁿ”, in 2 ê sī pī-tōng ê kak-sek.

Kah to̍h bô kâng, chhin-chhiūⁿ góa kah i kóng-ōe, to̍h sī 2 ê lâng “siang hong-bīn” lóng ū leh kóng ōe, góa kah i sio-phah, to̍h sī góa phah--i, i mā phah--góa, che sī hō͘-siong--ê, lán chiah ē iōng kah.

Lán kám ē-sái kóng góa kā i khai-káng? Bē-sái! In-ūi khai-káng sī 2 ê lâng hō͘-siong teh tùi-ōe, nā kan-na 1 ê lâng teh kóng, he to̍h chhin-chhiūⁿ leh kâng kà-sī án-ne, to̍h m̄ sī khai-káng--ah.

Chhiāⁿ-chhiāⁿ ē thiaⁿ tio̍h lâng leh kóng “góa kah lí kóng”, che it-poaⁿ lâi kóng lóng sī m̄ tio̍h--ê, èng-kai sī “góa kā lí kóng”, sī góa ū tāi-chì beh kóng hō͘ lí thiaⁿ, nā kóng chò góa kah lí kóng, ē piàn-chò tùi-hong ū ōe beh kóng, góa chit-má beh thiaⁿ i kóng, koh lâi góa mā ē hôe-èng, beh hō͘-siong thó-lūn tāi-chì án-ne.

Lēng-gōa koh iōng 1 ê lē lâi chò pí-kàu, “lí khì kā i kóng”, to̍h sī lí ài khì kóng hō͘ i chai-iáⁿ ê ì-sù, “lí khì kah i kóng”, to̍h ū lí ài khì chhōe i chham-siông ê ì-sù, só͘-pái chha 1 jī, lán leh thiaⁿ ê ì-sù to̍h ē oân-choân bô kâng.

Í-siōng sī kah hâm kā 2 ê jī ì-sù ê cheng-chha, lēng-gōa lán mā ē-tàng ùi lán kóng-ōe ê siaⁿ-im lâi hun-sek, “kā” it-poaⁿ kóng-ōe ē kóng khì tē 3 tiāu a̍h-sī tē 7 tiāu, “góa kā³ lí kóng”, “góa kā⁷ lí kóng”, chit 2 chióng lóng ū lâng leh kóng, “kah” it-poaⁿ lán kóng-ōe ê sî, ē kóng tī tē 1 a̍h-sī tē 2 tiāu, chhin-chhiūⁿ “góa kah¹ lí kóng”, “góa kah² lí kóng” án-ne.

Chit piàn lán ùi ì-sù kah gí-im, lâi thó-lūn chit 2 jī bô kâng ê só͘-chāi, ǹg-bāng lán ê thiaⁿ-chiòng pêng-iú bē koh hoe-kô-kô kiam sa bô cháng.

--

Hosting provided by SoundOn

[Podcast]

SoundOn

https://bit.ly/ChKaL_SO

Spotify

https://spoti.fi/48jD2tI

KKBOX Podcast

https://bit.ly/ChKaL_KK

Apple Podcast

https://apple.co/3HZyfD3

[社交平台 Siā-kau Pêⁿ-tâi]

Facebook

https://bit.ly/ChKaL_FB

Instagram

https://www.instagram.com/chokangalang/

X (Twitter)

https://twitter.com/chokangalang

以下內容是漢羅kah白話字原稿，有需要歡迎ta̍k-ke來參考。

【漢羅版】

今á日beh來hâm各位研究ê詞是行踏，像咱故事所講--tio̍h ê，「ài加減á出門行踏」，to̍h是ài去sì-kè行行看看--leh，m̄好kui kang khut tī厝，khut久ē死痠，身體精神lóng bē好。

Nā講，伊真久無來咱chia行踏--ah，che當然mā有來行行--leh ê意思，m̄-koh m̄-nā是án-ne，tī chia，行踏koh有來kah咱交陪、往來ê意思，咱koh ke用1 ê例來說明，ta̍k-ê凡勢ē jú有體會。「伊平常時a̍h無來leh hâm咱行踏，chit-má需要人tàu-saⁿ-kāng，chiah來 leh a伯a-ḿ，實在是無想beh chhap--伊。」

行踏mā有leh講人leh行ê形，像講，「伊éng過bat傷tio̍h脚，koh來行踏to̍h無kài自然。」咱nā聽tio̍h人án-ne講，凡勢ē-tàng想tio̍h有1 ê人行路pái--leh pái--leh án-ne。

最後行踏mā ē-sái講人ê品行，咱ē-tàng講人行踏真端正，a̍h是講行踏無正經，總--是，人ê行踏ē受伊所交陪ê朋友來影響。

【Pe̍h-ōe-jī pán】

Kin-á-ji̍t beh lâi hâm kok-ūi gián-kiù ê sû sī kiâⁿ-ta̍h, chhiūⁿ lán kò͘-sū só͘ kóng--tio̍h ê, “ài ke-kiám-á chhut-mn̂g kiâⁿ-ta̍h”, to̍h sī ài khì sì-kè kiâⁿ-kiâⁿ khòaⁿ-khòaⁿ--leh, m̄-hó kui kang khut tī chhù, khut kú ē sí-sng, sin-thé cheng-sîn lóng bē hó.

Nā kóng, i chin kú bô lâi lán chia kiâⁿ-ta̍h--ah, che tong-jiân mā ū lâi kiâⁿ-kiâⁿ--leh ê ì-sù, m̄-koh m̄-nā sī án-ne, tī chia, kiâⁿ-ta̍h koh ū lâi kah lán kau-pôe, óng-lâi ê ì-sù, lán koh ke iōng 1 ê lē lâi soat-bêng, ta̍k-ê hoān-sè ē jú ū thé-hōe. “I pêng-siông sî a̍h bô lâi leh hâm lán kiâⁿ-ta̍h, chit-má su-iàu lâng tàu-saⁿ-kāng, chiah lâi leh a-peh a-ḿ, si̍t-chāi sī bô siūⁿ beh chhap--i.”

Kiâⁿ-ta̍h mā ū leh kóng lâng leh kiâⁿ ê hêng, chhiūⁿ-kóng, “I éng-kòe bat siong tio̍h kha, koh lâi kiâⁿ-ta̍h to̍h bô kài chū-jiân.” Lán nā thiaⁿ tio̍h lâng án-ne kóng, hoān-sè ē-tàng siūⁿ tio̍h ū 1 ê lâng kiâⁿ-lō͘ pái--leh pái--leh án-ne.

Chòe-āu kiâⁿ-ta̍h mā ē-sái kóng lâng ê phín-hēng, lán ē-tàng kóng lâng kiâⁿ-ta̍h chin toan-chèng, a̍h-sī kóng kiâⁿ-ta̍h bô chèng-keng, chóng--sī, lâng ê kiâⁿ-ta̍h ē siū i só͘ kau-pôe ê pêng-iú lâi éng-hióng.

--

Hosting provided by SoundOn