
Sign up to save your podcasts
Or


Það er komið haust hjá Fillífjónkunni. Júlía er á leið til Hollywood og kvíðir því að þurfa alltaf að hanga á ströndinni í haust en lenda aldrei í stormi og láréttri rigningu. Lára er byrjuð að syrgja sumarið sem aldrei kom í Stokkhólmi.
Spurningar þáttarins:
Opal sígarettureykur fyllir herbergið í Bíó Tvíó vikunnar. Andrea og Steindór fjalla um Christopher Guest innblásnu mockumentary myndina Íslenska drauminn frá árinu 2000. En eru allir Íslendingar í Berlín á flótta undan lögunum? Hvað gerir manneskjur að cyborgum? Hvernig voru orgíurnar heima hjá Magic Johnson? Allt þetta og sögur úr vídjóleigum í Bíó Tvíó vikunnar!
Júlía átti erfiðan dag er hún varð fyrir því að úlpuklæddur maður gekk á hana og eyðilagði skóinn hennar, rétt áður en kaffið lak og hún sullaði indverskum mat í rúmið. Lára er nýkomin af skipulögðu vinadeiti með manneskju sem reyndist efast um tunglendinguna en er viss um að eðlufólkið ofsæki sig.
Júlía reynir að þrauka síðustu dagana í New York þrátt fyrir að sambýlingar hennar séu kakkalakkafeðgar sem vilja bara láta taka af sér höfuðið og kúra.
Þær ræða um fallnar stjörnur og hvort að þær hafi verið jafn heilagar í lifanda lífi og eftir dauða sinn. Lára reynir að sættast við að geta aldrei aftur farið á tónleika með Prince og reynir að botna í því hvernig hárið á Lafði Dínönu var alltaf vel blásið.
Júlía saknar þess að fara á miðnæturopnun í Smáralind, drekka freyðivín og sjá þar Siggu Kling bregða fyrir á hverju horni með nýjan hatt.
Það er komið, það er komið, það er komið! Bíó Tvíó, hlaðvarpið um íslenskar kvikmyndir, snýr aftur þessa vikuna með umfjöllun um Stikkfrí frá 1997. Tvær stelpur fremja mannrán til að bæta upp fyrir óvenjuleg fjölskyldumynstur. En hver á að krafsa upp botnleðjuna? Hvenær verður hálsmen að nisti? Hvert er garantí Maríu Ellingsen? Allt þetta og doxað smábarn í Bíó Tvíó vikunnar!
Júlía er nýkomin af MOMAsafninu í New York. Listfræðingurinn Lára í Stokkhólmi rifjar í kjölfarið upp ást sína á Monet og Júlía minnist þess hvað hún var alltaf hrifin af Erró því hann var svo góður í að lita ekki útfyrir.
Fillífjónkan elskar fjölbreytileikann og fagnar því að haldið sé upp á Reykjavík Pride á Íslandi og því að fólk geti skilgreint sig allskonar.
Júlía segir langa dæmisögu sem hún man ekki, en þær komast að þó list snúist um að brjóta egg svo það standi þá spillir ekki að troðast framfyrir í röðina með því að vera forréttindakall.
Júlía spilar uppáhalds lagið sitt og Lára kemst að því að hún muni aldrei dansa eins eftir þá hlustun.
Ískisur er skemmtiþáttur um bókabálkinn Ísfólkið og internetkisur. Stelpurnar ræða um komu kattarbarns Helgu, hreinlæti og praktíska notkun síðra pilsa. Kristínu tekst einnig að gefa sjálfri sér kjánahroll. En er Helga ábyrg gjörða sinna? Hversu trylltir eru saumaklúbbar á Reyðarfirði? Eru ofskynjunarlyf nornaútgáfan af hvítvíni? Er hægt að elska með íshjarta? Hvort er náttskuggi betri ferskur eða þurrkaður? Hver skuldar hverri sjampó? Hversu nákvæm geta hugboð verið? Er Blokksberg IRC 16. aldar? Af hverju þurfa alltaf að vera dýr!?! En stærsta spurning vikunnar er: Var það stöngin inn eða stöngin út?
Ískisur — þú getur bara halt þitt eigið hlaðvarp!
Glápið snýr aftur úr sumarfríi með háleitar hugmyndir um eigið ágæti, enda höldum við beint inn í Valhöll á toppi Ólympusfjalls í hjarta Ameríku. En endum líklega í gömlum ísbíl með rotnandi líki framhjáhaldarans og óheppna búálfinum. Allt getur gerst í seríu 2 af Glápinu!
Reiður bloggari ræðst gegn útrásarvíkingum og konum í Roklandi, myndinni til umfjöllunar í Bíó Tvíó að þessu sinni. Í þætti vikunnar gera stjórnendur þáttarins einnig afleita tilraun til að ræða pólitík og fasteignaverð á Sauðárkróki. En eru Andrea og Steindór að hrörna? Eru allar tombólur Morgunblaðsins svindl? Og mun Steindór syngja í þættinum? Allt þetta og „Suit and tie“ í Bíó Tvíó vikunnar!
Ískisur er skemmtiþáttur um bókabálkinn Ísfólkið og internetkisur. Í þessari viku er Birna komin í Costco Central á árshátíð Ískisa og stelpurnar skála fyrir sjálfum sér í sjampói. Helga og Kristín ræða hvernig var að hlaðvarpa með Mjólkurbræðrum án ritskoðunar frá Reyðarfirði. Hvort er betra köld eða heit byrjun? Átta hlustendur sig á því að Kristín er óviðeigandi fyndin? Mun samstarf Ískisa enda á farsælan hátt? Hver mun bjarga lífi Lífar? Hver af stelpunum vinnur stóra veðmálið? Er Sunna góð innst inni? Er portkona fínna orð yfir skækju? Hvernig er best að geyma punga á ferðalagi?
Það er verslunarmannahelgi og Lára og Júlía eru nýkomnar úr ródtrippi, Lára um Svíþjóð en Júlía um Bandaríkin. Lára heimsótti vinafólk sitt í glæsivillu og sá hallir sem líktust ekkert sumarbústöðum í Munaðarnesi heldur frekar kirsuberjadal í Narniu. Júlía komst að því að það er Burger king á 7 metra fresti á þjóðvegi 66 þar sem hægt er að fá supersize Hi-C á dælu.
Þær prísa sig sælar að vera ekki a þjóðhátíð í eyjum en sakna samt fjölskyldunnar, torfbæjanna, söngs hrossagauksins (sem hljómar eins og manneskja að hlæja án þess að brosa) og þess að búa í landi sem státaði af 3. besta stangastökkvara í heimi nítíuogeitthvað. Lára rifjar upp þegar hún laug í atvinnuumsókn að hún væri með bílpróf og fékk óvart vinnuna, og hve erfið fæðing bílprófið var. Júlía sem mun flytja til LA á næstunni mun ekki stýra ökutæki eftir að hafa tekist að fletja út heiðagæs í fyrsta ökutímanum. Lára fær áskorun um að byrja að rækta gúrkur, til heiðurs allra gúmmítöffara heimsins og hún lofar að lána Júlíu kandíflossvél og karókívél fyrir fertugsafmælið eftir 10 ár.
From the publisher's feed