Eng Hellewull Institutioune gi vun "Amis'en" ënnerstëtzt, Lëtzebuerger Muséeën zum Beispill vun den Amis des Musées, e lokale Support. Et existéieren awer och transatlantesch Initiativen, wéi d'American Friends of the Tate oder d'American Friends of the Pompidou. Enn Mee 2019 goufen zu New York d'American Friends of Mudam gegrënnt. An iwwer si huet den New Yorker Konschtsammler Raymond J. Learsy dem Mudam en Don vu 16 Konschtwierker gemaach. D'Kerstin Thalau ass dem Mister Learsy am Pei-Musée begéint.