Mat Hëllef vun Ärer Fantasie Plaz an Ärem Kapp, an also och an Ärem Liewen am Confinement, schafen, dat ass de But vum Kerstin Thalau sengem Radio-Workshop "Aus 100,7 maach 10'000,700". Dofir maacht Dir doheem, op Kleng oder Grouss, einfach Är Ae fest zou a loosst Iech vum Kerstin senger Stëmm guidéieren, an zwar duerch Raim a Couloiren, vun deenen Dir guer net wousst, datt se an Ärem Doheem existéiere géifen. Haut sollt den Ofschloss vum 1. Cycle sinn, mee Fantasie léisst sech net ëmmer steieren.