Et huet alles mat enger Wett an der däitscher Kultemissioun Wetten dass ..? ugefaangen, an dorausser huet sech eng exemplaresch humanitär Hëllefsaktioun entwéckelt. De Papp vun deem Ganze war den éisträicheschen Acteur Karlheinz Böhm. Dem Acteur, deen elo 90 Joer kritt hätt, säin Häerz huet bis un d'Enn nach just fir Ethiopien geschloen, en huet seng Acteurs-Carrière un de Nol gehaangen a sech mat Läif a Séil mat senger Organisatioun Menschen für Menschen fir Leit an Ethiopien agesat a probéiert, géint d'Aarmut an den Honger an dem afrikanesche Land unzegoen. Genee dësen Engagement war fir de Karheinz Böhm d'Roll vu sengem Liewen. Den 29. Mee 2014 ass de Karlheinz Böhm am Alter vu bal 86 gestuerwen, mä seng Missioun leeft weider. E Portrait mam Jean Claude Majerus.