Automag

De Quashqai ass dee beléiftste Modell an der Gamme. De Bestseller kritt elo nei Motoren spendéiert, an de Christian Schmit war fir eis op der Presentatioun dobä

D’SUV-Famill vu Seat ass elo komplett. No Arona an Ateca rënnt den Tarraco d’Gamm no uewen op. De Paul Origer war op der Presentatioun zu Barcelona derbäi.
Paul, den Tarraco ass awer kee ganz Onbekannten?
Nee, dat hues de richteg erfaasst an dat ass och ee perfekt Beispill wéi d’Plattformstrategie bei VW fonctionnéiert. Den Tarraco steet op der laanger MQB-A-Plattform an ass am Fong de spueneschen Zwilling vu VW Tiguan Allspace oder Skoda Kodiaq, leeft och dofir zesumme mam Tiguan zu Wolfsburg vum Band.

A wat mécht beim Tarraco dann den Ennerscheed zu de Konzernbridder?
Ma virun allem den Design, an dat ass hinnen effektiv net schlecht gelong. Seat huet séng DNA gutt op den Tarraco iwwerdroen, e gesäit tatsächlech méi sportlech aus an hieft sech esouguer vun deenen anere Seat-SUV’en of. An dat huet och ee Grond; mat hirem neue Flaggschëff lauden d’Spuenier nämlech eng nei Design-Linn an. Dat gesäit ee besonnesch vir um Grill a bei de Luuchten, säitlech bleift et Seat-typesch sportlech an hanne fällt dat breet Luuchteband op. Bannenan dominéiert eng Dekorbaguette déi sech iwwert de ganzen Tableau zitt.

Designméisseg also dann awer anescht, wéi gesäit et technesch aus?
Hei kennt natirlech alles aus dem VW-Baukasten, eng speziell Seat-Opmaachung gellt just fir den digitale Cockpit an den Infotainment deen elo optional via ee groussefräistehende 8-Zoll Bildschirm fonctionnéiert. Wat den Tarraco trotzdem ennerscheede soll ass säi Fuerverhalen. Houfreg hu se vum sportlechste SUV a sénger Klass geschwat - dat hunn ech natirlech als Erausfuederung geholl an den Tarraco am spueneschen Hannerland duerch d’Kéiere gejot. An tatsächlech gefällt e mat gudder Stroosselaach an esouguer enger net ze liichter Steierung. De Sportmodus an 20-Zoll-Rieder sinn awer virausgesat, anerefalls maache sech den héighen Opbau an déi synthetesch Steierung bemierkbar. Och de Choix vum Motor spillt do mat. 150 PS sinn de Minimum, am Tarraco a Form vum 1.5 TSI awer ze knapp. Den TDI mécht dat duerch säin Dréihmoment besser, well och den 2.0 TSI mat 190 PS kennt séier u séng Grenzen. Dofir léiwer de gläich staarken Diesel mat DSG an Allrad huelen, wann och d’Automatik mat 2 Kupplungen sech nach emmer beim Ufuere schwéier deet an heiansdo beim zeréckschalten zéckt.

Mee bon, sportlech Ambitiounen huet ee beim Kaf vun engem grousse SUV meeschtens net. Ech denken hei wëll een éischter vill Plaz!
Eben, an déi bitt den Tarraco op 4m73 mat 5 oder 7 Plaze woubäi déi 2 ganz hanne wéi esou dacks just fir ganz kleng Passagéier zougänglech sinn. Verzicht een op déi 3. Sëtzreih, dann tréischt eng 760 Liter grouss Mall doriwwer ewech. An an de Reihen 1 an 2 ass souwisou Plaz wéi an der éischter Klass. Also absolut näischt ze meckeren. Just e besse méi fuerwege Pep a manner haarde schwaarze Plastik kéint ee sech wenschen, Am Alldag gefalen déi kleng Opmierksamkeeten wéi d’360 Grad-Kamera, den elektresche Mallendeckel oder déi nei Assistenzsystemer Emergency Assist a PreCrash Assist.

Wéi gesäit et dann präislech aus? Och quasi copy-paste VW a Skoda?
Dozou kann ech leider nach näischt soen wëll se nach amgaang sinn déi lëtzebuerger Tariffer auszerechnen. Ech ginn awer dovun aus dat en um Level vu séngem teschesche Brudder Skoda Kodiaq bleift, also tëscht 30 a 50.000 Euro. D’Bestellbicher ginn dann an deenen nächste Wochen op.
An ze kucke gëtt et den neie Seat Tarraco natierlech och. Dem Paul seng Fotoe an d’Präisser fannt der op auto.rtl.lu.

D’SUV-Famill vu Seat ass elo komplett. No Arona an Ateca rënnt den Tarraco d’Gamm no uewen op. De Paul Origer war op der Presentatioun zu Barcelona derbäi.

D’SUV-Famill vu Seat ass elo komplett. No Arona an Ateca rënnt den Tarraco d’Gamm no uewen op. De Paul Origer war op der Presentatioun zu Barcelona derbäi.

R T L Automag
Méindeg: 03.12.2018
U S O :
...LEGO, jo dees bréngt de Kleeschen dëser Deeg erëm bestëmmt bei vill brav Kanner. LEGO war awer am Oktober och Partenaire vum Mondial de l’Auto zu Paräis, an hat eppes aussergewéinleches op d’Rieder gesat.
E Bugatti Chiron, deen aus LEGO Stecker zesummegesat gouf, an och tatsächlech fiert.
De Christian Schmit hat sech dat an der Seine Metropole ugekuckt an erkläre gelooss.

T E X T :
...jo an dat mat deem ukucken, dat war guer nett einfach. Well de Bugatti Chiron by LEGO war belagert vun Familljen mat Kanner an ass permanent geknipst ginn.
LEGO zu Billund an Dänemark doheem, zielt an sech wann ee sou well zu de gréissten Auto Produzenten?
(Cut 1...) 18sec
A mam Emilie Calm vum Marketing mat den Detailer zum Bugatti Chiron aus LEGO Stécker...
(Cut 2...) 30sec
Getest gouf des Créatioun vum Andy Wallace, den offiziellen Test Pilot bei Bugatti. Eng aussergewéinlech Experienz?
(Cut 3...) 25sec + 15sec
Do ass dat berühmt “Kind im Manne” erëm erwächt. Quasi alles ass aus LEGO Piècen, och bannenan?
(Cut 4...)
Ganz laang gouf un deem Défi tëscht Bugatti a LEGO geplangt, deen elo an Dänemark an och an Tschechien zesummegesat gouf.
A vun Paräis aus goung et dunn op Welt Tour. En Unikat, dëse Bugatti Chiron aus 1 Millioun Lego Stécker.
An d’Saison fir si ass voll am Gang, a wien weess vläicht bréngt de Kleeschen jo tatsächlech esou e Bugatti. Well dee gëtt et en Miniature fir zesummen ze setzen an hirer Gamme...
Ofso Speaker:
...a Fotoen vun deem exklusive Stéck aus LEGO, gesinn mir op www.auto.rtl.lu  

De Kleeschen bréngt dëser Deeg erëm bestëmmt och Lego bei vill brav Kanner. Lego war am Oktober och Partenaire vum 'Mondial de l’Auto' zu Paräis an hat eppes aussergewéinleches op d’Rieder gesat: E Bugatti Chiron, deen aus deene weltbekannte Stécker zesummegesat gouf, an och tatsächlech fiert.

De Kleeschen bréngt dëser Deeg erëm bestëmmt och Lego bei vill brav Kanner. Lego war am Oktober och Partenaire vum 'Mondial de l’Auto' zu Paräis an hat eppes aussergewéinleches op d’Rieder gesat: E Bugatti Chiron, deen aus deene weltbekannte Stécker zesummegesat gouf, an och tatsächlech fiert.

Déi spektakuläerste Strooss aus Europa soll de rumäneschen Transfargasan Highway sinn. Eng Strooss, déi de fréieren Diktator Ceaucescu sech baue gelooss hat. Si féiert matten duerch d'transsylvanesch Alpen ass 190 Kilometer laang an de Serge Pauly huet do duerfen en Auto testen.

Déi spektakuläerste Strooss aus Europa soll de rumäneschen Transfargasan Highway sinn. Eng Strooss, déi de fréieren Diktator Ceaucescu sech baue gelooss hat. Si féiert matten duerch d'transsylvanesch Alpen ass 190 Kilometer laang an de Serge Pauly huet do duerfen en Auto testen.