Í breddanum í dag seta vit millum annað sjóneykuna á rentur, bústaðarlán og skuldarbyrðu. Tí hvør er munurin á innlánsrentu og útlánsrentu? Fer rentustøði at hækka ella lækka í nærmastu framtíð ? Og standa føroysk húsarhald við skegginum í postkassanum, um rentan hækkar bara eitt lítið sindur?

Føroyingar kunnu ikki lata gøgn í Føroyum, tí ongin neurologur er føstum starvi. Tískil fáa vit gøgn úr Danmark og øðrum norðurlondum, men vit lata ongi sjálvi.

Tummas í Garði, læknafakligur varastjóri í Sjúkrahúsverkinum, greiðir frá organdonatión, og hví hetta ikki ber til í Føroyum.

Lagt til rættis: Arnfríð Joensen Dahl og Tróndur Olsen, sum eisini var redaktørur.

Kommunulæknatrotið í Føroyum er stórt. í løtuni hava 1000 føroyingar ikki fastan lækna.

Heilsutrygd søkir javnan eftir læknum at manna tey leysu kommunulæknastørvini kring landið. Men alt ov lítil áhugi er fyri størvunum.

Ein annar trupulleiki er, at ov fáar viðtalur eru. Tørvur er á trimum kommunulæknaviðtalum afturat - og tað kostar pengar.

Og fíggjarlógin fyri 2022 verður í hesum døgum viðgjørd í løgtinginum. Vit eru í tinginum í morgun og lodda dýpið hjá samgongu og andstøðu.

Størri effektivitetur á arbeiðsplássinum, betri javnvág millum arbeiði og familju, færri mistøk, minni strongd - bæði hjá foreldrum og børnum og betri pensjónsviðurskifti hjá tí stóra talinum av fólki, sum arbeiðir niðursetta tíð á almenna arbeiðsmarknaðinum.

Alt hetta fyri góðar 100 mió kr, og umframt ein sterkari búskap, tá lág og miðallønt hava meira pening um hendi.

Tað eru millum niðurstøðurnar í stóru kanningini hjá átta fakfeløgum á almenna arbeiðsmarknaðinum, sum var almannakunngjørd í gjár.

Fjaldar peningaupphæddir, skattaundanførslir og peningahvítting.

Sunnukvøldið gjørdist Pandoraskjølini almenn - ein risastórur dátuleki við nærum 12 mió skjølum. Tey avdúkaðu nógv ivasom viðurskifti, hjá nøkrum av heimsins ríkastu og valdsmiklastu fólkum í tiltiknum skattaskjólum.

Og

Korona herjar aftur av álvara í Føroyum. Skúlaflokkar verða koyrdir í sóttarhald kring landið, og nøkur ellisheim avmarka aftur tey vitjandi.

95 koronutilburðir eru staðfestir seinastu vikuna. Vit spyrja tí: Skulu vit bakka og seta tiltøk í verk aftur? Ella skulu vit sleppa endanum heilt og lata smittuna ferðast frítt í samfelagnum? Og langt er millum tilmælini frá fiskifrøðini - savnað saman í ICES - og so einstøku strandalondini, sum hvør í sínum lagi fiska nógv meira av makreli, svartkjafti og norhavsild enn mælt verður til.

Í gjár legði Jørgen Niclasen fram fíggjarlógaruppskot fyri 2022, sum gevur 65 milliónir krónur í yvirskoti. Í játtanarkørmunum, sum vóru lagdir fram í vár, og sum annars skulu vera skabilónin fyri fíggjarlógaruppskotið um heystið, varð annars roknað við 63 milliónum krónum í undirskoti. Væl at merkja, tá átøk fyri 30 milliónir vórðu gjørd. Men hvussu bar tað til? Hví er nú brádliga yvirskot á fíggjarlógini? Og merkja svørtu tølini á botnlinjuni, at nú er landshúsarhaldið í góðum hondum? Tað spyrja vit Búskaparráðið, í dag umboðað av Johnny í Grótinum, búskaparfrøðingi og ráðslimi.

Løgtingið fer fyrrapartin at umrøða trý lógaruppskot frá andstøðuni, sum skulu tryggja rættindi hjá samkyndum kvinnum, ið vilja ættleiða børn. Skotið verður upp at broyta barsilslógina, rættargangslógina og lógina um "børns retsstilling", soleiðis at hugtakið "sammóður" eisini kann brúkast í Føroyum. Á Breddanum hyggja vit eftir hugtakinum og hvønn týdning tað hevur, umframt at vit meta um politisku avleiðingarnar av andstøðuuppskotinum. Mimi Steintórsdóttir, sakførari, greinar lógaruppskotini. Og Eirikur Lindenskov, blaðstjóri á Sosialinum, greinar politisku støðuna.

Úrslit frá stórari kanning um harðskap vórðu løgd fram í dag.

Meira enn ein triðingur, 36 prosent, av teimum spurdu hava verið fyri onkrum slagi av harðskapi. Og 23 prosent - ella meira enn fimti hvør - av teimum spurdu hava verið fyri kynsligum ágangi.

Tvey evni eru á Breddanum í dag.