ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

April 16, 2023 ហេតុអ្វីពិបាកទប់ស្កាត់ការលេងបាញ់ទឹក និងប៉ាតម៉្សៅក្នុងឱកាសចូលឆ្នាំខ្មែរ?
បើទោះបីជាអាជ្ញាធរបានចេញបម្រាម មិនឲ្យលេងបាញ់ទឹក ជះទឹក និងប៉ាតម៉្សៅនៅក្នុងឱ:កាសបុណ្យចូលឆ្នាំខ្មែរនេះក៏ដោយ តែការប្រព្រឹត្តជាក់ស្តែងគេឃើញថា ល្បែងទាំងនេះបានពេញនិយមខ្លាំងពីស្រទាប់យុវវ័យខ្មែរ។
ល្បែងទាំងនេះមិនមែនជាប្រពៃណី វប្បធម៌ខ្មែរឡើយ តែនេះជាចំហាយឥទ្ធិពលពីប្រទេសជិតខាង ហើយផលចំណេញបានទៅលើប្រទេសទាំងនោះ ខណៈកាំភ្លើងបាញ់ទឹក និងម៉្សៅ គឺសុទ្ធតែជារបស់នាំចូល។ ហេតុអ្វីពិបាកទប់ស្កាត់ការលេងបាញ់ទឹក និងប៉ាតម៉្សៅក្នុងឱកាសចូលឆ្នាំខ្មែរ?
13 min
April 15, 2023 បក្សភ្លើងទៀនយកឱកាសចូលឆ្នាំថ្មី ចង់បានវប្បធម៌សន្ទនា ដើម្បីបញ្ចប់ជម្លោះនយោបាយ?
មិនខុសពីគណបក្សកាន់អំណាចទេ គណបក្សភ្លើងទៀនក៏បានចេញសារជូនពរឆ្នាំថ្មីនេះដែរ។ តាមរយៈលិខិតជូនពរឆ្នាំថ្មី គណបក្សជំទាស់មួយនេះ បានបួងសួងឲ្យកម្ពុជាជួបប្រទះសុខសន្តិភាពពិតប្រាកដ បញ្ចប់នូវជម្លោះនយោបាយនានាតាមរយៈវប្បធម៌សន្ទនា។ ចំណែកលោកនាយករដ្ឋមន្ត្រី ហ៊ុន សែន ពីខេត្តសៀមរាបវិញ បានថ្លែងថា សុខសន្តិភាពស្ថិរភាពផ្នែកនយោបាយ គឺជាកត្តាសំខាន់ ដែលផ្តល់ឱកាសសប្បាយរីករាយសម្រាប់ប្រជាជនកម្ពុជានាពេលនេះ។ អ្នកវិភាគនយោបាយបានចាត់ទុកការលើកឡើងរបស់បក្សក្រៅរដ្ឋាភិបាល ដើម្បីអន្ទងចិត្តបក្សកាន់អំណាចឲ្យងាកមករកកិច្ចសន្ទនា ជារឿងល្អ។
13 min
April 13, 2023 លិខិតឆ្លងដែនខ្មែរគួរដល់ពេលកែសម្រួលតម្លៃ និងពង្រីកដែនសេវាឬនៅ?
បញ្ហាលិខិតឆ្លងដែន ឬប៉ាស្ព័រ គឺជារបៀបវារៈមួយដែលអ្នកនយោបាយបាននិងកំពុងលើលឡើងតាមរយៈវេទិការសាធារណៈអំឡុងពេលមុនមានការបោះឆ្នោតសកលឈានចូលមកដល់។ តម្លៃលិខិត និងការពង្រីកវិសាលភាពធ្វើលិខិតឆ្លងដែនគឺជាសំណួរដែលបានចោទសួរដោយអ្នកនយោបាយ ខណៈដែលការ ការធ្វើលិខិតឆ្លងដែនធម្មតាបច្ចុប្បន្នមានតម្លៃ១០០ដុល្លារ ក្នុងរយៈពេល១៥ថ្ងៃ និងមានសុពលភាព១០ឆ្នាំ។ តម្លៃនេះប្រែប្រួលលើសពីនេះ យោងទៅតាមពេលវេលាឆាប់ជាងនេះ។
13 min
April 12, 2023 នៅពេលពលរដ្ឋអាយុតិច កាន់តែច្រើន សេពគ្រឿងស្រវឹង ជះផលបែបណាដល់សង្គម?
ចំនួនពលរដ្ឋក្មេងៗអាយុនៅតិច កាន់តែច្រើនឡើង នាំគ្នាសេពគ្រឿងស្រវឹង ខណៈដែលទីតាំងលក់គ្រឿងស្រវឺងកាន់តែបង្ខិតមកជិតផ្ទះពួកគេ។ នេះបើតាមអ្នកសិក្សាស្រាវជ្រាវពីការអភិវឌ្ឍន៍សង្គម។ ចំណែករបាយការណ៍ស្ទង់មតិស្តីពីការអង្កេតប្រជាសាស្ត្រ និងសុខភាពកម្ពុជា ២០២១-២០២២ រកឃើញថា បុរស៧នាក់ក្នុងចំណោម១០នាក់ស្មើ៧០% សេពគ្រឿងស្រវឹង។ តើនៅពេលពលរដ្ឋអាយុនៅតិច កាន់តែច្រើន សេពគ្រឿងស្រវឹង ជះផលបែបណាដល់សង្គម?
13 min
April 11, 2023 ការរៀបចំសង្ក្រាន្តឆ្នាំថ្មីព្រោងព្រាធនៅឆ្នាំនេះ បង្ហាញនូវអត្ថន័យយ៉ាងណា?
ចាប់តាំងពីសប្តាហ៍មុន ពលរដ្ឋខ្មែរនៅគ្រប់ទិសទី បានចាប់ផ្តើមប្រារព្ធធ្វើសង្ក្រាន្តឆ្នាំថ្មីជាបន្តបន្ទាប់ ខណៈដែលពិធីបុណ្យចូលឆ្នាំនឹងឈានចូលមកដល់នៅថ្ងៃទី១៤ ១៥ និង១៦ ខែមេសាខាងមុខ។ ជាការកត់សម្គាល់ការរៀបចំធ្វើសង្ក្រាន្តនៅឆ្នាំនេះហាក់ដូចមានភាពផុលផុសជាងឆ្នាំណាៗទាំងអស់។ សាលារៀន វត្តអារាម ស្ថាប័នសាធារណៈ សាលាឃុំ-សង្កាត់ សហគមន៍ សហគ្រាសឯកជន កន្លែងកម្សាន្ត មិនថាតូចឬធំនោះទេ បានចាប់អារម្មណ៍តុបតែង លេងល្បែងប្រពៃណីយ៉ាងគគ្រឹកគគ្រេង។ តើរូបភាពទាំងអស់នេះ បង្ហាញថាពលរដ្ឋខ្មែរចាប់អារម្មណ៍ពីការកម្សាន្តសប្បាយចំពោះបុណ្យប្រពៃណីរបស់ខ្លួនបន្ទាប់ពីខកខានដោយសារកូវីដ ឬបង្ហាញនូវអត្ថន័យផ្សេងពីនេះ?
12 min
April 10, 2023 តើកម្ពុជាចំណេញអ្វីការចាប់យកកីឡាករThiago បន្ទាប់ពីចម្រូងចម្រាស់ជាមួយថៃ?
រដ្ឋាភិបាលកម្ពុជាបានចាប់យកកីឡាករThiago អតីតម្ចាស់ខ្សែក្រវ៉ាត់ប្រដាល់«មួយថៃ» បន្ទាប់ពីថៃបានដកហូតខ្សែក្រវ៉ាត់វិញ និងមិនផ្តល់ជូនប្រាក់រង្វាន់លើកទឹកចិត្ត ដល់កីឡាករសញ្ជាតិប្រេស៊ីលរូបនេះដែលបានឈ្នះការប្រកួតនៅអាឡឺម៉ង់ថ្មីៗនេះ។ មូលហេតុដែលកម្ពុជាស្វាគមន៍ និងជួយឧបត្ថម្ភប្រាក់រាប់ម៉ឹនដុល្លារដល់Thiago គឺដោយសារតែកីឡាកររូបនេះគ្រងទង់ជាតិកម្ពុជានៅលើឆាកអន្តរជាតិ បង្ហាញឲ្យគេស្គាល់ក្បាច់«គុនខ្មែរ»។ តើកម្ពុជាបានចំណេញអ្វីការចាប់យកកីឡាករThiago បន្ទាប់ពីចម្រូងចម្រាស់ជាមួយថៃ?
13 min
April 09, 2023 ហេតុអ្វីរដ្ឋាភិបាលបារម្ភអំពីការណ៍ដែលពលរដ្ឋមិនសងប្រាក់ត្រលប់ទៅធនាគារ និងមីក្រូហិរញ្ញវត្ថុ?
លោកនាយករដ្ឋមន្ត្រី ហ៊ុន សែន បានស្នើឲ្យក្រសួង និងអាជ្ញាធរពាក់ព័ន្ធ យកចិត្តទុកដាក់ចំពោះបញ្ហាកម្ចីធនាគារ និងមីក្រូហិរញ្ញវត្ថុ ដោយត្រូវបញ្ចៀសនូវរាល់ការរឹបអូសទ្រព្យសម្បត្តិ និងការចាប់ចងប្រជាពលរដ្ឋដែលជាប់កម្ចីឥណទានធនាគារ និងមីក្រូហិរញ្ញវត្ថុ ក្នុងលក្ខខណ្ឌដែលពលរដ្ឋមិនមានលទ្ធភាពសងពិតប្រាកដ ក្នុងបរិការណ៍ក្រោយវិបត្តិកូវីដ១៩ និងវិបត្តិសេដ្ឋកិច្ចនាពេលបច្ចុប្បន្ន។ នៅទន្ទឹមនេះ លោក ក៏បានជំរុញឲ្យធនាគារ និងមីក្រូហិរញ្ញវត្ថុ ចាត់វិធានការចំពោះបុគ្គលណាដែលញុះញង់ពលរដ្ឋ មិនឲ្យសងបំណុលត្រលប់។តើហេតុអ្វីបានជារដ្ឋាភិបាលបារម្ភអំពីការណ៍ដែលពលរដ្ឋមិនសងប្រាក់ត្រលប់ទៅធនាគារ និងមីក្រូហិរញ្ញវត្ថុ?
12 min
April 08, 2023 តើអ្វីជាដំណោះស្រាយលើឧបសគ្គចំនួន៤ ដែលបង្អាក់លំហូរវិនិយោគពីបរទេសមកកម្ពុជា?
លោក ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុបានកត់សម្គាល់ថា កម្ពុជានៅបន្តជួបឧបសគ្គចំនួន៤ធំៗ ដែលជានិច្ចកាលតែងរារាំងឱកាសចាប់យកផលប្រយោជន៍ និងទំហំវិនិយោគដោយផ្ទាល់ពីបរទេសមកកម្ពុជា។ ឧបសគ្គចំនួន៤នេះ គឺបញ្ហាផ្គត់ផ្គង់ និងតម្លៃអគ្គិសនី បញ្ហាកង្វះជំនាញលើវិស័យមួយចំនួន កង្វះធាតុចូល និងការកែសម្រួលលក្ខខណ្ឌធ្វើពាណិជ្ជកម្មតាមច្រកព្រំដែន។ ប៉ុន្តែយ៉ាងណាឧបសគ្គនេះ លោកថា បាននិងកំពុងដោះស្រាយជាបន្តបន្ទាប់ ខណៈច្បាប់វិនិយោគថ្មីរបស់កម្ពុជា នឹងក្លាយជាចលករដ៏សំខាន់មួយក្នុងការស្រូបទាញកំណើនអ្នកវិនិយោគពីបរទេសមកកម្ពុជា។
13 min
April 07, 2023 តាមរយៈសង្គ្រាមពាក្យសំដីអ្នកក្រ-អ្នកមានពេលនេះ នឹងរុញឲ្យសង្គមខ្មែរបែងចែកវណ្ណៈកាន់តែខ្លាំងទេ?
នៅក្នុងសង្គមខ្មែរការប្រកាន់វណ្ណៈរវាងអ្នកមាននិងអ្នកក្រ ត្រូវបានគេកត់សម្គាល់ឃើញថា នៅតែបន្តកើតមាន បើទោះបីជាការបែងចែកវណ្ណៈក្នុងសង្គមខ្មែរលែងមានតាំងពីយូរមកហើយក្ដី។ ជាក់ស្ដែងថ្មីៗនេះ អ្នកស្រី តាំង ហ្គិចលៀង អគ្គនាយិកាក្រុមហ៊ុន H&L គ្រុប និងជាប្រធានក្លឹបស្រ្តីកម្ពុជា អ្នកស្រីបានលើកអំពីបញ្ហាអ្នកមាន និងអ្នកក្រ គីឡូធ្ងន់ និងគីឡូស្រាល ដែលនាំឲ្យមានការប្រតិកម្មយ៉ាងខ្លាំងពីសាធារណជន និងចាត់ទុកការលើកឡើងនេះ ជាការរើសអើង ជាការប្រកាន់វណ្ណៈ និងមាក់ងាយដល់អ្នកក្រជាដើម។
14 min
April 06, 2023 ហេតុអ្វីបស្ចឹមលោកមិនអាចធ្វើសមយុទ្ធយោធាជាមួយកម្ពុជាបាន?
សមយុទ្ធនាគមាសឆ្នាំ២០២៣ ដែលយោធាកម្ពុជា-ចិន បានធ្វើជាមួយគ្នាអស់រយៈពេល២សប្តាហ៍កន្លងទៅបានបិទបញ្ចប់ហើយកាលពីថ្ងៃពុធម្សិលមិញ។ លោកឧបនាយករដ្ឋមន្ត្រី ទៀ បាញ់ រដ្ឋមន្ត្រីក្រសួងការពារជាតិបានថ្លែងថា ប្រទេសផ្សេងបានតែមាត់ មិនមានការបង្ហាញសកម្មភាពជាក់ស្តែងចូលមកពិភាក្សាទាក់ទងទៅនឹងការចង់ធ្វើសមយុទ្ធយោធារួមជាមួយកម្ពុជា។ ខុសពីចិន ដោយចិនបានយកចិត្តទុកដាក់ ជួយដល់កម្ពុជាក្នុងការរួមគ្នាធ្វើសមយុទ្ធយោធា និងផ្តល់សម្ភារៈដែលកម្ពុជាត្រូវការទៀតផង ជាពិសេសក្រោយធ្វើសមយុទ្ធចិន មិនបានយកសម្ភារៈយោធារបស់ខ្លួនត្រលប់ទៅវិញទេ។
13 min