ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

May 09, 2023 តើការចុះចូលរបស់អ្នកប្រឆាំងដើម្បីទៅជួយជាតិឬទៅយកផលប្រយោជន៍ពីជាតិ?

ចរន្តចុះចូលពីក្រុមប្រឆាំងនៅបន្តកើតមានជាហូរហែ ខណៈទ្វាររបស់គណបក្សកាន់អំណាចនៅតែបើកចំហរ។ ការចុះចូលនេះមិនថាតែសកម្មជនក្នុងស្រុកដែលគេមើលឃើញថា កំពុងរងសម្ពាធនោះឡើយ។ ក៏មានដែរសកម្មជនប្រឆាំងដ៍ខ្លាំងនៅក្រៅប្រទេស ដូចជា លោក ទូច វិបុល ប្រធានសម្ព័ន្ធខ្មែរ-អាមេរិកាំង ដែលធ្លាប់ធ្វើបាតុកម្មប្រឆាំងលោក ហ៊ុន សែន។ ហេតុអ្វីបានជាអ្នកមានសេរីភាពនៅក្រៅស្រុកក៏មកចុះចូលជាមួយបក្សកាន់អំណាច? តើការចុះចូលរបស់អ្នកប្រឆាំងដើម្បីទៅជួយជាតិឬទៅយកផលប្រយោជន៍ពីជាតិ?

13 min

May 05, 2023 បញ្ហាសំបុត្រចូលទស្សនាស៊ីហ្គេម តើគួរតែត្រូវដោះស្រាយបែបណា?

លោកនាយករដ្ឋមន្ត្រី ហ៊ុន សែន នៅថ្ងៃពុធ បានចេញមុខមកសុំការយោគយល់អធ្យាស្រ័យពីប្រជាពលរដ្ឋមខ្មែរ ដែលរដ្ឋាភិបាលមិនមានលទ្ធភាពដោះស្រាយការចែកសំបុត្រចូលរួមពិធីបើក-បិទ និងការប្រកួតកីឡាបាល់ទាត់ស៊ីហ្គេម ខណៈដែលទីកន្លែងរៀបចំមានចំនួនកំណត់។ ក៏ប៉ុន្តែបណ្តាអ្នកតាមដានព្រឹត្តិការណ៍កីឡា យល់ថា គណៈកម្មាការរៀបចំការចែកសំបុត្រ គួរមានគម្រោងចែកឲ្យបានត្រឹមត្រូវ និងស្មើភាពដល់ពលរដ្ឋ។ តើបញ្ហាសំបុត្រចូលទស្សនាស៊ីហ្គេម គួរត្រូវដោះស្រាយបែបណា?

13 min

May 04, 2023 តើគួរទុកព្រៃបន្តអភិរក្ស ឬកាត់ផ្នែកខ្លះដើម្បីអភិវឌ្ឍន៍?

ការផ្តល់ដីសម្បទានសេដ្ឋកិច្ចនៅតំបន់អភិរក្សទៅឲ្យក្រុមហ៊ុនឯកជន បានញាំងឲ្យមានប្រតិកម្មពីសកម្មជនបរិស្ថានដោយពួកគេបារម្ភពីការបំផ្លាញព្រៃឈើដូចករណីនៅភ្នំតាម៉ៅ។ នេះជាប្រតិកម្មដែលកើតឡើង បន្ទាប់ពីសកម្មជនបរិស្ថានទទួលបានឯកសារដែលបង្ហាញថា រដ្ឋាភិបាលបានកាត់ដីព្រៃសរុបចំនួនជាង ៨៧០ហិកតាទៅឲ្យក្រុមហ៊ុនឯកជន ចំនួនពីរ តែមានម្ចាស់តែមួយ។ ក្នុងនោះ ដី២២១ហិកតានៅគីរីរម្យ និង៦៤៩ហិកតានៅភ្នំឱរ៉ាល់។ តើគួរទុកព្រៃបន្តអភិរក្ស ឬកាត់ផ្នែកខ្លះដើម្បីអភិវឌ្ឍន៍?

10 min

May 04, 2023 តើវប្បធម៌សុំទោសឆ្លុះបញ្ចាំងយ៉ាងដូចម្តេច សម្រាប់អ្នកនយោបាយប្រឆាំង?

ជាបន្តបន្ទាប់ អ្នកនយោបាយនៃបក្សប្រឆាំងបានចេញមកសុំទោសលោកនាយករដ្ឋមន្ត្រី ហ៊ុន សែន ហើយទទួលស្គាល់កំហុសដែលខ្លួនប្រព្រឹត្ត។ បន្ថែមពីនេះ អ្នកនយោបាយខ្លះបានប្តូរនិន្នាការពីប្រឆាំងទៅចូលរួមជាមួយរដ្ឋាភិបាល និងទទួលបានតំណែងនយោបាយជាហូរហែ។ តើវប្បធម៌សុំទោសរបស់អ្នកនយោបាយប្រឆាំង ឆ្លុះបញ្ចាំងយ៉ាងដូចម្តេច?

13 min

May 02, 2023 តើការចោទប្រកាន់«ស៊ីឈ្នួលបាតុកម្ម»ទើបអូសបន្លាយវិវាទការងារនៅណាហ្គាវើលដ៍?

ជាថ្មីម្តងទៀត ប្រមុខរដ្ឋាភិបាលកម្ពុជា ក្នុងឱកាសទិវាពលកម្មអន្តរជាតិ១ឧសភា លោក ហ៊ុន សែន បានប្រាប់បរទេសឲ្យដកខ្លួនចេញពីសំណុំរឿងវិវាទការងារនៅណាហ្គាវើលដ៍។ លោក ហ៊ុន សែន អះអាងថា ការបន្តធ្វើបាតុកម្មជិត២ឆ្នាំមកនេះ ដោយសារតែបរទេសផ្ដល់ប្រាក់ឧបត្ថម្ភនៅពីក្រោយ។ ប៉ុន្តែតំណាងអ្នកធ្វើការតវ៉ាប្រឆាំងនឹងការបញ្ឈប់ពីការងារ«ក្រោមហេតុផលរើសអើងសហជីព»អះអាងថា ប្រសិនបើមានអ្នកឧបត្ថម្ភមែន នោះមិនមែនអ្នកធ្វើកូដកម្មថយចុះតាំងពីរាប់រយនាក់មកនៅសល់តែជាង១០០នាក់នេះទេ។ តើដោយសារតែការចោទប្រកាន់ថា«ស៊ីឈ្នួលបាតុកម្ម»ទើបគ្មានដំណោះស្រាយវិវាទការងារនេះឬយ៉ាងណា?

11 min

May 02, 2023 តើការចោទប្រកាន់«ស៊ីឈ្នួលបាតុកម្ម»ទើបអូសបន្លាយវិវាទការងារនៅណាហ្គាវើលដ៍?

ជាថ្មីម្តងទៀត ប្រមុខរដ្ឋាភិបាលកម្ពុជា ក្នុងឱកាសទិវាពលកម្មអន្តរជាតិ១ឧសភា លោក ហ៊ុន សែន បានប្រាប់បរទេសឲ្យដកខ្លួនចេញពីសំណុំរឿងវិវាទការងារនៅណាហ្គាវើលដ៍។ លោក ហ៊ុន សែន អះអាងថា ការបន្តធ្វើបាតុកម្មជិត២ឆ្នាំមកនេះ ដោយសារតែបរទេសផ្ដល់ប្រាក់ឧបត្ថម្ភនៅពីក្រោយ។ ប៉ុន្តែតំណាងអ្នកធ្វើការតវ៉ាប្រឆាំងនឹងការបញ្ឈប់ពីការងារ«ក្រោមហេតុផលរើសអើងសហជីព»អះអាងថា ប្រសិនបើមានអ្នកឧបត្ថម្ភមែន នោះមិនមែនអ្នកធ្វើកូដកម្មថយចុះតាំងពីរាប់រយនាក់មកនៅសល់តែជាង១០០នាក់នេះទេ។ តើដោយសារតែការចោទប្រកាន់ថា«ស៊ីឈ្នួលបាតុកម្ម»ទើបគ្មានដំណោះស្រាយវិវាទការងារនេះឬយ៉ាងណា?

11 min

May 01, 2023 ហេតុអ្វីនៅពេលជិតបោះឆ្នោតបទល្មើសព្រៃឈើកើតឡើងច្រើន?

គណៈកម្មការបង្ក្រាបបទល្មើសព្រៃឈើបានរឹបអូសឈើរាប់រយម៉ែត្រគូបត្រឹមរយៈពេល៥ថ្ងៃ នៅចុងខែមេសា ខណៈមនុស្ស១១នាក់ត្រូវបានតុលាការសម្រេចឃុំខ្លួនពាក់ព័ន្ធបទល្មើសព្រៃឈើនៅខេត្តក្រចេះ។ មានការកត់សំគាល់ថា ជនសង្ស័យដែលចាប់បានភាគច្រើនជាអ្នករកស៊ីតូចតាចប៉ុណ្ណោះ ខណៈសកម្មជនការពារព្រៃឈើលើកឡើងថា បទល្មើសព្រៃឈើតែងតែកើតមានច្រើននៅពេលជិតបោះឆ្នោត។ ហេតុអ្វីនៅពេលជិតបោះឆ្នោតបទល្មើសព្រៃឈើកើតឡើងច្រើន? និងហេតុអ្វីការបង្ក្រាបបទល្មើសព្រៃឈើបានច្រើនតែទៅលើអ្នករកស៊ីតូចតាច?

11 min

April 30, 2023 តើសំណុំរឿង លោក ថាច់ សេដ្ឋា ពាក់ព័ន្ធនឹងនយោបាយ ខណៈមានការបន្ថែមបទចោទ?

អនុប្រធានគណបក្សភ្លើងទៀន លោក ថាច់ សេដ្ឋា ត្រូវបានតុលាការកំពូលចោទប្រកាន់បទល្មើសព្រហ្មទណ្ឌបន្ថែមទៀត ពីបទញុះញង់ អំឡុងពេលអ្នកនយោបាយបក្សប្រឆាំងរូបនេះបានចេញទៅប្រទេសកូរ៉េ។ ការណ៍នេះ គណបក្សភ្លើងទៀនលើកឡើងថា ជាការចោទប្រកាន់តាមបែបនយោបាយ ជាជាងតាមប្រព័ន្ធផ្លូវច្បាប់។តើសំណុំរឿង លោក ថាច់ សេដ្ឋា ពាក់ព័ន្ធនឹងនយោបាយ ខណៈមានការបន្ថែមបទចោទ?

10 min

April 29, 2023 កម្ពុជាមានសមត្ថភាពកំរិតណាក្នុងការរៀបចំស៊ីហ្គេមជាលើកដំបូង?

នៅសល់តែប៉ុន្មានថ្ងៃទៀតប៉ុណ្ណោះ ពិធីបើកព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនឹងចាប់ផ្ដើមបើកជាផ្លូវការ ខណៈប្រតិភូកីឡាករកីឡាការិនីបណ្ដាប្រទេសអាស៊ានដែលចូលរួមប្រកួតបានមកដល់ប្រទេសកម្ពុជាជាបណ្ដើរៗហើយ។ ក្នុងនាមជាម្ចាស់នៃការរៀបចំព្រឹត្តិការណ៍ស៊ីហ្គេមលើកទី៣២ អ្នកស្នេហាវិស័យកីឡា និងអ្នកតាមដានឃ្លាំមើលថា វាជាមោទនភាពមួយរបស់កម្ពុជាដែលរង់ចាំជាច្រើនឆ្នាំមកហើយ។ ប៉ុន្តែទន្ទឹមនឹងមានមោទនភាព ពួកគេក៏មានការព្រួយខ្លះៗចំពោះការរៀបចំព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើម្ចាស់ផ្ទះផងដែរ។

12 min

April 28, 2023 ហេតុអ្វីបានជាអំពើហិង្សាឃោរឃៅកើតឡើងផ្ទួនៗ នៅក្នុងប្រទេសកម្ពុជាត្រឹមរយៈពេលតែ១សប្តាហ៍?

ឃាតកម្មទៅលើស្ត្រីម្នាក់ដោយកាត់ក្បាលកាលពីសប្តាហ៍មុននៅក្រុងបាវិតខេត្តស្វាយរៀង ការប្រើអំពើហិង្សាលើភរិយាពីសំណាក់អភិបាលរងក្រុងបូកគោខេត្តកំពត ការប៉ុនប៉ងសំលាប់ភរិយាពីសំណាក់មន្ត្រីប៉ូលីសម្នាក់នៅខេត្តត្បូងឃ្មុំដោយអាវុធវែងកាលពីពេលថ្មីៗនេះ និងការប្រើប្រាស់អាវុធវែងដែរបាញ់សម្លាប់ស្ត្រី២នាក់នៅស្រុកអង្គរជ័យខេត្តកំពតកាលពីថ្ងៃម្សិលមិញ សុទ្ធសឹងជារូបភាពនៃអំពើហិង្សាបែបឃោរឃៅ។ ត្រឹមតែ១សប្តាហ៍ប៉ុណ្ណោះ អំពើហិង្សាឃោរឃៅបានកើតឡើងផ្ទួនៗគ្នា ត្រូវអ្នកតាមដានសង្គមមើលឃើញថាជាសញ្ញាមួយដ៏គួរឲ្យព្រួយបារម្ភ ដែលចាំបាច់ត្រូវមានដំណោះស្រាយ។

13 min