ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

April 05, 2023 តើICJមានឥទ្ធិពលឱ្យហ្វេសប៊ុកបិទផេករបស់លោកហ៊ុន សែនជុំវិញការប្រើប្រាស់«សម្តីហិង្សា»ទេ?
គណៈកម្មការអ្នកជំនាញផ្នែកច្បាប់អន្តរជាតិ ICJ បានស្នើទៅក្រុមហ៊ុនហ្វេសប៊ុក(មេតា)ឱ្យវាយតម្លៃករណីលោកនាយករដ្ឋមន្ត្រី ហ៊ុន ដែលបានប្រើប្រាស់សម្តីហិង្សា តាមប្រព័ន្ធផ្សព្វផ្សាយហ្វេសប៊ុក។ បើតាមសេចក្តីថ្លែងការណ៍របស់ICJ លោក ហ៊ុន សែនបានប្រើពាក្យសម្តីហិង្សា មានចេតនាគំរាមកំហែងដល់អ្នកនយោបាយមាននិន្នាការប្រឆាំង។ ក្នុងលិខិតដែលអ្នកជំនាញច្បាប់អន្តរជាតិICJផ្ញើទៅកាន់ក្រុមហ៊ុនមេតា គឺចង់ឱ្យក្រុមហ៊ុនអនុវត្តករណីនេះ ស្របតាមច្បាប់ និងស្តង់ដារសិទ្ធិមនុស្សអន្តរជាតិ ពិសេសឱ្យអនុលោមទៅតាម គោលការណ៍នៃកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ (ICCPR)។ តែយ៉ាងណា ក្រុមហ៊ុនមេតា នៅមិនទាន់ចេញមកបញ្ជាក់ជុំវិញករណីនេះបាននៅឡើយ ខណៈមន្ត្រីរដ្ឋាភិបាលយល់ថា ការថ្លែងរបស់លោក ហ៊ុន សែន គឺដើម្បីរក្សាសន្តិភាព និងស្ថេរភាពក្នុងប្រទេស។
11 min
April 04, 2023 ទំនាក់ទំនងរបស់ប្រទេសលោកខាងលិចជាមួយក្រុមប្រឆាំងអាចឈានទៅផ្តាច់ទូតជាមួយកម្ពុជាទេ?
នៅក្នុងពិធីសម្ពោធដាក់ឲ្យប្រើប្រាស់មន្ទីរពេទ្យបង្អែកនៅខេត្តត្បូងឃ្មុំកាលពីថ្ងៃចន្ទម្សិលមិញ លោកនាយករដ្ឋមន្ត្រី ហ៊ុន សែន បានដាក់ជាសំណួរឲ្យមិត្តភក្តិបរទេសនានាជ្រើសរើសកម្ពុជាឬជ្រើសរើសបុគ្គលមួយចំនួនដែលធ្វើខុស។ លោកថា បើមិត្តភក្តិបរទេសទាំងនោះត្រូវការក្រុមដែលច្បាប់ដាក់ទោស ក៏ធ្វើចុះ ហើយអាចផ្តាច់ទូតចេញពីកម្ពុជា។ ក៏ប៉ុន្តែលោក ហ៊ុន សែន គូសបញ្ជាក់ថាវាជាទំនាក់ទំនងរវាងប្រទេសស និងប្រទេស ដែលមិត្តបរទេសត្រូវគិត។
13 min
April 03, 2023 ប្រសិនបើប្រទេសសេរីមិនមកឃ្លាំមើល តើការបោះឆ្នោតនៅកម្ពុជាមានន័យយ៉ាងណា?
ការចុះឈ្មោះអ្នកសង្កេតការណ៍ជាតិ និងអន្តរជាតិ ដើម្បីចូលរួមសង្កេតការណ៍ការបោះឆ្នោតជ្រើសតាំងតំណាងរាស្ត្រនីតិកាលទី៧ បានចាប់ផ្តើមហើយនៅថ្ងៃទី១ខែមេសា។ ប៉ុន្តែមានព័ត៌មានថា បារាំង ជប៉ុន និងប្រទេសនៅអឺរ៉ុប មិនដាក់អ្នកសង្កេតការណ៍ឃ្លាំមើលការបោះឆ្នោតនៅកម្ពុជានាខែកក្កដាខាងមុខនេះទេ។ ហេតុអ្វីបានជាប្រទេសនិយមប្រជាធិបតេយ្យមិនដាក់អ្នកសង្កេតការណ៍របស់ខ្លួនមកកម្ពុជា? ប្រសិនបើប្រទេសសេរីមិនមកឃ្លាំមើល តើការបោះឆ្នោតនេះមានន័យយ៉ាងណា?
12 min
April 02, 2023 ហេតុអ្វីក្រុមហ៊ុននាំចូលរថយន្តទំនើបៗផ្តាច់មុខប្រកាសចែកផ្លូវពីកម្ពុជា?
យ៉ាងតិចមានក្រុមហ៊ុននាំចូលរថយន្តទំនើបៗផ្តាច់មុខ ចំនួន៣ហើយ ដែលបានប្រកាសបិទទ្វារអាជីវកម្មរបស់ខ្លួន ពីប្រទេសកម្ពុជា នៅត្រឹមដើមឆ្នាំ២០២៣នេះ។ ក្នុងនោះរួមមាន ក្រុមហ៊ុននាំចូលផ្តាច់មុខនូវរថយន្ត ម៉ាក Audi, Mercedes-Benz, Porsche។ និន្នាការនេះ នាំឲ្យអ្នកតាមដានសេដ្ឋកិច្ចកត់សម្គាល់ខ្លាំងពីចរន្តនៃបម្រែបម្រួលសេដ្ឋកិច្ចជាសកល ដែលជះឥទ្ធិពលលើក្រុមហ៊ុនទាំងនោះ។ តើហេតុអ្វីក្រុមហ៊ុននាំចូលរថយន្តទំនើបៗផ្តាច់មុខ បានប្រកាសចែកផ្លូវពីប្រទេសកម្ពុជាបន្តបន្ទាប់គ្នា?
13 min
April 01, 2023 តើកម្ពុជាចំណេញ និងខាតអ្វីខ្លះដែលអនុញ្ញាតឲ្យទាំងខ្មែរនិងបរទេសទស្សនាការប្រកួតកីឡាស៊ីហ្គេមដោយឥតគិតថ្លៃ?
ក្នុងនាមជាម្ចាស់ផ្ទះរៀបចំការប្រកួតកីឡាស៊ីហ្គេម លើកទី៣២ លោកនាយករដ្ឋមន្រ្តី ហ៊ុន សែន បានប្រកាសឲ្យទាំងខ្មែរ និងបរទេស មានសិទ្ធិចូលមើលពីប្រកួតកីឡាស៊ីហ្គេមដោយឥតគិតថ្លៃ និងអនុញ្ញាតឲ្យទូរទស្សន៍បរទេសទទួលសិទ្ធិផ្សព្វផ្សាយដោយឥតគិតថ្លៃផងដែរ។ ការប្រកាសបែបនេះ ធ្វើឡើងនៅក្នុងកិច្ចប្រជុំគណៈរដ្ឋមន្ត្រី នាថ្ងៃទី៣១ ខែមីនា ក្រោយមួយថ្ងៃបន្ទាប់ពីលោកចេញសារជាសម្លេងបញ្ជាមិនអនុញ្ញាតឲ្យមានការលក់សំបុត្រទស្សនា ឬយកថ្លៃសេវានានា នៅក្នុងការប្រកួតក្នុងវិញ្ញាសារផ្សេងៗ នៃព្រឹត្តិការណ៍កីឡាស៊ីហ្គេម ដែលកម្ពុជាធ្វើជាម្ចាស់ផ្ទះ។
14 min
March 31, 2023 កម្ពុជាពិតជាប្រទេសឈានមុខ ក្នុងការអនុវត្តកម្មវិធីការងារសមរម្យរបស់អង្គការ ILOឬ?
ប្រទេសកម្ពុជាគឺជាសមាជិកមួយរបស់អង្គការអន្តរជាតិខាងការងារហៅកាត់ថា(ILO) ដោយកម្ពុជាទទួលបានការអនុវត្តន៍កម្មវិធីការងារសមរម្យអស់៥ដំណាក់កាលរួចមកហើយ។ ក្រសួងការងារកាលពីថ្ងៃពុធបានបង្ហាញពីមោទនភាពដែលប្រទេសកម្ពុជាបានឈានមុខក្នុងការអនុវត្តកម្មវិធីការងារសមរម្យ ដែលត្រូវបានផ្តល់ជូនដោយអង្គការ ILO។ តើការអនុវត្តកម្មវិធីការងារសមរម្យរបស់កម្ពុជាបានឆ្លុះបញ្ចាំងនូវភាពជឿនលឿន និងចំណុចខ្វះខាតយ៉ាងណាខ្លះ?
12 min
March 30, 2023 ទីក្រុងភ្នំពេញនៅជាប់ទន្លេ ហេតុអ្វីខ្វះទឹកស្អាតប្រើប្រាស់?
កង្វះទឹកស្អាតប្រើតែងកើតមានឡើងជារៀងរាល់ឆ្នាំនាប៉ុន្មានឆ្នាំចុងក្រោយនេះ។ តម្រូវការទឹកស្អាតក្នុងមួយថ្ងៃគឺរង្វង់៨៩ម៉ឺនម៉ែត្រគូប ខណៈដែលសមត្ថភាពផលិតបច្ចុប្បន្នបាន៦៤ម៉ឺនម៉ែត្រគូបក្នុងមួយថ្ងៃ។ តើមានកត្តាអ្វីខ្លះដែលការផលិតទឹកស្អាតមិនទាន់តម្រូវការប្រើប្រាស់ ទោះបីជាទីក្រុងភ្នំពេញនៅជាប់នឹងទន្លេខ្វាត់ខ្វែងនោះ?
12 min
March 29, 2023 អ្នកនយោបាយប្រឆាំងប្រឈមនឹងការរកមេធាវីការពារឬនៅពេលរងបណ្តឹងរដ្ឋាភិបាល?
លោក យឹម ស៊ីណន និងលោក ហ៊ុន កុសល ដែលជាអ្នកនយោបាយវ័យក្មេង២រូបស្និទ្ធនឹងប្រធានអតីតគណបក្សសង្គ្រោះជាតិលោក កឹម សុខា បានបន្តស្ថិតនៅក្នុងពន្ធនាគារព្រៃសអស់រយៈពេល១សប្តាហ៍ហើយ ដោយមិនទាន់មានមេធាវីការពារសិទ្ធិ។ អ្នកនយោបាយប្រឆាំងទាំងពីររូប ត្រូវបានតុលាការសាលាដំបូងបញ្ជារឲ្យសមត្ថកិច្ចឃុំខ្លួនដោយដាក់ឲ្យស្ថិតក្រោមការពិនិត្យពីបទប្រមាថព្រះមហាក្សត្រ និងញុះញង់បង្កឲ្យមានភាពវឹកវរធ្ងន់ធ្ងរដល់សន្តិសុខសង្គម ខណៈដែលមានការត្អូញត្អែរថាលោកទាំងពីរពិបាកនឹងរកមេធាវីការពារសិទ្ធិ ដ្បិតជាសំណុំរឿងនយោបាយ ហើយដើមបណ្តឹងជារដ្ឋាភិបាល។
13 min
March 28, 2023 ទស្សនកិច្ចរបស់លោកអាន់វ៉ា អ៊ីប្រាហ៊ីម៖ តើទំនាក់ទំនងកម្ពុជា និងម៉ាឡេស៊ី ប្រែប្រួលបែបណា?
លោកអាន់វ៉ា អ៊ីប្រាហ៊ីម គឺជាអតីតមេដឹកនាំបក្សប្រឆាំង និងជាមិត្តភក្តិ លោក សម រង្ស៊ី បានមកធ្វើទស្សនកិច្ចនៅកម្ពុជាលើកដំបូង នៅថ្ងៃទី២៧មីនា បន្ទាប់ពីលោកជាប់ឆ្នោតជានាយករដ្ឋមន្ត្រី។ ក្នុងដំណើរទស្សនកិច្ចនេះ ភាគីទាំងពីរមានការចុះហត្ថលេខាលើឯកសារមួយចំនួនទាក់ទងនឹងបញ្ហាពលករ និងការធ្វើពាណិជ្ជកម្មរវាងប្រទេសទាំងពីរ។ ដោយឡែក បញ្ហានយោបាយវិញ ដំណើរទស្សនកិច្ចផ្លូវការ របស់លោកនាយករដ្ឋមន្រ្តីម៉ាឡេស៊ី មកកាន់កម្ពុជានាពេលនេះ ត្រូវបានគេរំពឹងថានឹងនាំមកនូវសន្ទុះថ្មី ដល់ទំនាក់ទំនងទ្វេភាគីដ៏រឹងមាំ លើគ្រប់វិស័យរវាងប្រទេសទាំងពីរ។
14 min
March 27, 2023 ចិនជួយទិញអង្ករកម្ពុជាកន្លងទៅ គឺជានយោបាយជួយកម្ពុជា!
ចិនជួយទិញអង្ករកម្ពុជាកន្លងទៅ គឺជានយោបាយជួយកម្ពុជា។ នេះគឺជាការបញ្ជាក់របស់លោកនាយករដ្ឋមន្ត្រី ហ៊ុន សែន កាលពីថ្ងៃទី២៤ ខែមីនា ឆ្នាំ២០២៣នេះ។ អ្នកធ្វើការងារក្នុងវិស័យកសិកម្មវិញយល់ថាការជួយរបស់ចិនគឺជារឿងល្អ ប៉ុន្តែក៏ចង់ឃើញកម្ពុជាអាចពង្រីកទីផ្សាររបស់ខ្លួនទៅកាន់ប្រទេសផ្សេងទៀត។ តើការជួយទិញរបស់ចិនអាចមាននិរន្តរភាពទេ?
11 min