ព្រឹត្តិការណ៍​កម្ពុជា​ប្រចាំថ្ងៃ by RFI ខេមរភាសា / Khmer

November 09, 2020 ព្រឹត្តិការណ៍កម្ពុជាប្រចាំថ្ងៃ - ការប្រកាសចូលស្រុករបស់បក្សប្រឆាំង៖ តើជាយុទ្ធសាស្ត្រថ្មី តែលទ្ធផលចាស់ដូចមុនឬ?

ថ្ងៃនេះ! កាលពីមួយឆ្នាំមុន ក្រុមមេដឹកនាំអតីតគណបក្សសង្គ្រោះជាតិដែលកំពុងនៅក្រៅប្រទេសបានប៉ុនប៉ងវិលចូលស្រុកវិញតែមិនបានសម្រេច។ គំរប់ខួបមួយឆ្នាំ ក្រុមអ្នកនយោបាយបក្សប្រឆាំងដដែលបានប្រកាសជំហរថាពួកគេនឹងវិលចូលកម្ពុជាឲ្យទាល់តែបាននៅពេលខាងមុខ តែពួកគេមិនប្រកាសពេលវេលាជាក់លាក់ឡើយ ព្រោះតែបទពិសោធន៍កាលពីលើកមុន។ តើនេះជាយុទ្ធសាស្ត្រថ្មី តែលទ្ធផលចាស់ដូចមុនឬ?

13 min

November 08, 2020 ព្រឹត្តិការណ៍កម្ពុជាប្រចាំថ្ងៃ - សង្គមស៊ីវិលស្នើក្រសួងការងារផ្ដល់ប័ណ្ណមូលនិធិសមធម៌ដល់អ្នកប្រកបរបរក្រៅប្រព័ន្ធដោយចំហរ

ក្រសួងការងារនិងបណ្ដុះបណ្ដាលវិជ្ជាជីវៈ នៅថ្ងៃចន្ទទី២វិច្ឆិកា ដើមសប្ដាហ៍នេះបានចេញសេចក្ដីណែនាំអំពីការចុះបញ្ជីកម្មករនិយោជិតក្រៅប្រព័ន្ធ ដើម្បីទទួលបានប័ណ្ណមូលនិធិសមធម៌។ លក្ខខណ្ឌមួយក្នុងចំណោមលក្ខខណ្ឌពីរផ្សេងទៀតនោះគឺ កម្មករនិយោជិតក្រៅប្រព័ន្ធត្រូវមានលិខិតបញ្ជាក់អំពីមុខរបរ និងលំនៅដ្ឋានបច្ចុប្បន្នដែលចេញដោយអាជ្ញាធររាជធានីខេត្ត។ ចំណុចនេះសង្គមស៊ីវិលយល់ថា ជា លក្ខខណ្ឌដ៏សែនលំបាកដែលពួកយល់ថា អ្នករើសអេតចាយ អ្នកសុំទាន អ្នករកស៊ីផ្លូវភេទ ជាដើមតើអ្នកណាអាចមានសិទ្ធចេញលិខិតបញ្ជាក់អំពីមុខរបរជូនគាត់បាន។ ដូច្នេះទើបសង្គមស៊ីវិលដដែលស្នើឲ្យក្រសួងការងារផ្ដល់ប័ណ្ណមូលនិធិសមធម៌ដល់អ្នកប្រកបរបរក្រៅប្រព័ន្ធដោយមិនចាំបាច់ភ្ជាប់លក្ខខណ្ឌឬកំណត់ឲ្យបានច្បាស់ក្រុមគោលដៅនៃកម្មករក្រៅប្រព័ន្ធ ដែលទទួលប័ណ្ណមូលនិធិសមធម៌នេះ។

11 min

November 06, 2020 ព្រឹត្តិការណ៍កម្ពុជាប្រចាំថ្ងៃ - កូវីដ១៩៖ កម្ពុជាគ្រប់គ្រងបានល្អប្រសើរ ជាហេតុផលនាំឲ្យមានការបំពានវិធានសុខាភិបាលឬ?

បើនិយាយពីការឆ្លងរាលដាលនៃមេរោគកូវីដ១៩ កម្ពុជាត្រូវបានចាត់ទុកថាជាប្រទេសមួយដែលមានការគ្រប់គ្រងសភាពការណ៍នេះ បានល្អប្រសើរ។ ប្រសើរ ដោយសារគ្រប់ករណីទាំងអស់បានឆ្លងចូលមកពីក្រៅប្រទេស មិនមានការឆ្លងក្នុងសហគមន៍ ថែមទាំងព្យាបាលជាសះស្បើយស្នើអស់ទៀតផង ក្នុងចំណោមអ្នកជំងឺទាំងខ្មែរ និងបរទេសចំនួនជិត៣០០ករណី។ ក៏ប៉ុន្តែមោទនភាពនេះ ធ្វើឲ្យគ្រប់គ្នាហាក់ដូចជាភ្លេចខ្លួន។ តាមរយៈការភ្ញាក់ផ្អើល១ថ្ងៃក្រោយរដ្ឋមន្ត្រីការបរទេសហុងគ្រីដែលមានផ្ទុកមេរោគកូវីដ១៩ មកទស្សនកិច្ចកម្ពុជាកាលពីថ្ងៃទី៣វិច្ឆិកា អ្នកតាមដានសង្គមមើលឃើញថា ប្រព័ន្ធការពារ និងប្រុងប្រយ័ត្នទុកជាមុនប្រឆាំងកូវីដរបស់កម្ពុជាទាំងប្រជាពលរដ្ឋ និងរដ្ឋាភិបាលនៅមានខ្វះចន្លោះ។

12 min

November 05, 2020 ព្រឹត្តិការណ៍កម្ពុជាប្រចាំថ្ងៃ - អ្នកវិភាគ៖ប្រជាធិបតេយ្យនៅកម្ពុជានឹងល្អឡើងវិញ ប្រសិនបើ លោក ចូ បៃឌិន ឈ្នះឆ្នោត

ក្រុមអ្នកតាមដាននយោបាយនៅកម្ពុជាមានសុទិដ្ឋិនិយមថា ប្រជាធិបតេយ្យនៅកម្ពុជាអាចនឹងល្អប្រសើរឡើងវិញ ប្រសិនបើគណបក្សប្រជាធិបតេយ្យរបស់លោក ចូ បៃឌិន ឈ្នះការបោះឆ្នោតនៅសហរដ្ឋអាមេរិកលើគណបក្សសាធារណៈរដ្ឋរបស់លោក ដូណាល់ ត្រាំ។ ការលើកឡើងយ៉ាងដូច្នេះ គឺស្របពេលដែលលទ្ធផលនៃការបោះឆ្នោតបង្ហាញថា បេក្ខជនប្រធានាធិបតីទាំងពីរកំពុងតែប្រកៀកប្រកិតនឹងគ្នា ដោយលោក ចូ បៃឌិន នាំមុខលោក ដូណាល់ត្រាំ។

12 min

November 04, 2020 ព្រឹត្តិការណ៍កម្ពុជាប្រចាំថ្ងៃ - ការអនុម័តសេចក្តីព្រាងច្បាប់ស្តីបញ្ហាព្រំដែនកម្ពុជា-វៀតណាមរបស់រដ្ឋសភា បានក្លាយទៅជាបញ្ហាចម្រូងចម្រាស

រដ្ឋសភាជាតិកម្ពុជាកាលពីថ្ងៃទី០២ ខែវិច្ឆិកា ឆ្នាំ២០២០ បានសម្រេចអនុម័តសេចក្តីព្រាងច្បាប់ស្តីពីការអនុម័តយល់ព្រមលើពិធីសារខណ្ឌសីមា និងបោះបង្គោលព្រំដែនគោករវាងកម្ពុជា និងវៀតណាម។ ប៉ុន្តែការអនុម័តសេចក្តីព្រាងច្បាប់មួយនេះ បានក្លាយជាបញ្ហាចម្រូងចម្រាស។ អតីតគណបក្សប្រឆាំង និងគណបក្សប្រជាធិបតេយ្យមូលដ្ឋានបានចេញសេចក្តីថ្លែងការណ៍រៀងៗខ្លួន ដោយសម្តែងការមិនពេញចិត្ត និងសម្តែងការសោកស្តាយ។ គណបក្សប្រជាធិបតេយ្យមូលដ្ឋានថា ក្នុងកាលៈទេសៈពេលនេះ សភាជាតិពុំគួរផ្តល់សច្ចាប័ណ្ណលើកិច្ចព្រមព្រៀងបញ្ហាព្រំដែនឡើយ។ ចំណែក អតីតបក្សប្រឆាំងវិញថា ការអនុម័តសេចក្តីព្រាងច្បាប់នេះ គឺជាការយល់ព្រមកាត់ដីខ្មែរទៅឱ្យវៀតណាម។ ប៉ុន្តែ គណៈកម្មការកិច្ចការចម្រុះព្រំដែនកម្ពុជាបានសាទរ ដោយថា នេះ គឺជាការបញ្ចប់ទាំងស្រុងនូវការបោះបង្គោលព្រំដែនជាមួយវៀតណាម។

13 min

November 03, 2020 ព្រឹត្តិការណ៍កម្ពុជាប្រចាំថ្ងៃ - វិជ្ជាជីវៈនិងក្រមសីលធម៌ជាអាវក្រោះការពារអ្នកកាសែតពីការយាយីរបស់អាជ្ញាធរ

ថ្ងៃទី ២ ខែវិច្ឆិកាម្សិលមិញ គឺជាទិវាអន្តរជាតិប្រឆាំងនឹងនិទណ្ឌភាព នៃឧក្រិដ្ឋកម្មលើអ្នកសារព័ត៌មាន។ នៅកម្ពុជាមានអង្គការអ្នកកាសែតនិងNGOsជាង៦០ចេញមកអំពាវនាវឱ្យបញ្ឈប់ការយាយីលើអ្នកកាសែតនិងផ្តន្ទាទោសអ្នកប្រព្រឹត្ត។ នៅចំពោះមុខការទាមទារម្ដងជាពីរដងនេះ អ្នកនាំពាក្យរដ្ឋាភិបាល និងអ្នកកាសែតជើងចាស់មួយចំនួនលើកឡើងថា នៅក្នុងកាលៈទេសៈបែបណាក៏ដោយអ្នកសារព័ត៌មានត្រូវប្រកាន់ខ្ជាប់វិជ្ជាជីវៈ និងក្រមសីលធម៌ ដើម្បីជម្លៀសខ្លួនឯងពីការយាយីរបស់អាជ្ញាធរ។

10 min

November 02, 2020 ព្រឹត្តិការណ៍កម្ពុជាប្រចាំថ្ងៃ - អ្នកវិភាគ៖ការអប់រំ និងការផាកពិន័យត្រូវធ្វើព្រមគ្នាដើម្បីកែទម្លប់របស់មនុស្សក្នុងការចោលសំរាម

បញ្ហាសំរាមមិនមែនជារឿងថ្មីទេ! អ្វីដែលថ្មីនោះ គឺការចោលសំរាមពាសវាលពាសកាលបានកើតជាថ្មីទៀតនៅក្នុងពេលបុណ្យអុំទូកឆ្នាំនេះដូចរាល់ឆ្នាំដែរ។ កាលពីមុនគេបន្ទោសទៅលើការខ្វះខាតធុងសំរាមនៅទីសាធារណៈ តែបច្ចុប្បន្ននេះធុងសំរាមត្រូវបានគេដាក់ព្រោងព្រាតគម្លាតគ្នាតែប្រហែល៥០ម៉ែត្រមួយ។ ផ្អែកតាមភាពជាក់ស្តែង ការបន្ទោសទៅលើកង្វះខាតធុងសំរាម មិនសមហេតុផលទៀតឡើយ។ អ្នកវិភាគលើកឡើងថា ការអប់រំ និងការផាកពិន័យត្រូវធ្វើដំណាលគ្នាដើម្បីកែទម្លាប់របស់មនុស្សក្នុងការចោលសំរាម។

13 min

November 01, 2020 ព្រឹត្តិការណ៍កម្ពុជាប្រចាំថ្ងៃ - តើព្រះរាជពិធីបុណ្យអុំទូកនៅភ្នំពេញអាចនឹងសាបរលាប បើរដ្ឋាភិបាលផ្អាកម្តងហើយម្តងទៀត?

នៅក្រោមហេតុផលនៃការទប់ស្កាត់ការឆ្លងរីករាលដាលនៃជំងឺកូវីដ១៩ រដ្ឋាភិបាលកម្ពុជាបានសម្រេចផ្អាកប្រារព្ធព្រះរាជពិធីបុណ្យអុំទូក បណ្តែតប្រទីប និងអកអំបុក សំពះព្រះខែ នៅក្នុងឆ្នាំ២០២០នេះ។ បើតាមការកត់សំគាល់ នេះមិនមែនជាលើកទី១នោះទេ ដែលរដ្ឋាភិបាលកម្ពុជាបានផ្អាកប្រារព្ធព្រះរាជពិធីនេះ នៅក្រោមហេតុផលនានា។ យ៉ាងណាក្តី មានការចោទជាសំណួរថា តើព្រះរាជពិធីបុណ្យអុំទូកអាចនឹងត្រូវសាបរលាប បើរដ្ឋាភិបាលផ្អាកប្រារព្ធពិធីបុណ្យនេះម្តងហើយម្តងទៀត?

13 min

October 29, 2020 ព្រឹត្តិការណ៍កម្ពុជាប្រចាំថ្ងៃ - អនាគតកាសែតបោះពុម្ភនៅក្នុងប្រទេសកម្ពុជា

គិតមកដល់ពេលនេះ កាសែតបោះពុម្ភជាក្រដាសដែលធ្លាប់មានឈ្មោះល្បីចំនួន២ គឺកាសែតកម្ពុជាថ្មី និងរស្មីកម្ពុជាបានផ្អាកការបោះពុម្ភដោយមិនកំណត់ពេលវេលានោះទេ។ ការផ្អាកសកម្មភាពបោះពុម្ភនេះ គឺដោយសារតែបញ្ហាហិរញ្ញវត្ថុ និងការកែទម្រង់ជាថ្មី។ តែទោះជាបែបនេះក្តី កាសែតទាំងពីរនេះនៅតែផ្តល់នូវព័ត៌មានដល់សាធារណជនតាមរយៈវេបសាយព័ត៌មានរបស់ខ្លួននីមួយៗ។ អ្នកជំនាញផ្នែកវិស័យសារព័ត៌មាននៅកម្ពុជា បានមើលឃើញថា បញ្ហាសំខាន់នៃការមិនអាចដណ្តើមទីផ្សារបានរបស់កាសែតបោះពុម្ភជាក្រដាស គឺព្រោះតែមាតិកាព័ត៌មាននៅមានកម្រិត និងដោយសារតែអ្នកតាមដានព័ត៌មានភាគច្រើនបែរទៅនិយមអានតាមប្រព័ន្ធអេឡិចត្រូវនិក។

11 min

October 28, 2020 ព្រឹត្តិការណ៍កម្ពុជាប្រចាំថ្ងៃ - សង្គមស៊ីវិលសាទរការដាក់ចេញរបស់រដ្ឋាភិបាលក្នុងការស្តារឡើងវិញក្រោយទឹកជំនន់តែស្នើឲ្យបង្កើនថវិកាវិស័យកសិកម្ម

មន្ត្រីអង្គការសង្គមស៊ីវិលបានសាទរចំពោះការដាក់ចេញនូវវិធានការរបស់រដ្ឋាភិបាល ដើម្បីស្តារជាបន្ទាន់ពីការខូចខាតដោយសារទឹកជំនន់នៅប្រទេសកម្ពុជាកន្លងមកនេះ តែស្នើឲ្យបង្កើនថវិកាសម្រាប់វិស័យកសិកម្ម។ ការលើកឡើងនេះ គឺបន្ទាប់ពី លោកនាយករដ្ឋមន្ត្រី ហ៊ុន សែន បានដាក់បទបញ្ជាដាច់ណាត់ឲ្យរដ្ឋមន្ត្រីក្រសួងចំនួន៤ចុះធ្វើការរួមគ្នា ដើម្បីដោះស្រាយការខូចខាតផ្លូវថ្នល់ដោយសារទឹកជំនន់ និងការស្តារឡើងវិញវិស័យកសិកម្មដែលរងការខូចខាត។

11 min