De Samschden néngten Oktober ass di 20. Editioun vun der Nuit des Musées, organiséiert vum Groupement vun de Stater Muséeën. Tëscht fënnef Auer owes an eng Auer an der Nuecht si sämtlech Ausstellungen accessibel, et ginn Aktivitéiten, Performancen, Gastronomie, gebueden. Eng beléift Initiative ass de "Coup de coeur": ee Prominente presentéiert, an enger vun de siwen Institutiounen, de Visiteure säi Coup de Coeur aus der Sammlung. No Politiker oder Sportler iwwerhuelen dësen Hierscht jonk Kreativer dës Mediatioun. D'Kerstin Thalau ass vun enger Instagram-Bloggerin méi iwwert hier Motivatioun gewuer ginn.