Zanter 2010 war de Lutz Teutloff a Kontakt mam CNA. De fréiere Moud-Konfektionär, duerno Galerist, da Konschtsammler wollt deen Deel vu senger riseger Privat-Kollektioun, deen e mat "The Contemporary Family of Man" iwwerschriwwen hat, a gudden Hänn wëssen. Vu dat dem Edward Steichen säin Ierwen am CNA versuergt gëtt, huet deen him di ideal Plaz geschéngt. Kuerz ier den Teutloff 2017 gestuerwen ass, si seng knapps 500 Wierker, vun deels renomméierten internationale Kënschtler, an de CNA-Archiver zu Diddeléng ukomm. An zanter hier geet d'Kerstin Thalau se eemol d'Joer besichen.