De leschte Weekend war d'Ouverture vun der Escher Konschthal, e réusséierten Opening mat Concerten, Performancen, natierlech Gedrénks.....a virun allem Konscht! Di éischt Expo kënnt, mir géifen esouguer soen: sollt, dir nach bis den néngte Januar kucke goen. Nieft Fotoinstallatioune vun de lëtzebuerger Lisa Kohl an Daniel Reuter, presentéiert näämlech den däitsche Kënschtler Gregor Schneider eng Aart Retrospektive mam Titel "Ego-Tunnel". D'Kerstin Thalau huet mam Gregor Schneider, ënnert anerem, iwwert säi Verständnes vu Selbstwäertgefill geschwat.