Ufangs des Mounts gouf dee jonke Lëtzebuerger Kënschtler Julien Hübsch fir eng Residenz an der Cité des Arts zu Paräis ausgewielt. De Kënschtler setzt sech a sengem Wierk mat Spueren am ëffentleche Raum auserneen - Graffiti, Vandalismus oder och Urbanismus. Musekfans kennen hien als eng Hallschent vum Duo Sheebaba. Um Mikro vum Marc Clement erkläert hien dee Projet, mat deem d'Residenz soll verbruecht ginn.