Den Hans Last, oder besser James Last, ass de Kreateur vum sougenannten "Happy Sound", engem Museksstil, mat deem hien a säin Orchester Joerzéngte laang d'Mënsche vu quasi alle Generatioune begeeschtert huet. Hie war um Sommet vu sengem gréisste Succès mat sengem "Happy Sound" bis zu 30 Prozent vum Ëmsaz vun der däitscher Plakkefirma Polydor responsabel. De Bassist, Pianist, Bandleader, Komponist, Arrangeur a Produzent James Last ass den 9. Juni 2015 a Florida am Alter vun 81 Joer gestuerwen. Haut (17.4.) hätt hien 90 Joer kritt a wär sécher nach ëmmer mat sengem Orchester ënnerwee. Mat der Musek opzehale war fir hien, bis zu sengem Doud, ni eng Optioun. Detailer Jean Claude Majerus.