Den Eric Clapton gehéiert ganz sécher zu de gréisste Gittaristen aus der Museksgeschicht. A wann et eng Konstant am Eric Clapton sengem Liewe gëtt, dann ass dat de Blues. De Blues ass fir de Clapton de Fong vun der Musek, Emotiounen an eng Hëllef fir ze iwwerliewen. De "Mister Slowhand", wéi de Eric Clapton genannt gëtt, kritt haut 75 Joer, an hien huet sech säi Gebuertsdag bestëmmt anescht virgestallt, well de Eric Clapton huet seng geplangten Europa-Tour am Mee-Juni wéinst der aktueller Situatioun op Mee-Juni 2021 verluecht. De Jean Claude Majerus mat engem Portrait.