2017 gouf dem Konschtexpert Lutz Teutloff seng Kollektioun "The Contemporary Family of Man" an d'Archive vum CNA zu Diddeleng opgeholl. Doriwwer, wéi déi 500 Fotoen, Videoen an Installatiounen, vun zum Deel berüümte Kënschtler, an Zukunft mat der Edward-Steichen-Family dialogéiere kéinten, hu mir an engem éischten Deel bericht (deen Dir an eiser Mediathéik fannt).

Vue datt den Teutloff an den 1980er ugefaangen huet ze sammelen, muss allerdéngs fir d'éischt eng Expertise vun de Wierker gemaach ginn. Dat geschitt zanter 2017 an de Summerméint. D'Kerstin Thalau huet sech am CNA mat zwou Foto-Restauratricen ënnerhalen.