Dem Walt Disney seng Figuren hu bis haut Generatiounen vu Leit ameséiert, se un liese bruecht oder se an de Kino gelackelt. D'Mickey Mouse ass wuel dem Disney säin Haaptpersonnage, mä den Donald Duck ass awer déi populäerst Disney-Figur, an dat net wéinst senge Stäerkten mä éischter wéinst senge Schwächten. Den Donald Duck, feiert moar säin 85 Anniversaire. De 9 Juni 1934, nämlech konnt een den Donald Duck a sengem bloe Matrousekostüm, déi alleréischte Kéier an enger Nieweroll am Zeechentrickfilm " The Wise Little Hen" gesinn, an dat zielt eben als Gebuertsstonn vun dëser rosener a choleresche Int.