2008 hate Mudam a Stad Lëtzebuerg den Design City LX Festival lancéiert, fir den Design an den ëffentleche Raum ze bréngen, an esou d'Liewensqualitéit ze verbesseren. Thema vun der 5. Editioun dësen Hierscht war "Me craft - you industry - we design", oder "Kann den Design den Dialog tëschent Handwierk an Industrie erméiglechen?". Zu dëser Fro haten um Talk Radio Day am Mudam eng ganz Partie Kreativer perséinlech Aussoe gemaach. D'Kerstin Thalau war lauschteren.