D'Gabriels sinn de leschte Summer opgetaucht, wéi d'Band vun L.A. hir éischt EP "Love and Hate in a Different Time" ganz op hir eege Kap erausbruecht huet. Ee vun hinnen ass e fantastesche Sänger, de Jacob Lusk, een en talentéierte Komponist an Arrangeur, den Ari Balouzian an deen drëtten am Bond ass ee Filmregisseur, de Ryan Hope. D'Single vun dëser EP war et, déi bal jiddwereen, dee se héieren huet, gepaakt huet. Déi nei Plack ass nach ëm eppes méi üppeg, fënnt de Marc Clement.