Tëschent 2015 an 2017 huet d'Fondatioun Oeuvre Grande-Duchesse Charlotte eng 100 kulturell Projeten ënnerstëtzt, déi sech mat der Integratioun vu Flüchtlinge befaassen. Zousätzlech sinn dräi Fotografe domat beoptraagt ginn, d'Initiativen an och den Alldag vun de Refugiéen op hir Manéier festzehalen. D'Fotoe sollten de Mäerz am Cercle Cité presentéiert ginn. Wéinst dem Confinement ass d'Expo am Hierscht eréischt opgaangen. Well sech d'Situatioun fir Refugiéen nach verschlëmmert huet, mécht dat fir ee vun de Fotografen, de Sébastien Cuvelier, awer Sënn. Explikatioune Kerstin Thalau.