Am November 1918, viru genee 100 Joer, ass no véier Joer deen éischten industrielle Krich vun der Mënschheetsgeschicht op en Enn gaangen. Zu Lëtzebuerg selwer ass kaum gekämpft ginn an awer haten d'Land a seng Awunner ënner de Konsequenze vum "Grousse Krich" ze leiden, notamment och d'Stolindustrie, déi sech an de Joerzéngte virdrun entwéckelt hat an zum ekonomeschen Developpement vu Lëtzebuerg bäigedroen hat. De Mohammed Hamdi resuméiert d'Krichsjoren an hir Konsequenzen op déi Lëtzebuergesch Stolindustrie.