Dräi Lëtzebuerger Produktiounen dierfen dëst Joer op Avignon. Mat ”Les glaces” vun der Sophie Langevin, “Une rose plus rouge” vun der Christine Müller an “Les jours de la lune” vun der Renelde Pierlot huet de Comité de sélection vu Kultur ǀ lx dräi feministesch Stécker zeréckbehalen, déi sech mat sexueller an digitaler Gewalt a mat der Menstruatioun befaassen - an domat net just Tabu-Sujete verhandelen, mee och weiblech Ënnerdréckung an Invisibiliséierung an enger patriarchaler Gesellschaft thematiséieren. No der Sophie Langevin an der Renelde Pierlot ass d‘Christine Muller beim Jeff Schinker am Studio.