De Kënschtler, un deem säin 130. Anniversaire mir haut denken, konnt vu sech behaapten, datt hien an Deeler vun der Welt bekannt war, wou d'Mënschen nach ni eppes vu Jesus héieren hunn. An hien hat Recht! A wien ass dann dat, frot Dir Iech? Rieds geet vum Charlie Chaplin. Scho ganz jonk war de geniale Komiker ronderëm d'Welt dee populäerste Vertrieder vun der Stommfilm-Epoch. An och nach haut, scho bal 42 Joer no sengem Doud, bleift de Charlie Chaplin eng Ikon aus der Filmgeschicht. E Portrait mam Jean Claude Majerus.