Am Europaparlament si gutt ee Mount no den Europawalen d’Verhandlungen iwwer Posten a Responsabilitéite voll am gaangen. Ob eng politesch Fraktioun ee Recht huet zum Beispill op ee vun de 14 Vizepresidente vum Parlament oder ob ee President vun enger parlamentarescher Kommissioun - dat gëtt op der Basis vum sougenannten D’Hondt-System ausgerechent - dee System bezitt sech op d’Zuel vun de gewielte Vertrieder a rechent aus, wéi eng Partei wéi eng Posten zegutt huet.

D’Fro ass awer, ob en am Europaparlament fir all politesch Fraktiounen applizéiert gëtt - oder ob net ee sougenannte Cordon sanitaire géintiwwer den extreem-rietse Fraktioune gëllt? Dat war an der Vergaangenheet de Fall, et ass awer net onëmstridden - wéi d’Danièle Weber am Europaparlament erausfonnt huet.