Mobilitéit, also sech fräi deplacéieren, ass fir eis selbstverständlech: fir ze reesen, ze schaffen, ze léieren, Frënn ze besichen. Mee duerch Corona ass eis eng Aart Immobilitéit opgezwonge ginn. Dorënner hunn och d'Kënschtler gelidden, well se dacks méi wéi ee Wunnsëtz hunn, respektiv am Ausland ausstellen. Wéi hu si d'Immobilitéit erlieft? Wat gouf déi Zäit vun den technesche Wëssenschaften, zu deem Theema, entwéckelt ? Dat weist d'Expo "Im-Mobility" an der Galerie Indépendance vun der BIL. D'Kerstin Thalau gouf vun der Curatrice Séverine Zimmer méi gewuer.