Janis Joplin, déi gréissten wäiss Bluessängerin déi et jeemools gouf, hätt haut op den Dag 75  Joer kritt. Janis Joplin ass awer den 4 Oktober 1970 am Alter vun nëmmen 27 Joer  un de Suite vun enger Iwwerdosis Heroin gestuerwen. Op der Bühn huet Janis Joplin duerch hire Charisma a virun allem duerch eng eenzegaarteg Stëmm jiddereen iwwerzeegt an mat gerappt. Privat war Janis Joplin awer een Mënsch deen alleng war, a sech just um Alkohol an un den Drogen upaken konnt. Et kéint een soen dass d'Zäit vum gréisste Succès fir Janis Joplin och d'Zäit vun hirem latenten Suicide war.