Kosmos 94.1 Landbou

Agribank het melding gemaak van uitdagings met Swakara-boere wat negatief beïnvloed word deur die Covid-19 pandemie met veral kontantvloei wat as die grootste uitdaging beskryf word. Volgens die bank, het die pryse van pelse skerp gedaal en die kansellasie van die April veiling wat aanlyn gehou is het verdere verliese vir die produsente veroorsaak. Daar was meer as 30 600 pelse op aanbod by die veiling maar net meer as 3 200 is verkoop. Ons gesels met Louisa Campbell van Lovedale Farming, bekende Swakara boere in die land.

Daar bestaan kommer oor die lewensvatbaarheid van rooivleis produsente soos veral oorsese markte weg beweeg van vleis af. Daar is ook verskeie inisiatiewe regoor die wêreld om laboratorium vervaardigde vleisprodukte te produseer. Ons gesels met Koos van der Ryst, die Voorsitter van die Suid-Afrikaanse Rooivleis Produsente Vereniging oor die stand van sake.

Gesonde grond is van kritiese belang om die voedingswaarde van gewasse te bevorder. Dit sal ook veroorsaak dat minder grond benut word vir hoë kwaliteit gewasse en oeste. Met die lente wat oppad is, sluit Kosmos 94.1 Landbounuus by Dr Hendrik Smith, ‘n Bewarings Landbou Fasiliteerder by GraanSA aan om hieroor te gesels.

Die Pfumvudza-konsep wat op die oomblik in Zimbabwe uitgerol word, word geloof vir sy moontlike bydrae tot voedselsekerheid. Die konsep gebruik klein stukke grond en benut die jongste in landbou tegnieke wat aangepas is vir klimaatsverandering. Craig Deall, die Hoof Uitvoerende Beampte van Foundations for Farming in Zimbabwe het die projek geskep en sluit by ons aan.

Die Suid-Afrikaanse landbou ekonoom, dr Frikkie Mare van die universiteit van die Vrystaat is positief oor die toekoms van landbou in die buurland. Hy verwys veral na die kwessie van belegging in grond in die tyd dat rentekoerse daal en daar baie onsekerheid in die bedryf is en gee meer agtergrond in die verband.

Volgens statistiek het veediefstal met die Covid-19 pandemie toegeneem op sommige Namibiese plase. Vir sy mening hieroor sluit ons aan by die president van die Namibiese Landbou Unie Piet Gouws.

Ons praat steeds oor die Covid-19 pandemie se invloed op landbou en verskuif die fokus na Suid-Afrika. Johannes Moller van Agri-SA is ons gas.

Die jongste Namibiese mielie oesskattings is deur die Akkerbouraad bekendgemaak. Vir meer hieroor sluit ons aan hy Gilbert Mulonda die Algemene Bestuurder van die raad.

Die President van die Namibiese Lewende Hawe Produsente Organisasie Thinus Pretorius is ons gas.

Biodiversiteit word as baie belangrik in bewaring beskou en wetenskaplikes meen dat hoë vlakke van biodiversiteit ekosisteme balanseer en meer bestand maak teen die impak van klimaatsverandering. Maar hoe pas die bewaring van biodiversiteit by boere in. Dr Morgan Hauptfleisch, ‘n Bewaringsbioloog by die Fakulteit van Natuurwetenskappe by Nust het raad.