Goeie gehalte hooi word aan ’n paar eienskappe geken. Dit moet eerstens ’n mooi, groen kleur hê. Geel of bruin hooi dui op swak gehalte weens te laat sny, reën of muf. Gehalte hooi moet blaarryk wees en min stingels hê. Dit het nie noodwendig ’n kenmerkende reuk nie, maar ’n muf of suur reuk sal diere afskrik. Met goeie reën kan boere nou letterlik, soos die Engelse sê, ‘make hay while the sun shines’. Dr Cornelis van der Waal, ‘n plaaslike kenner in graslande gesels met ons vanoggend oor die gulde geleentheid.

Hier's vir jou 'n ding... as die verkoopprys van 'n Limousin-vers enigiets is om as maatstaf te gebruik, dan het Covid nie juis 'n impak op Britse beesboere gehad nie. Die vers, Wilodge Poshspice, het pas Brittanje se duurste koei geword toe sy net meer as 5,3 miljoen Namibiese doller op 'n veiling behaal het. Yanna Smith het die besonderhede...

Uiteindelik is daar meer bye in ons veld wat uitstekende nuus is vir veral groente boere. Maar hoe gemaak om daardie bye nou te behou? Christo Brisley Agra se Senior tegniese adviseur by die opleidingsafdeling is ‘n kenner in die gebied...

Die bekende Suid-Afrikaanse motiveringspreker Christo Spies gesels vanoggend met Pieter Moller oor hoop. Die heersende pandemie gepaard met ekonomiese uitdagings is uitmergelend en oor die algemeen is gemeenskappe uitgeput. Spies sê ‘n boer maak ‘n plan... maar dis meer as net dit. Ons sluit die week af met ‘n stukkie pitkos vir die siel.

Indringerbos bly ‘n probleem oral in Namibië veral met oorbeweiding en herhaalde droogte. Maar, bos word nou ook as ‘n bron van voeding en energie ge-ag as die regte aanslag gevolg word. Met goeie neerslae het Kosmos 94.1 Landbounuus dit goed gedink om weer aan te klop by DAS Namibië, oftewel, die Ontbossing Adviserende Diens van Namibië. Ons gas vanoggend is Petrus Ngipangelua, die Tegniese Adviseur vir DAS...

Lae-druk stelsels beteken die slange loop, nes die oumense dit beskryf het... en daar is wel uitdagings in verskeie gebiede. Met koeler weer en reën is slange meer algemeen as ons dit so kan beskryf en vanoggend gesels ons met Namibië se eie slang-goeroe Francois Theart hieroor...

AfriForum in Suid-Afrika se het die buurland se plaasaanval-en-moordstatistieke vir 2020 bekend gemaak tydens ’n regstreekse mediakonferensie. Plaasaanvalle in die buurland is vir ‘n geruime tyd reeds ‘n groot uitdaging. AfriForum het ook sy strategie bespreek om plaasaanvalle te bekamp en het hul nuwe beveilig-en-plaas-veldtog bekend gemaak. Ons sluit aan by Andrea Muller 'n navorser by Afriforum wat die aankondiging gemaak het... sowel as Dr Theo de Jager, die bekende Suid-Afrikaanse Landboukenner en Voorsitter van Saai in die buurland.

Die bek- en klouseer uitbreking noord van die veterinêre kordon duur steeds voort en bly ‘n uitdaging alhoewel die Ministerie van Landbou meen dat dit onder beheer is. Maatreëls is ‘n tydjie gelede verslap maar, die voorkoms van die siekte duur voort. Die Minister van Landbou Calle Schlettwein is ook op besoek op die oomblik aan die noorde van die land en vanoggend gesels ons met Dr Albertina Shilongo die Hoof Veeartseny Beampte in die ministerie oor die jongste....

Dr Frikkie Maré ‘n Landbou Ekonoom en Senior Dosent by die Universiteit van die Vrystaat gesels vanoggend oor die verhoging in die minimumloon vir plaaswerkers in Suid-Afrika. Die verhoging is in die nasionale-minimumloon van 21 Namibiese doller 69 sent per uur in die Staatskoerant gepubliseer. Dit tree op 1 Maart in werking. Maré sê dit sal ure verminder en meganisering aanhits. Maar in Namibië lyk die prentjie heeltemal anders. Die opname vir 2020 toon dat die huidige kontant loon, gemiddeld 1 754 Namibiese doller, met 69 persent toegeneem het en ver bo die minimum loon van 1 400 doller is. Saam met vleis en ander rantsoene verdien die werkers ongeveer 2 367 doller maandeliks, 10 persent meer as in die vorige opname. Danie van Vuuren van die Landbou Werkgewersvereniging ...

Plaaslike media berig dat daar groot uitdagings is met die volhoubaarheid van Meatco. Die berigte is gebaseer op ‘n verslag deur Rainer Ritter, ‘n Onafhanklike Analis. Volgens Ritter sal Meatco uiteindelik likwideer as kostes nie gesny word nie. Melding word gemaak van verskeie faktore wat ‘n 106 persent verhoging in betaling vir raadslede van 2009 tot 2010 insluit. Volgens Ritter moet ‘n komitee aangestel word om die vleis-industrie weer winsgewend en volhoubaar te maak. Dr Omu Kakujaha-Matundu van die Ekonomiese Fakulteit by Unam gesels met Kosmos 94.1 Landbounuus oor die kwessie...