50 Joer ass et hier, datt Studenten an Aarbechter sech am Mee '68 géint de Status quo revoltéiert hunn. Nieft de gesellschaftlechen Implicatioune goufen et awer och ästhetesch Neiufäng. De Bröhan Musée zu Berlin presentéiert an hirer Ausstellung Wierker vum politesche franséische Graphikerkollektiv Grapus. D'Sarah Pepin war d'Expo kucken.

De Mudam huet déi lescht Woch en neit Buch iwwer déi d'kënschtleresch Aarbecht vun der Su Mei Tse virgestallt. De Christian Mosar informéiert.

Die Bodo Kirchhoff kann een an der Welt vun de Schrëftsteller zu der Kategorie Workaholic zielen. Den Auteur kritt haut 70 Joer an huet an engem grousse Roman zeréckgekuckt op eng schwiereg Jugend, markéiert vu sexuellem Mëssbrauch. Säin neiste Roman mam Titel "Dämmer und Aufruhr" gouf vun der Frankfurter Verlaganstalt publizéiert.

Dem Amerikaner säin zweeten Album a voller, esouguer duebeler Längt, ass, wéi säi Virgänger eng epesch Affär, déi de Stroossenesprit an de Swagger vum Hip Hop mat dezentem politesche Kommentar an de West Coast Jazz afléisse léisst. De Marc Clement huet d'Plack gelauschtert.

Bis de 26. August kann een an de Rotonden zu Bouneweg en aussergewéinleche Minigolfparcours ausprobéiere goen. 18 Kënschtler a Kënschtlerinnen hunn hei hier ganz eege Versioune vun enger Minigolfschikane nei erfonnt. Spillenswäert!

Fossil kënnt vum Laténgesche fossilis a bedeit ausgegruewen.  Bei der Ausstellung "Rock Fossils" am Gronn stinn awer net ausschliisslech Fossilien, déi aus Steen ausgegruewe goufen, am Mëttelpunkt, mee an der Haaptsaach d'Verbindung tëscht Fossilien a Rockmusek, respektiv Paleonthologen a Metal-Museker. Deementspriechend ass och de Kaderprogramm vun der Expo "Rock Fossils". Explikatioune vum Kerstin Thalau a Ben Thuy, Paleontholog aus dem Natur Musée a Metal-Fan.

De Frauenfeld Festival an der Schwäiz ass eegenen Aussoen no dee gréissten Hip-Hop Festival an Europa. Dëst Joer spillen ënner anerem d'US-Amerikanesch Museker J. Cole, Wiz Khalifa an den Eminem als Headliner, déi britesch Kënschtlerin IAMDDB oder déi belsch Rapperin Coely.

De Joachim Bodmer ass responsabel fir d'Organisatioun an d'Kommunikatioun vum Frauenfeld. Am Interview mam Françoise Keller a Fanny Kinsch gëtt hien en Ausbléck op de Festival dëst Joer.

Enn Oktober 2018 wäert déi Deutsche Akademie für Sprache und Dichtung am Kader vun hirer traditioneller Herbsttagung der Autorin Terézia Mora de Georg-Büchner-Präis iwwerreechen. De Präis, dee mat 50.000 Euro dotéiert ass, gëllt als wichtegst literaresch Auszeechnung an Däitschland. Méi zu der Laureatin vum Kerstin Thalau.

Wa vun grousse Schrëftsteller riets geet, da kënnt ee sécher net derlaanscht un de Franz Kafka ze denken, a besonnesch haut wou den tschecheschen Auteur säin 135. Gebuertsdag gefeiert hätt. De Franz Kafka ass den 3 Juli 1883 zu Prag op d'Welt komm, an en ass den 3 Juni 1924 gestuerwen. De Kafka huet ouni Zweifel d'Literatur an d'Welt vun der Kultur markéiert. De Kafka huet scho vun onperséinlecher Bürokratie geschriwwe, éier et se iwwerhaapt gouf. De Kafka huet iwwert den Eekel vun totalitäre Régimer geschriwwen, éier d'Leit dru geduecht hunn. De Franz Kafka war ee psychologesche Schrëftsteller, deen aus sengen eegenen Déiften, dem Onbewosste geschriwwen huet.

De Moment sinn nees iwwerall an Europa Touristen ënnerwee an d'Summervakanz um Mier. Vu Berlin aus, sinn et e puer Stonnen mam Auto, mais zënter e puer Wochen kommen d'Berliner och am Historischen Museum dem Mier ganz no. D'Ausstellung "Europa und das Meer" thematiséiert d'Relatioun tëschent dem Kontinent an sengen Küsten an wéist, wéi enk d'Mier an d'Geschicht vun Europa verbonnen sinn. De Max Tholl war fir eis op der Platz.