Zanter Hierscht 2018 gëtt d'Kollektioun vum Mudam en Valeur gesat, fir datt der Ëffentlechkeet bewosst gëtt, woufir de Musée steet. Den Ament kënnt dir um -1 déi impressionant Videoinstallatioun "Le Détroit" vum kanadesche Kënschtler Stan Douglas entdecken. Thema ass de Verfall vun Detroit, illustréiert duerch eng duebel Projektioun: de positive Film op der viischter Säit vum Ecran, den negativen am Decalage hannendrop. D'Kerstin Thalau huet mam Lissaboner Filmspezialist Joâo Chaves iwwer de komplexe Montage vum Wierk geschwat.