Lestin

Lestin

Download on the App Store

All Lestin episodes

  • Mýrin, hárskerar, íslensk fatahönnun, nýtt frá Billie Eilish
    Einhverjir kunna að gantast með að H&M hafi opnað rétt svo í tæka tíð á Íslandi til að verja tískurisann hruni, því Íslendingar hafa ekki komist til útlanda að versla í háa herrans tíð. Það er þó kannski einmitt ein af fáum sannlega jákvæðu hliðum heimsfaraldursins því það er ekki bara skynditískan sem selst vel hér á landi: íslensk hönnun blómstrar sem aldrei fyrr, meðal annars í versluninni Kiosk niðri á Granda.
    Bíóklassík dagsins er Mýrin sem var sýnd í sjónvarpinu í gærkvöldi á eftir heimildarþáttunum Ísland Bíóland. Mýrin er sakamálatryllir byggður á samnefndri bók Arnaldar Indriðasonar, og það er lopapeysklæddi sviðakjammaétandi lögreglumaðurinn Erlendur sem er í aðalhlutverki, einmitt í miðju góðæri þegar margir Íslendingar vildu gleyma fortíð þjóðarinnar.
    Við heyrum fjórða og síðasta innslagið af blaðlauknum frá Jón Torfa Arasyni og Þórdísi Claessen. Í þessum innslögum sínum flysja þau lögin af ýmsum hversdagslegum fyrirbærum, sloppar, kaffi og húsfélög hafa meðal annars borið á góma. Og í dag er það hárskeri sem verða heimsóttur og spurður út í samband klippara og kúnna.
    Og við kíkjum á nýtt myndband frá Billie Eilish.
    55 min
  • Forseti Smartlands í einkaviðtali
    Í Lestinni þennan fimmtudaginn setjumst við niður með Mörtu Maríu Jónasdóttur, ritstjóra Smartlands á mbl.is. Smartlandið ættu flestir Íslendingar að þekkja. Það er í senn einn vinsælasti vefur landsinsen hann er jafnframt einn sá umdeildasti. Í næstu viku eru 10 ár frá því að smart-landamærin opnuðust hið fyrsta sinni og út flóðu fréttir af fólki, fötum og fasteignum.Við ætlum að kynnast þessum áhrifamikla vef betur í Lestinni í dag en einnig sýn ritstjóra hans á blaðamennsku.
    55 min
  • Ritstífla, La Femme, Them, bindingar
    Að vefja kaðla og reipi er handverk sem hefur fylgt mannkyninu í gegnnum aldirnar. Í hafnarhúsinu á laugardag opna þrír hönnuðir sýningu sem byggir á rannsóknum þeirra á handverki kaðlagerðar og táknrænni vídd reipisins í norrænni samtímamenningu, frá íslenskri veiðafæragerð að danskri skrautkaðlagerð fyrir stássstofur borgaralegra heimila á 19. Og 20. Öld.
    Við hringjum líka í vin, nánar tiltekið í skáldkonuna Elísabetu Jökulsdóttur sem búsett er í Hveragerði og fáum hjá henni góð ráð við ritstíflu. Hún kallar það raunar ekki stíflu heldur stopp, og fékk sjálf eitt sinn góð ráð um efnið frá bankamanni.
    Katrín Guðmundsdóttir heldur með okkur á slóðir brottflutninganna miklu, þegar um sex milljónir svartra Bandaríkjamanna hröktust frá suðurríkjunum til annarra hluta landsins á síðustu öld. Frá þeim er sagt í hrollvekjuþáttunum Them.
    Og Davíð Roach Gunnarsson tekur snúning með frönsku listapönk sveitinni La Femme sem gaf á dögunum út sína þriðju breiðskífu, Paradigmes.
    55 min
  • Scott Rudin, Manndýr, pennavinir og fangi í raunveruleikaþætti
    Það er stundum talað um að börn séu fæddir heimspekingar. Það er kannski ekki svo að þau geti skrifað ritrýndar fræðigreinar um sögu heimspekinnar en þau eru fordómalaus, óhrædd við að spyrja og búa yfir þeim stórkostlega eiginleika að vera forvitin og undrast í sífellu yfir umhverfi sínu. Í nýju barnaleikhúsverki, Manndýr, reynir Aude Busson að rækta þessa heimspekingslegu hegðun barna. Aude heimsækir Lestina í dag og segir frá.
    Una Björk Kjerúlf flytur okkur pistil í Lestinni á þriðjudegi. Að þessu sinni rifjar hún upp pennavini úr æsku og gildi þess að pára með blýanti á blað frekar en að skrifa með því hamra á lyklaborð eða pikka með fingrum á skjá.
    Kvikmynda- og leikhúsframleiðandinn Scott Rudin er einn valdamesti maður Hollywood og Broadway en varla mikið lengur. Eftir tugi ásakana um ofbeldi á vinnustað, sem fyrst komu fram í rannsókn Hollywood Reporter í byrjun mánaðarins, virðist fullljóst að ógnarstjórn Rudin eigi sér hliðstæðu í kynferðisbrotum Harvey Weinstein - hún var opinbert leyndarmál sem enginn þorði að hafa hátt um af ótta við afleiðingarnar.
    Og við heyrum um ungan rússa sem festist gegn eigin vilja í raunveruleikaþætti þar sem keppst var um að komast í dansandi og syngjandi boy-band.
    55 min
  • Gísli Darri á Óskarnum, Góði hirðirinn og formaður húsfélags
    Síðar í vikunni verður frumsýnd heimildarmyndin Góði Hirðirinn eftir Helgu Rakel Rafnsdóttur, mynd sem er tekin á Garðstöðum við Ísafjarðardjúp, þar sem Þorbjörn Steingrímsson hefur sankað að sér hundruðum bílhræja.
    Við heyrum þriðja innslagið af blaðlauknum frá Jón Torfa Arasyni og Þórdísi Claessen. Í þessum innslögum sínum flysja þau lögin af ýmsum hversdagslegum fyrirbærum, og í dag eru það húsfélög sem þau ætla að fjalla um. Þau ræða við Helga Eirík Eyjólfsson, félagsfræðing sem er formaður í stóru húsfélagi í Laugardalnum.
    Og við hringjum í Gísla Darra Halldórsson sem er staddur í Los Angeles þar sem hann mætti á Óskarsverðlaunahátíðina en hann var tilnefndur til verðlaunanna fyrir bestu stuttu teiknimyndina.
    55 min
  • Svartur Messías, The Father, Ofurdeild, Hver drap Friðrik Dór?
    Við rýnum í tvær af þeim myndum sem tilnefndar eru til Óskarsverðlaunanna í ár sem besta kvikmyndin. Júdas og hinn svarti Messías og Faðirinn, þar sem Anthony Hopkins leikur aldraðan mann með heilabilun.
    Hver Drap Friðrik Dór nefnist nýir íslenskir grínþættir á Sjónvarpi Símans. Júlía Margrét Einarsdóttir hefur verið að horfa og segir okkur henni finnst.
    Og við ræðum tengsl fjármálavalds og fótbolta af gefnu tilefni. Stefán Pálsson sagnfræðingur heimsækir Lestina í síðari hluta þáttarins.
    55 min
  • Leikhúsplágur, litáísk listakona, móðgaður Morrissey, bréf um vináttu
    Hinar ýmsu lifandi sviðslistir hafa þurft að laga sig að fordæmulausum tímum covidflensunnar. Það hefur svo sannarlega reynt á þolmörk þeirra, hvort þær standi og falli með líkamlegri nálægð áhorfenda, eða hvort hægt sé að laga þær að tímum fjarlægðartakmarkana og fjarfunda. En þetta er ekki í fyrsta skipti sem plágur hafa áhrif á leikhúslífið, við spjölum við Magnús Þór Þorbergsson leiklistarfræðing um áhrif plága á leikhús í gegnum tíðina.
    Ingólfur Eiríksson flytur okkur sitt þriðja bréf til Birnu í Lestinni í dag. Að þessu sinni hverfur hann aftur til barnæskunnar, einmanaleiki og vinátta koma meðal annars við sögu, pílagrímsför á Old Trafford og hljóðlátt diskótek í eldfimum ipod nano.
    Og við kíkjum upp í Gerðarsafn í Breiðholti þar sem listakonan og Jurgitta Mojti-jún-eijte sýnir verk sín unnin úr ýmiskonar neysluumbúðum. Við ræðum umbúðir sjálfsins, neyslumenningu og stöðu litháa á íslandi í heimsfaraldri.
    Við kynnum okkur einnig hvernig alheimurinn níðist statt og stöðugt á söngvaranum þjakaða Morrissey. Nýjasta dæmið er hvernig gert er grín af söngvaranum í nýjasta sjónvarpsþættinum um Simpsons-fjölskylduna
    55 min
  • Hljóðhernaður, kaffisnobb, Djöflaeyjan og Íslensku tónlistarverðlaunin
    Í síðustu viku heyrðum við fyrsta innslagið af svokölluðum blaðlauk frá Jón Torfa Arasyni og Þórdísi Claessen. Í þessum innslögum sínum flysja þau lögin af ýmsum hversdagslegum fyrirbærum, og í dag er það hversdagsdrykkurinn sjálfur. Kaffi, sem þau ætla að fjalla um. Þau kíkja í kaffi til Lukaszar Stencel sem rekur kaffibrennsluna Kvörn
    Bíóklassík dagsins er Djöflaeyjan sem var sýnd í sjónvarpinu í gærkvöldi á eftir heimildarþáttunum Ísland Bíóland. Djöflaeyjan var risastór og dýr mynd um líf stórfjölskyldu í braggahverfi um miðja síðustu öld. Við veltum meðal annars fyrir okkur af hverju sögulegar períóðumyndir á borð við Djöflaeyjuna eru jafnt fátíðar á Íslandi og raun ber vitni.
    Hljóð getur haft ýmsa virkni í samskiptum dýra þau synga til að laða að sér maka, þau öskra og æpa til að hræða andstæðinga. Við mannfólkið erum engin undantekning, við njótum þess að hlusta á fallega tónlist en hávær og skerandi hljóð geta verið sársaukafull. Þetta gerir hljóð að vænlegu vopni til að stýra fólki. Þórður Ingi Jónsson skoðar hvernig hljóði hefur verið beitt í hernaði bæði í samtíð og sögu.
    Við förum svo yfir það helsta sem gerðist á íslensku tónlistarverðlaununum um helgina
    55 min
  • Bjarmalandsför Vals
    Síðustu tvær vikur hafa Sovétríkin borið óvenjulega oft á góma hér í Lestinni. Í þætti dagsins ætlum við að halda áfram að horfa til austurs en fimmtudagsgestur Lestarinnar er Valur Gunnarsson rithöfundur, sagnfræðingur og blaðamaður. Valur hefur dvalist í Rússlandi, Eistlandi og Úkraínu og heimsótt flest hinna fyrrum Sovétríkjanna og í nýrri bók sinni Bjarmalönd, sem kemur út í dag, notar hann ferðasögur sinar frá þessum slóðum til að lýsa ástandinu í nokkrum fyrrum austantjaldslöndum og segja sögu þeirra.
    56 min
  • Kirkjan og kynlíf, Andi, óviðeigandi bros
    Hvernig á kirkjan að ná til ungu kynslóðarinnar? Þessi spurning er nánast samgróin starfi þjóðkirkjunnar sem hefur undanfarið leitað ýmissa leiða til að boða ungum eyrum fagnaðarerindið. Séra Dagur Fannar Magnússon, prestur í Heydal í Austfjarðaprestakalli hefur sjálfur reynt ýmislegt í þeim efnum, haldið uppi stuði á TikTok og stýrt hlaðvarpinu Kirkjukastið. Nýjasti þátturinn hefur raunar vakið mikla athygli, þrátt fyrir að vera enn ekki kominn út - en hann fjallar um kristni og kynlíf.
    Davíð Roach Gunnarsson segir frá raftónlistarmanninum Andra Eyjólfsson sem gengir undir listamannsnafninu Andi, Nú á dögunum gaf hann út tveggja laga stuttskífinu Á meðan, sem fylgir á eftir hinni frábæru breiðskífu, Allt í einu, sem kom út árið 2018.
    En við ætlum að byrja á deilum um ljósmyndir. Kambódíumenn eru margir hverjir ósáttir við írskan listamann sem hefur undanfarið unnið að því að lita svarthvítar ljósmyndir frá Kambódíu og bæta við brosi á andlit fólks sem er ekki alveg nógu glaðlegt að hans mati.
    57 min