De leschte Freideg war e groussen Dag fir d‘Welt vum Theater an Danz zu Lëtzebuerg. Et war déi zweete Kéier, datt den Theater- an Danzpräis vergi gouf. Aacht verschidden Auszeechnungen, an eng dovu war den "Theaterpräis - Op der Bün - Text, Konzept a Regie“. Dëse Präis goung un de Guy Helminger fir säin Text: "Madame Köpenick“, deen d‘lescht Joer am Kasemattentheater gewise gouf. D‘Brigitte Urhausen, déi an dësem Stéck d‘Roll vun der Madame Köpenick, also der Emilie Blum iwwerholl hat, gouf fir hiert Schauspill ausgezeechent. Aus deem Grond hei d‘Kritik vum Valerija Berdi, déi d‘Stéck gesinn hat.