Einar Óli Sigurðarsson varð fyrir alvarlegum heilaskaða eftir heilablæðingar fyrir tveimur árum, þá 33gja ára. Eftir það getur hann hvorki hreyft sig né tjáð. Fyrir um ári voru fluttar fréttir af stöðu Einars Óla, þar sem hann hafði verið í átta mánuði á Grensásdeild, endurhæfingardeild Landspítalans, sem er ekki langtímaúrræði, en eini valkosturinn sem honum stóð til boða í framhaldi var að vera vistaður á hjúkrunarheimili, þar sem meðalaldurinn er áttatíu og þrjú ár. Nú, ári eftir þessar fréttir er staðan enn sú sama. Aðalheiður Bjarnadóttir, móðir Einars Óla, kom í þáttinn og fór með okkur yfir söguna, en engin lausn virðist vera í sjónmáli. Í kvöld verða haldnir styrktartónleikar fyrir Einar Óla í Guðríðarkirkju, en fyrir þá sem myndu vilja leggja eitthvað að mörkum en komast ekki á tónleikana þá bendum við á styrktarreikninginn, 0545-14-001041, kt. 650519-0790, en fjölskyldan er að safna fyrir útborgun í notuðum bíl til að auðvelda þeim við að koma honum á milli staða.

Þegar maður hlustar á Flamenco tónlist tengir maður hana ekkert endilega við íslenska tónlistarmenn svona í fyrstu en í Grenada á Spáni býr íslendingurinn Reynir Hauksson og hann starfar sem Flamenco gítarleikari. Við spurðum hann útí Flamenco og hvernig það er fyrir íslending að starfa sem Flamenco gítarleikari í fullu starfi á Spáni.

Steingrímur Sævarr Ólafsson fyrrum fréttamaður og fjölmiðlaráðgjafi var lesandi vikunnar hjá okkur í dag og við spurðum hann útí bækurnar á náttborðinu, hvað hann er að lesa þessa dagana og hvaða bækur og höfundar hafa haft áhrif á hann í gegnum tíðina.

UMSJÓN: GUÐRÚN GUNNARSDÓTTIR OG GUNNAR HANSSON

Föstudagsgesturinn að þessu sinni er mörgum kær, hún hefur talað í hljóðnemann og spilað plötur í útvarpi og einnig víða fyrir dansi, í áratugi. Þetta er Andrea Jónsdóttir hin eina sanna, fagnar sjötugsafmælinu um helgina og hún valdi að auki hvert einasta lag í þættinum í dag.

Söngtónleikar fara fram í Norðurljósum í Hörpunni á sunnudaginn og þar munu fjórir einsöngvarar syngja saman og í sitt hvoru lagi og auk þess koma fram tveir píanóleikarar. Við vorum svo heppin að fá þau í þáttinn í dag í spjall og þau fluttu tvö lög á kaffitorginu hér í Efstaleitinu. Söngvararnir eru Hrafnhildur Árnadóttir Hafstað sópran, Hanna Dóra Sturludóttir mezzo-sópran, Þorsteinn Freyr Sigurðsson tenór og Fjölnir Ólafsson baritón og píanóleikararnir, sem léku fjórhent voru Hrönn Þráinsdóttir og Matthildur Anna Gísladóttir.

Sigurlaug Margrét Jónasdóttir, besti vinur bragðlaukanna, var hjá okkur með sitt vikulega matarspjall. Í dag talaði hún um hækkandi sól, tiltekt í kryddskápnum og matseðla sumarsins.

UMSJÓN: GUÐRÚN GUNNARSDÓTTIR OG GUNNAR HANSSON

Kynslóðin sem nú vex úr grasi horfir inn í framtíð sem verður gjörólík okkar samtíma og rof verður jafnvel til milli kynslóðanna. Umbyltingar síðustu ára breyta ekki aðeins samfélagi okkar og umhverfinu, heldur okkur sjálfum. Hvernig verður samfélag okkar, menning og tunga eftir 30 ár? Hvernig munum við þá skilgreina okkur sem þjóð? Í kvöld verður kvöldstund í Hannesarholti þar sem Guðrún Nordal fjallar um bók sína SKIPTIDAGA - NESTI HANDA NÝRRI KYNSLÓÐ. Hún fær til sín góða gesti til þess að velta framtíðinni fyrir sér í þessu ljósi og leitast við að svara þessum spurningum. Guðrún kom í þáttinn í dag.

Tveggja daga ráðstefna um kvíða verður haldin að Hólum í Hjaltadal í dag og á morgun. Erindin eru af ýmsum toga því kvíði er víða í samfélaginu og það getur verið kvíði yfir loftslagsmálum, kvíði yfir að búa í verðtryggðu húsnæði, kvíði í skóla, kvíði í kjölfar ofbeldis og fleira. Við ræddum við séra Sólveigu Láru Guðmundsdóttur um kvíða í dag.

Hlaðvarpsþættir, eða podcöst, verða sífellt vinsælli og hægt er að finna ótrúlegan fjölda af allkyns slíkum þáttum í þar til gerðum forritum í snjalltækjum og tölvum. Það er í rauninni alveg saman hvar áhugasviðið liggur, þú getur fundið hlaðvarpsþátt sem fjallar um það og að öllum líkindum marga. Ása Baldursdóttir kom í þáttinn á síðasta ári og sagði frá áhugaverðum hlaðvörpum sem vakti talsverða athygli. Hún kom í þáttinn í dag og sagði frá hlaðvörpum um svikahrapp að nafni Hamish Wilson áhugakonur um morð.

UMSJÓN: GUÐRÚN GUNNARSDÓTTIR OG GUNNAR HANSSON

MANNLEGI ÞÁTTURINN MIÐVIKUDAGUR 03.APRÍL 2019

UMSJÓN: GUÐRÚN GUNNARSDÓTTIR OG GUNNAR HANSSON

Hvernig er rithöndin þín? Á öld tölva og snjalltækja skrifum við sífellt minna með

pennum á pappír. Ingi Vífill Guðmundsson hefur verið að kenna kallígrafíu eða

skrautskrift og bara skrift, sem verkfæri í hugrækt undanfarin misseri, og í

framhaldi að því lagði hann drög að nýju verkefni, sem heitir Skriftarbók fyrir

fullorðna. Bókin er forskriftabók með æfingum og hjálparlínum og kennir

lykkjuskrift, sem kennd var í grunnskólum á Íslandi til 1984. Ingi segir að margir af

hans kynslóð skammast sín fyrir rithöndina, finnst hún jafnvel barnaleg, og hann

langaði að gera verkefni til að hjálpar fólki að bæta rithöndina. Við fræddumst um

skrift hjá Inga í þættinum.

Magnús R. Einarsson sendir okkur póstkort frá Spáni og í dag fjallar hann um

vatnið í Alicante sem er mikið dýrmæti og sömuleiðis um hátíðahöld um liðna

helgina sem voru til að minnast þess að áttatíu ár eru liðin frá því að

borgarastyrjöldinni lauk, en henni lauk bókstaflega í Alicante.

Mindfulness eða Núvitund er meir og meir tekin inn á vinnustaði sem góð leið til

að vinna gegn streitu og kulnun í starfi. Ásdís Olsen er einn helsti sérfræðingur

okkar um Núvitund og hefur að sérhæft sig í “Mindfulness á vinnustöðum“,

prógramm sem var þróað hjá Google og hefur verið innleitt hjá nokkrum af

öflugustu fyrirtækjum heims. Ásdís vinnur að doktorsritgerð um Núvitund og við

ræddum við hana.

Við heyrðum af nýrri stöð, OsteoStrong, sem staðsett er í Borgartúni og býður uppá aðferð við að þétta bein með sérstöku Spectrum kerfi, sem eru 4 tæki, nokkurs konar líkamsræktartæki . Spectrum kerfið var fundið upp af Dr. John Jaquish, sem er höfundur bókarinnar „Osteogenic Loading“ en hann hefur flutt fjölda erinda á heimsþingi um beinþynningu og sat áður í stjórn American Bone Health sem eru samtök um beinheilsu í Bandaríkjunum. Nokkrar mínútur í tækjunum einu sinni í viku er nóg , segja hjónin Örn og Svanlaug sem opnuðu útbú á Íslandi í janúar sl. Mannlegi þátturinn skoðaði málið.

Tíundi bekkur Nesskóla í Neskaupstað fór með sigur af hólmi í Fjármálaleiknum 2019, spurningakeppni í fjármálalæsi. Alls tóku þrjátíu skólar á landsvísu þátt í leiknum að þessu sinni með samtals um 500 nemendur. Hver nemandi í bekknum þurfti að svara 60 fjölbreyttum krossaspurningum um fjármál. Við hringdum austur og heyrðum í Eysteini Þór Kristinssyni, skólastjóra Nesskóla og Ester Rún Jónsdóttur nemanda.

Þann 9. mars kom nýr bátur til hafnar í svokallaðri Kokkálsvík þar sem er hafnaraðstaða Drangsnesinga. Haldið var upp á daginn með pompi og prakt, og Kristín Einarsdóttir, okkar kona á Ströndum, mætti á staðinn og spjallaði skipstjórann Ingólf Haraldsson, föður hans Harald Ingólfsson og Finn Ólafsson Oddvita, auk þess sem heyrðist í Óskari Torfasyni, framkvæmdastjóra útgerðarinnar á staðnum.

UMSJÓN: GUÐRÚN GUNNARSDÓTTIR OG GUNNAR HANSSON

Það eru vissulega blikur á lofti í ferðaþjónustunni um þessar mundir en það eru líka tækifæri segir einn viðmælenda okkar í dag og vill horfa til nýrra markhópa og nota ný tækifæri. Fyrirtækið Reykjavík Culture Travel er ferðaþjónstufyrirtæki sem skipuleggur menningartengdar ferðir til Íslands. Óspillt náttúra og náttúrufegurð hefur hingað til verið helsta helsta aðdráttarafl ferðamanna, en við höfum svo mikið meira en náttúruna segir Örvar Már Kristinsson frá Reykjavik Culture Travel en þeirra helstu samstarfsaðilar eru t.d. Íslenska óperan, Sinfoníuhljómsveit Íslands, og hinar ýmsu listastofnanir á landinu. Örvar kom í þáttinn ásamt Margréti Líndal Steinþórsdóttur.

Í dag er 1. apríl. Við rifjuðum upp gamalt aprílgabb úr safni útvarpsins. Við fundum til gabb frá árunum 1966, 67, 70 og 71. Það er óhætt að segja að gabbið hefur breyst í gegnum tíðina. Fréttamenn RÚV og dagskrárgerðarfólk, t.d. í morgunleikfiminni, voru meðal þeirra sem stóðu að baki aprílgabbinu.

Lesandi vikunnar í þetta sinn var Óttar Proppé. Hann er mikill lestrarhestur, vann lengi vel hjá Máli og menningu, var söngvari í rokk- pönksveitum eins og Ham, Rass og Doktor Spock, fór svo í borgarstjórn með Besta flokknum, var alþingismaður og heilbrigðisráðherra fyrir hönd Bjartrar framtíðar og er nú aftur orðinn bóksali. Við fengum að vita hvaða bækur eru á náttborðinu hans, hvað hann hefur verið að lesa undanfarið og svo hvaða bækur og höfundar hafa haft áhrif á hann í gegnum tíðina.

UMSJÓN: GUÐRÚN GUNNARSDÓTTIR OG GUNNAR HANSSON

Föstudagsgestur Mannlega þáttarins í þetta sinn hefur komið víða við á sínum ferli, var lengi skemmtikraftur, bæði í útvarpi og sjónvarpi, var dómari og spurningahöfundur í Gettu betur, ljóðskáld, ritstjóri og guðfræðingur. Hann er í dag prestur í Laugarneskirkju. Nú ættu einhverjir að hafa áttað sig, hann heitir Davíð Þór Jónsson. Við fengum að vita hvar hann er fæddur og uppalinn og stikluðum á stóru til dagsins í dag.

Í Kentucky fylki Bandaríkjanna árið 1939 stofnaði 28 ára gamall mandólínleikari og söngvari hljómsveit, Bill Monroe and his Blue Grass Boys. Þeir spiluðu og sungu lög um lífið í sveitum og fjallabyggðum suðurríkjanna. Bandið og tónlistarstíllinn nutu vinsælda og síðan er tónlistin í daglegu tali nefnd bluegrass. Tónlistin er spiluð á órafmögnuð strengjahljóðfæri og stór hluti undirstöðunnar er bresk þjóðlagatónlist sem barst með fólksflutningum til Ameríku á 17. öld. Síðan eru liðin mörg ár en nú kemur blágresið við í Hörpu og það er ungur maður Bragi Þór Ólafsson sem stendur fyrir tónleikum þar sem íslenskir og enskir hljóðfæraleikarar sameina krafta sína. Við hittum Braga, félaga hans og móður á heimili hans.

Sigurlaug Margrét var með sitt vikulega matarspjall í þáttinn. Hún var áfram á dönskum slóðum eins og í síðustu viku. Hún fór á heimili Karen Blixen í Rungsted og fékk leiðsögn um húsið þar sem hún sá meðal annars veisluborðið úr Gestaboði Babette.

UMSJÓN: GUÐRÚN GUNNARSDÓTTIR OG GUNNAR HANSSON

Það líður vart sá dagur að ekki komi frétt um málefni flóttafólks, bæði innlendar og erlendar. Nú eru átta ár liðin frá upphafi Sýrlandsstríðsins og á þessum átta árum hefur straumur fólks sem hefur leitað skjóls fyrir sig og sína verið í fréttum nánast hvern dag, neyð þessa fólks hefur verið fyrir augum okkar þessi ár. Flest okkar horfa á þetta úr fjarlægð, en Þórunn Ólafsdóttir hefur gert talsvert meira, hún hefur farið í nokkrar ferðir til eyjunnar Lesbos þar sem hún hjálpaði flóttafólki sem kom þangað á bátum við mjög erfiðar aðstæður. Hún hefur líka tjáð sig um málefni Palestínu, meðal annars í samhengi við Eurovision, þar sem hún hvatti til sniðgöngu Íslands á keppninni, þar sem það væri ósk Palestínsku þjóðarinnar. En Þórunn þekkir aðstæður í Palestínu eftir að hafa verið þar árið 2014. Þórunn kom í þáttinn og talaði um Mið-Austurlönd og störf sín með fólki á flótta.

Ný dögun, samtök um sorg og sorgarviðbrögð, býður nú upp á stuðningshóp sem er sérstaklega ætlaður þeim sem hafa misst ástvini beint eða óbeint af völdum fíknar, áfengis- eða vímuefnafíknar, hvort sem það er barn, systkini, maki eða annar nákominn. Úrvinnsla aðstandenda eftir slíkan getur m.a. snúið að langvinnum erfiðum samskiptum við fíkilinn, auk þess að syrgja manneskjuna sem fíknin tók yfir. Þeir Hjalti Jón Sverrisson, prestur í Laugarneskirkju og Hrannar Már Sigrúnarson, sem leiðir stuðningshópinn, komu í þáttinn.

Samtök leigjenda bjóða til stjórnarfundar á laugardaginn og er fundurinn opin öllum þeim sem hafa áhuga á málefnum leigjenda. Margrét Kristín Blöndal, Magga Stína er formaður samtakanna og ræddi við okkur um stöðuna á leigumarkaði og það sem efst verður á baugi á fundinum.

UMSJÓN: GUÐRÚN GUNNARSDÓTTIR OG GUNNAR HANSSON

Page Break

MANNLEGI ÞÁTTURINN MIÐVIKUDAGUR 27.MARS 2019

UMSJÓN: GUÐRÚN GUNNARSDÓTTIR OG GUNNAR HANSSON

Á föstudaginn kemur verður haldin morgunverðarfundur á vegum EAPN en það eru alþjóðleg samtök fólks í fátækt. Umræðuefnið er eldfimt málefni sem nauðsynlegt er að ræða segja samtökin.

Oft er málefnum flóttamanna, hælisleitenda og ýmissa annarra innflytjenda stillt upp gegn málefnum lífeyrisþega og annarra fátækra Íslendinga og þá talað um hópana sem andstæðinga í einhvers konar keppni um aðstoð og úrbætur. En er málið svo einfalt? Við ræðum við Vilborgu Oddsdóttur félagsráðgjafa.

Listasafn Reykjavíkur varðveitir um 4.000 listaverk eftir Erró samt sem áður er það að auglýsa eftir fleiri verkum sem eru í einkaeign. Listasafnið kallar eftir upplýsingum frá almenningi um klippimyndir eða málverk eftir Erró sem sýna Maó, fyrrverandi leiðtoga Kína fyrir sýningu sem stendur til að verði opnuð 1.maí. Við fengum Sigurð Trausta Traustason, deildarstjóra safneignar og rannsókna hjá Listasafni Reykjavíkur til að segja okkur frekar frá þessu.

Bylting stendur nú yfir á lyfjamarkaði með aukinni framleiðslu líftæknilyfja sem hafa gjörbreytt líðan gigtarsjúklinga, fólks með krabbamein, sóríasis og fleiri alvarlega sjúkdóma. Framleiðsla þessara lyfja vex hratt og sömuleiðis þróun nýrra lyfja. Bergljót Baldursdóttir ræðir á Heilsuvaktinni við Kolbein Guðmundsson yfirlækni á Lyfjastofnun um lyfjabyltinguna