Meg minnist

Heystið 1956 var Svend Aage Ellefsen á sild við William Martin. Várið eftir varð farið á Suðurlandið. Á túrinum sleipaðu teir Grundick til Reykjavíkar við motorskaða.

Nú fóru teir á Vesturlandið eina tíð og endaðu á Norðlandinum. Fongurin var um 300 skippund. Svend Aage var við sama skipi, til hann í 1958 fór á preliminerskúla í Rønde í Jútlandi.

Har varð hann liðugur í 1960 og fór aftur til sjós. Hann var eitt nú við sørvágstrolaranum Tindhólmi, tá hann fekk ein kavbát í trolið í Barentshavinum. Í 1962 fór Svend Aage á studentaskeið í Høng á Sælandi.

Miðvágur var besta grindavágin í Føroyum. Har løgdu nógvar og stórar grindir beinini. Brøðurnir Ellefsen sluppu altíð við onkrum báti.

Eina ferð endaði Svend Aage í Húsavík saman við Niklasi í Koltri. Í januar 1956 fór hann til skips við sluppini William Martin.

Teir royndu fyrst undir Føroyum og á Føroya Banka við línu. Móti sumri varð farið til Íslands við snøri og byrjað varð við Steinin.

Svend Aage Ellefsen sigur frá barnaárunum í Miðvági. Har spældu børnini á sandinum og í fjøruni. Farið varð eisini út á Bakka, har pápín hevði fiskahús og fiskastykki.

Í bát sluppu teir einsamallir, men máttu ikki fara út um Presttanga og Klovning. Tað var gamaní at fara inn á Sandavág.

Børnini vóru í hoyggi, torvi og á útróðri eins og tey hjálptu við fiskaarbeiðnum. Martin Joensen-Næs var fyrstilærari í Miðvágs skúla.

Aðrir lærarar vóru Jóhan Hendrik Samuelsen og Jens Vang. Svend Aage fór úr skúlanum í ótíð, 13 ára gamal.

Miðvingurin Svend Aage Ellefsen verður næsti framsøgumaður í Meg minnist.

Hann hevur bæði verið løgtingsmaður og landsstýrismaður. Hann búr í Sandavági, hagar hann er gtiftur.

Svend Aage er uppvaksin saman við sjey systkjum. Pápin var Jóan Elias Ellefsen og mamman Sofía Højgaard úr Rituvík.

Sum børn vóru systkini nógv í Rituvík hjá ommuni og abbanum. Abbin Dánjal Petur var sonur fyrstu niðursetufólkini í Rituvík, Per og Nikolinu Højgaard.

Eftirnavnið Ellefsen er frá einum norskum presti í Jansagerði, sum ein forfaðir Svend Aage varð uppkallaður eftir.

Einar Larsen var limur í sóknarstýrinum á Tvøroyri árini 1963 - 1966. Hann kastaði saman við borgaralistanum, og var formaður í sóknarstýrinum árini 1963 og 1965.

Grundstykkið varð útvegað til nýtt flakavirki, og heilsølan hjá Poul Hansen í Havn fekk loyvi at leiga seg inn á Hvítanesi.

1. januar 1949 tók Einar við sum tollari á Tvøroyri. Heimastýrið setti ein tollara í Klaksvík, tveir í Havn, ein á Tvøroyri og ein í Vági. Teir fóru skjótt til Havnar at heilsa upp á løgmann.

Einar hevur framvegis áhuga fyri at granska í skjølum um Tvøroyri frá upphavi.

Seint í tríatiárunum fekk Tvøroyri vitjan av stóru týsku skúlaskipunum Horst Wessel og Gorsch Foch. Tey lógu á fjørðinum eina lítla viku. Hetta vóru spennandi dagar hjá tvørafólki.

Í áttatiárunum tóku Johannes Enni og Einar Larsen stig til eitt fornminnafelag. Byrjunarkapitalurin var avlopið frá eini framsýning, sum LISA hevði í Suðuroy. Fyrsta takið hjá fornminnafelagnum og bygdasavninum var at flyta og umvæla tey gomlu dokatarahúsini.

Einar Larsen var málmaður hjá TB eftir kríggið. Í 1947 hevði TB onki lið í landskappingini. Í 1948 vunnu teir 2. deild, og í 1949 var TB í hørðum dysti við HB um FM í 1.deild. HB lá til at vinna, men ein umdystur hevði við sær, at TB fekk møguleikan at vinna meistaraskapin. Stór gøla var burturúr.

Einar var í skótaliðnum Fløtt. Liðleiðarin Henning Thomsen skipaði fyri útferðum kring oyggjarnar. Einar var í dansiorkestrinum Stjørnumi, har elsti bróðurin Groth gekk undan. Annar spælari var eitt nú Arne Nolsøe. Í 70unum tók Einar Larsen stig til nýtt hornorkestur á Tvøroyri.

Tvørámaðurin Einar Larsen sigur frá søgum. Ein søga er um eina ferð úr Dali til Sands við eini súgv, tí galturin í Dali var sjúkur.

Í barnaskúlanum gekk Einar hjá fyrsta læraranum Bennedsen, Krígs Hansen, Elgerdu Jacobsen, Jacob Olsen og P.M. Dam. Fastur táttur var at fara oman á keiina eftir skúlatíð.

Einar gekk hálvtannað ár í realskúla, men tá var skúlagongdin á Tvøroyri illa órógvað av týskum bumbuálopum. Tí fór Einar á keiina at arbeiða og gavst í skúlanum.

1. januar í 1946 fekk hann starv sum skrivstovulærlingur á sýsluskrivstovuni hjá Kristiani Djurhuus.

Gestur í Meg minnist verður nú 92 ára gamli Einar Larsen á Tvøroyri, sum er føddur í oktober 1927. Hann var tollari í 46 ár og arbeiddi síðani á eini fyritøku í heimbygdini, til hann var 91.

Einar Larsen er føddur og uppvaksin mitt á Tvøroyri millum skúlan, keiina og klubban. Pápin var tvørámaður og mamman úr Dali. Í dag býr Einar uppi í Kanada, tey rópa, við Ovaraveg á Tvøroyri.

Sum smádreingir og hálvvaksnir ferðaðust hann og brøðurnir Groth og Ebbe ofta hjá skyldfólki í Havn og í Dali.

Frá 1942 vórðu Føroyar betur vardar fyri flogførum. Tað hevði eitt nú samband við, at ein flogbreyt var liðug í Sullomvoe í Hetlandi. Nú vóru flúgvarar á Føroyaleiðini alt samdøgrið, og tráðleyst samband var millum RAF í Føroyum og Hetlandi.

Bæði úr Hetlandi og Føroyum var samband við flúgvarar. Fleiri radarstøðir vórðu bygdar kring landið. Tær vóru á Borðuni, á Eiðiskolli, í Mykinesi, á Trælanípu, í Akrabergi, Søltuvík, við Hoyvíkstjørn og í Vatnsoyrum.