Werkersdag word sedert 1994 in Suid-Afrika gevier. Dit spruit uit die historiese struikelblokke wat werkers en vakbonde ervaar het, soos regverdige indiensnemingstandaarde en menseregte in die werksplek. Werkersdag is ook 'n dag waarop ons die miljoene werkende Suid-Afrikaners vier en vereer, wat die land elke dag help bou en wat die ruggraat van die ekonomie is. Dianke Nel het by arbeidsontleder Chris Jacobs gaan uitvind wat die oorsprong van Werkersdag is.

Die vraag of sport bydra tot nasiebou is hierdie naweek by die Jakes Gerwel-gesprekkereeks by die Suidoosterfees bespreek. Twee van die deelnemers was die oud-Springbokkaptein Theuns Stofberg en die sporthistorikus dr. Andre Odendaal, skrywer van die onlangs verskene Cricket & Conquest. Heindrich Wyngaard het met hulle gepraat, en begin deur vir Odendaal sy standpunt te vra.

Dis vandag Wêreld Gidshonddag. Monitor het 'n spesiale ateljeegas - O'Reilly. Hy is al agt jaar lank 'n gidshond vir sy eienaar, Pieter van Niekerk. Pieter is die hoof van die skakelafdeling by die Suid-Afrikaanse Gidshondvereniging in Johannesburg. Volgens die vereniging is dit belangrik dat die samelewing ingelig word oor die belangrike rol wat gidshonde speel, en vanjaar moet daar klem gelê word op toegang tot openbare plekke vir gidshonde en hulle eienaars.

Kenia ervaar steeds 'n knellende droogte, en is tot 'n rampgebied verklaar. Oor die laaste paar maande het gewapende veewagters in die Laikipia-streek groot getalle vee na grond in privaatbesit gedryf, op soek na voer vir die diere. Daar is egter inwoners van die gebied wat politici daarvan beskuldig dat hulle geweld aanhits in aanloop tot die verkiesing in Augustus. Hulle beloof na bewering aan hulle ondersteuners dat hulle toegang tot grond in privaatbesit sal kry wanneer hulle kiesers verdryf wat hulle teenstaan. Dianke Nel het meer besonderhede.

Kenia ervaar steeds 'n knellende droogte, en is tot 'n rampgebied verklaar. Die Rooikruis in Kenia sê sowat 350,000 kinders, swanger vroue en nuwe ma's is ondervoed. Boopop dryf die droogte veeboere daartoe om kommersiële plase te beset. James Mwangi, die spanleier van die Rooikruis in die land, het aan Dianke Nel gesê sowat driemiljoen mense benodig dringend voedselhulp.

Ons staan op die vooraand van 'n vyf tot tien-jaar lange resessie. Só waarsku die beleggingstrateeg, Magnus Heystek, wat ook die kredietgraderingsagentskap, Moodys, vergelyk met Openbaring se ruiters. Anita Visser het hom gevra of hierdie vergelyking nie melodramaties is nie.

Verskeie voorvalle die afgelope tyd het die rol van Suid-Afrika se media in die kollig geplaas. Eers was daar die Huffington Post se blog wat voorgestel het dat wit mans hulle stemreg behoort te verloor. Die HuffPost moes in opdrag van die Persombudsman om verskoning vra vir die mening, wat as seksisties en rassisties beskryf is. Die SAUK was Vrydag in die nuus toe vyf seniorjoernaliste se rekenaars uit hulle parlementêrekantoor gesteel is. En Sondag het die SUNDAY TIMES se redakteur, Bongani Siqoko, sy kommer uitgespreek oor die joernalis, Mzilikazi wa Afrika, se lewe wat bedreig word ná sy ondersoek na ESKOM-tenders wat aan die maatskappy, IMPULSE INTERNATIONAL, toegestaan is. Gister het BEELD ook die media as fokuspunt in 'n hoofartikel gebruik. Daarvolgens werk selfregulering baie goed, en die HuffPost-geval is 'n sprekende voorbeeld daarvan. Anita Visser en Heindrich Wyngaard praat hieroor met die HuffPost se adjunkredakteur, Pieter du Toit, en die oud-koerantman, Harald Pakendorf.

Die boksgemeenskap het verslae gereageer op die nuus dat die Suid-Afrikaanse boksafrigter, Nick Du Randt, Vrydag is in 'n motorfietsongeluk in die Vrystaat oorlede is. Hy was die president van die Crusaders Motorfietsklub, en het teen 'n motor gebots tussen Bethlehem en Clarens. Hy was 53 jaar oud. Du Randt het 95 Suid-Afrikaanse kampioene in al 17 gewigsklasse opgelewer, 38 wêreldkampioene en 27 internasionale kampioene, insluitend Thulani Sugarboy Malinga en Philip Ndou, wat Floyd Mayweather in 2003 geveg het. Sy vriend en ook 'n boksafrigter, Gert Strydom, het met Vincent Mofokeng gepraat.

Die Johannesburgse Metroraad het na Reinette Venter se klagtes geluister, en om verskoning gevra vir haar ongerief. Die raad se departementshoof in die Speaker se kantoor, Linus Muller, het die volgende beloof…

Reinette Venter sit met die hande in die hare na meer as 'n jaar se gesukkel om haar waterrekening uitgesorteer te kry. Die Venters, wat in Johannesburg woon, se waterrekening het uit die bloute van 'n gemiddeld van R3,500 per maand, skielik gestyg na tussen R8,000 en R15,000 elke maand. In weerwil van herhaalde oproepe na JOHANNESBURG WATER en na die betrokke DA-raadslid, is die saak steeds onopgelos, soos wat Reinette aan Anita Visser vertel het…