Wat, wann d’Helena ni zu Troja gewiescht wier? Wat, wann et eng Wollek, ee Mirage gewiescht wier, deen de Paris entféiert hätt? Dëse Zenario ass keng mythologesch Uchronie, mee entsprécht dem Euripides senger Versioun vum Homer senger “Ilias”. An "Norma Jeane Baker de Troie" geet d'Ann Carson nach ee Schratt méi wäit a vermëscht de mythologesche Personnage mat der Marilyn Monroe fir eng duebel Dekonstruktioun vun der Misogynie an der Mythologie an zu Hollywood.

D'Lori Dauphin, den Tom Haas an de Jeff Schinker ware sech d'Bombyx-Produktioun an de Centaure ukucken.