Ufangs August 2019 leeft den "Antropical" zu Stengefort un. An ...wat? Mee, zanter mëttlerweil siwe Joer fënnt am Summer am Stengeforter Bësch den alternative Kolla-Festival statt. Do gëtt net exklusiv Musek gebueden, mee och eng Rei aner Aktivitéiten, wéi zum Beispill d'Kënschtlerresidenz "Antropical". Déi zwou Dammen hanner der Residenz, d'Kënschtlerinnen Aurélie D'Incau a Clio Van Aerde, hunn nom Ofschloss vun der Kënschtlerselektioun den Antropical-Programm op d'Bee gestallt. D'Kerstin Thalau wollt méi gewuer ginn.