Op en Neits ass jo eng Kandidatin duerch d'Verbreede vun dubiéisen Inhalter opgefall, schreift d'Wort. Wat maachen also d'Parteie fir sécherzestellen, datt d'Kandidaten net de Ruff vun der Partei a Gefor bréngen, freet d'Ines Kurschat am Artikel op de Politik-Säiten am Lëtzebuerger Wort.

D'ADR gesäit sech als eenzeg wierklech Alternativ zu de grousse Parteien, dat gëtt een haut am Quotidien gewuer. Et wier een eng Partei vum Courage, seet de Spëtzekandidat Fred Keup an der franséisch-sproocheger Dageszeitung.

Den DP-Minister Lex Delles kritt am Luxembuerger Wort eng positiv Bewäertung fir seng Aarbecht an de leschte fënnef Joer. "Junior-Minister überzeugt mit Fleiss-Arbeit" heescht et do, an "Newcomer Lex Delles punktet als resoluter Minister".

Déi national Press presentéiert vum Serge Kesseler.