Við Rauða borðið í kvöld ræðum um landbúnað, ekki endilega landbúnað eins og hann hefur verið stundaður fram að þessu heldur miklu fremur hvernig landbúnaður verður á Íslandi í framtíðinni. Kórónafaraldurinn hefur dregið athygli að mikilvægi matvælaframleiðslu, kreppan að mikilvægi þess að búa til störf innanlands, loftslagsmálin að mikilvægi matvælaframleiðslu sem næst mörkuðum og fyrirsjáanleg lokun álvera að möguleikum á að nýta orku til að stóraukinna framleiðslu. Og svo er það svo að gömlu kerfin eru þung og þjóna kannski ekki neytendum, bændum eða nokkrum manni.

Til að ræða landbúnað framtíðarinnar koma að Rauða borðinu

Sveinn Margeirsson sveitarstjóri Skútustaðahrepps og fyrrverandi forstjóri Matís;

Eygló Björk Ólafsdóttir bóndi í Vallanesi og eigandi matvælafyrirtækisins Móðir Jörð; og

Oddný Anna Björnsdóttir framkvæmdastjóri at Samtök smáframleiðenda matvæla - fyrir neytendur.

Við Rauða borðið í kvöld ræðum um hvað beri að gera gagnvart kórónafaraldri og kórónakreppu og hvað er fram undan. Verða átök í samfélaginu þegar atvinnuleysið býtur fleiri og afleiðingar þess magna upp kreppuna og valda greiðsluvanda fjölskyldna og fyrirtækja? Mun fólk flykkja sér á bak við stjórnvöld á hættutímum? Mun ríkisstjórnarsamstarfið þola álagið? Er stjórnarandstaðan valkostur? Hvert er hlutverk verkalýðshreyfingar og hagsmunasamtaka almennings á óvissutímum?

Til að ræða þetta koma að Rauða borðinu:

Sonja Þorbergsdóttir formaður BSRB,

Logi Einarsson formaður Samfylkingarinnar,

Þuríður Harpa Sigurðardóttir formaður Öryrkjabandalagsins og

Jón Þór Ólafsson þingmaður Pírata.

Við Rauða borðið í kvöld koma ungar konur, sem allar eru innflytjendur af fyrstu eða annarri kynslóð. Þær munu ræða um hvernig samfélaginu hefur tekist að aðlaga sig að breyttri samsetningu þjóðarinnar, þegar 15% landsmanna eru innflytjendur, 20% fólk á vinnumarkaði. Við munum ekki ræða um aðlögun innflytjenda að samfélaginu, það er nóg gert af því; heldur um hvort samfélagið og stofnanir þess hafi náð að aðlagast tilvist þessa stóra hóps.

Þær sem koma að Rauða borðinu eru:

Lenya Rún Taha Karim, lögfræðinemi og barn Kúrdískra innflytjenda;

Loubna Anbari félagsliði og barn innflytjenda frá Marokkó;

Agnieszka Sokolowska þýðandi og innflytjandi frá Póllandi;

Jovana Pavlović mannfræðinemi og barn serbneskra innflytjenda; og

Sabah Moukhliss túlkur, nemi á sjúkrabraut og barn innflytjenda frá Marokkó.

Alvöru umræða um alvörumál.

Við ræðum stjórnmálaástandið í Bandaríkjunum við Rauða borðið í kvöld. Hvað gerist ef Trump tapar? En ef hann vinnur? Mun Repúblikanaflokkurinn jafna sig á Trump-tímanum? Er Bandarískt samfélag að klofna? Hvaða rullu mun vinstri armur Demókrataflokksins spila í ríkisstjórn Biden?

Til að ræða þetta og annað sem tengist kosningunum eftir átta daga setjast við Rauða borðið stjórnmálafræðingarnir Indriði Indriðason og Silja Bára Ómarsdóttir, Magnús Helgason sagnfræðingur og Viðar Þorsteinsson, framkvæmdastjóri Eflingar.

Þau hafa öll búið í Bandaríkjunum og þekkja stjórnmálin þar vel.

Rauða borðið fer í heimsreisu í kvöld og kannar stöðuna á kórónafaraldrinum, kórónakreppunni og þeim áhrifum sem þetta hefur á samfélögin, stjórnmálin og sálarlífið víða um heim.

Við ræðum við Pál Þórðarson, efnafræðing og prófessor í Sydney í Ástralíu, Einar Már Jónsson, prófessor í sögu við Sorbonne í París í Frakklandi, Guðmundur Auðunsson, hagfræðing í London á Englandi, Einar Gunnar Einarsson leikara í New York í Bandaríkjunum og Valdimar Þór Hrafnkelsson, sem býr í Lima í Perú en er nú innlyksa vegna covid í höfuðborg Paraguay, Asunción.

Á sumum þessara staða var ástandið vont en hefur skánað, en á öðrum er það verra en nokkru sinni, heyrum af því í kvöld.

Er vit í tillögu Viðreisnar um tengingu krónunnar við evruna? Á ríkið að prenta peninga fyrir sveitarfélögin? Á ríkið að búa til störf eða má það aðeins styrkja einkafyrirtæki til þess? Ef konur, ungt fólk og innflytjendur verða fyrir þyngsta högginu í upphafi kreppu; hvað ber að gera í því?

Við Rauða borðið í kvöld ræðum við hvernig samfélagið okkar er undirbúið undir fólksflutninga á tímum alþjóðavæðingar. Hvað breytist við að 15% landsmanna eru innflytjendur og 20% fólks á vinnumarkaði. Krafan er um að það fólk eigi að aðlagast samfélaginu en þarf samfélagið ekkert að gera til að aðlagast þessari stöðu?

Til að ræða þetta setjast við rauða borðið Guðrún Margrét Guðmundsdóttir mannfræðingur og starfsmaður Alþýðusambandsins, Margrét Valdimarsdóttir félagsfræðingur. Ólafur Páll Jónsson heimspekingur og Borgar Magnason tónlistarmaður og einn þeirra nágranna Bræðraborgarstígsbrunans sem beitti sér í umræðunni þegar sá harmleikur varð.

Við Rauða borðið í kvöld setjast Ólína Kjerúlf Þorvarðardóttir, sem hefur sent frá sér bók um klíkusamfélagið og hvernig það útilokar fólk vegna skoðana; Unnur Regína Gunnarsdóttir, ung kona sem er ný orðin öryrki, sættir sig ekki við stöðu þeirra og hefur látið í sér heyra; Halldór Auðar Svansson, stjórnarmaður í Geðhjálp sem stendur nú fyrir vitundarvakningu um sjálfsmorð en margt bendir til þess að þeim fari fjölgandi; og Laufey Líndal Ólafsdóttir, stjórnarmanneskja í EAPN á Íslandi og meðlimur í Pepp Ísland grasrót fólks í fátækt. sem stóðu fyrir Alþjóðegum baráttudegi gegn fátækt á laugardaginn var. Það verður baráttufólk við Rauða borðið, fólk sem berst fyrir réttlæti og viðurkenningu, gegn þöggun og óréttlæti.

Við Rauða borðið í kvöld setjast Ólína Kjerúlf Þorvarðardóttir, sem hefur sent frá sér bók um klíkusamfélagið og hvernig það útilokar fólk vegna skoðana; Unnur Regína Gunnarsdóttir, ung kona sem er ný orðin öryrki, sættir sig ekki við stöðu þeirra og hefur látið í sér heyra; Halldór Auðar Svansson, stjórnarmaður í Geðhjálp sem stendur nú fyrir vitundarvakningu um sjálfsmorð en margt bendir til þess að þeim fari fjölgandi; og Laufey Líndal Ólafsdóttir, stjórnarmanneskja í EAPN á Íslandi og meðlimur í Pepp Ísland grasrót fólks í fátækt. sem stóðu fyrir Alþjóðegum baráttudegi gegn fátækt á laugardaginn var. Það verður baráttufólk við Rauða borðið, fólk sem berst fyrir réttlæti og viðurkenningu, gegn þöggun og óréttlæti.

Við Rauða borðið er rætt um hvernig stóru kerfin okkar hafa þróast, mennta- og heilbrigðiskerfin. Hvað ræður uppbyggingu kerfanna og hvert er vald stóru fagstéttanna yfir eigin störfum og vinnustað? Um þetta ræða Guðbjörg Sveinsdóttir geðhjúkrunarfræðingur, Svandís Egilsdóttir skólastjóri og Benedikt Sigurðarson, fyrrverandi skólastjóri.