Déi lescht 4 Joer huet d’Amicale Steesel den Damme-Championnat dominéiert. 6 Titelen konnt d’Equipe vum Trainer René Keiser an där Zäit feieren. Mee d’Konkurrenz ass am Gaang, opzehuelen.
Dat gëllt besonnesch fir den T 71. Virun 3 Joer huet den Thierry Kremer den Trainerposten zu Diddeleng iwwerholl. Mam Ziel, jonk Talenter weider ze entwéckelen, an esou eng Equipe fir d’Zukunft opzebauen.
Als Finalist an der leschter Saison hu si gewisen, datt si um richtege Wee sinn. Den Depart vu Michele Orban, Pascale Hut a Mandy Geniets hunn déi jonk Spillerinnen erstaunlech gutt opgefaangen.
Mat enger Altersmoyenne vun 20 Joer ass den Drock am Moment zu Diddeleng nach net ze héich. Wat den Trainer Thierry Kremer bedauert, ass dat den Dammebasket trotz gudde Leeschtungen net richteg gewierdegt gëtt:
Cut 1 Kremer
 Magic Number
E Sonndeg spillt d’Etzella géint Ettelbréck. Ech hu mech lo net verschwat. Mee et ass eng gelunge Situatioun e bëssen iwwerspëtzt ausgedréckt.

Den Ettelbrécker Géigner e Sonndeg um ¼ op 5 ass d’Arantia aus der Fiels. An do si mat de Bridder Wilson, mam Pit Elcheroth, Sam Ferreira, Charel Goetzinger  an Dylan Rocha 6 Spiller, déi hier éischt Schrëtt am Basket zu Ettelbréck gemaach hunn. Et ass e Match vu Kollegen géint Kollegen, seet de Frédéric Gutenkauf. An dat gëtt net einfach fir d’Etzella:
Cut 2 Gutenkauf
Let’s talk about
De Spëtzematch ass muer um hallwer 7 am Tramsschapp um Lampertsbierg. Do kritt den ongeschloenen Tabelleleader Racing Besuch vun der Amicale Steesel.
De Yann Wolf vun der Amicale schwätzt vun engem schwéieren Deplacement fir de Champion.
Cut 3 Yann
SPROCH vun der WOCH
Wann d’Meedercher gewannen, dat ass ongeféier dat selwecht Gefill wéi wann si sech nei Schong kaaft hätten.
Wann si verléieren, dann ass dat, wéi wann si sech nei Schong kaaft hätten, déi awer net passen.

Am Basket ass no 4 Spilldeeg nëmme nach eng Equippe ongeschloen. An dat ass de Stader Racing. Et ass och nëmme nach eng Equipe ouni Victoire um Tabellewupp. An do steet d’Résidence vu Walfer. All dat ass dach e bësse komesch, mengt de Guy Seyler am Rebound vun haut:

Am Basket ass no 4 Spilldeeg nëmme nach eng Equippe ongeschloen. An dat ass de Stader Racing. Et ass och nëmme nach eng Equipe ouni Victoire um Tabellewupp. An do steet d’Résidence vu Walfer. All dat ass dach e bësse komesch, mengt de Guy Seyler am Rebound vun haut:

Am Basket steet d’Welt e bëssen op der Kopp. Déi grouss Favoritten hunn alleguer schonn e Match verluer. De Basket Esch ass esou guer schonn zweemol ënnert d’Rieder komm.
Souverän war bis elo eenzeg an eleng de Stader Racing. Si hunn doheem den Escher keng Chance gelooss. An de leschte Weekend konnt den T71 hiren Elan och net bremsen.
Trotz dësem Laf bleift de Christophe Laures mat béide Féiss um Buedem.
CUT 1 Laures
Wéi Recht hien huet, krut de Racing dës Woch an der Coupe ze spieren.
Fir déi Stader koum beim BC Mess aus der Nationale 2 den Out.
Am Championnat steet muer e ganz interessante Klassiker um Programm. Steesel géint Diddeleng ass a bleift e Spëtzematch.
Allebéid hunn se de leschte Weekend verluer, allebéid waren se offensiv schwaach. Duerfir wëllen se et muer och allebéid besser maachen.
Den Tom Schumacher vun Diddeleng :
CUT 2 Tom
Och fir de Steeseler Capitaine Pitt Koster soll et muer en anere Match ginn.
CUT 3 Pitt
Magic Number
Um 4. Spilldag si gläich 4 nei Profi’en ugetrueden.
Walfer steet ganz ënnen um Wupp vun der Tabell. Dat krut den Trevor Setty ze spieren. Hie gouf duerch de Maurius Hill ersat. Wat resultatsméisseg awer nach keng Verbesserung bruecht huet.
Och d’Sparta huet reagéiert. Fir den Jeremiah Gray huet de leschte Weekend den Adrian Rodgers gespillt. Mee zu Bartreng sinn se virsiichteg. De Gray ass nach do, fir de Fall wou. Well dee war am Fong net esou schlecht, mengt den Dean Gindt:
CUT Dean
 Tabula rasa hunn se an der Fiels gemaach. 2 Stéck sinn heem. Dien een aus private Grënn, deen aneren wéinst enger Blessure. Zwee Neier si komm. Dat mécht hier Situatioun am Moment net méi einfach.
Let’s talk about
D’FLBB stécht finanziell a gudden Dicher. Bei engem Budget vun 1,3 Milliounen blouf um Enn e Boni. An dovu profitéieren an éischter Linn d’Elteren vun de Spiller aus de Jugendkaderen. Si mussen an Zukunft net méi bis zu 30.000.- Euro bei den Déplacement bäileeën.
Ma och deene leschte 4 Clibb vun der Coupe huet de Vize-President Romain Hoffmann eppes versprach:
CUT 4
SPROCH vun der WOCH
De Ball muss an de Kuerf. Dat geléngt net ëmmer.
Een Trainer huet hire Problem esou beschriwwen:
Ech mengen, wa  mir aus engem Boot géife falen, mir géifen emol d’Waasser net geroden!

Am nationalen Härebasket si no 3 Spilldeeg nach 3 Equippen ongeschloen: Steesel, Diddeleng an iwwerraschend och de Racing.
Am Rebound kuckt de Jeff Kettenmeyer awer och op d'Damme-Championnat, méi speziell op den Opsteiger Wolz.

Am nationalen Härebasket si no 3 Spilldeeg nach 3 Equippen ongeschloen: Steesel, Diddeleng an iwwerraschend och de Racing.
Am Rebound kuckt de Jeff Kettenmeyer awer och op d'Damme-Championnat, méi speziell op den Opsteiger Wolz.

Datt Steesel an Diddeleng no 3 Spilldeeg ganz uewen an der Tabell stinn ass net onbendengt iwwerraschend.
Datt awer och de Racing dobäi ass, ass schonns méi speziell.
D'Equipe aus der Stad hat schonns déi lescht Saison en exzellenten Start, duerno ass et awer konstant biergof gaangen.
De Sam Ney a seng Co-Equipieren wellen et dest Joer besser maachen an wëssen wat de Schlessel zum Erfolleg ass.

CUT

E Samschdeg geet d'Rees fir de Racing elo op Diddeleng.
Den T71 huet no der Victoire zu Ettelbréck zolidd Confiance getankt an och de Frank Muller ass nees um Wee deen Aalen ze ginn.

CUT

No ville Joren an enger Equipe kennt et des Kéier och zum Duell géint de Christophe Laures dee jo um Racing méi Spillzäit kritt.

CUT

Anescht wéi beim Racing oder dem T71 rullt et op der Musel nach guer net.
D'Pikes hunn déi éischt 3 Matcher verluer an mussen e Sonndeg zu Walfer bei engem direkten Konkurrent am Tabellekeller wannen, de Jean Kox.

CUT

Let's Talk About Jingle

Bei den Dammen sinn och 3 Spilldeeg eriwwer an och hei ginn et mat Steesel, Diddeleng an Esch 3 Equipen mam Maximum vu 6 Punkten.
Ennenof ass den Opsteiger Wolz nach ouni Victoire, ma d'Equipe aus dem Norden vum Land huet sech dacks ganz laang gutt aus der Affaire gezunn.
D'Enttäuschung no der Néierlag géint de Gréngewald de leschte Weekend war ganz grouss, d'Amra Hasanovic.

CUT

Sproch vun der Woch Jingle

Bei de Musel Pikes leeft et nach net, wisou dat esou ass wollt och de Philippe Calmes vum Jean Kox wëssen, oder ëmgedréit.

CUT

„No Ref, No Game“. Ouni Arbitter kee Match. De Sport brauch Arbitteren.
Leider feelen der iwwerall. De Mann mat der Päif huet vill ze dacks e schlechten Image, a gëtt ëmmer als Éischte kritiséiert. Dat dréit natierlech net derzou bäi, datt Jonker sech fir dës Aufgab interesséieren.
Bei der FLBB, der Lëtzebuerger Basket-Federatioun, ginn se elo en neie Wee, fir der Pénurie vun Arbitteren entgéint ze wierken.
Dat ass d’Thema elo am Rebound vum Jeff Kettenmeyer a Guy Seyler.

„No Ref, No Game“. Ouni Arbitter kee Match. De Sport brauch Arbitteren.
Leider feelen der iwwerall. De Mann mat der Päif huet vill ze dacks e schlechten Image, a gëtt ëmmer als Éischte kritiséiert. Dat dréit natierlech net derzou bäi, datt Jonker sech fir dës Aufgab interesséieren.
Bei der FLBB, der Lëtzebuerger Basket-Federatioun, ginn se elo en neie Wee, fir der Pénurie vun Arbitteren entgéint ze wierken.
Dat ass d’Thema elo am Rebound vum Jeff Kettenmeyer a Guy Seyler.

D’Zuel vun de Basket- Arbitteren ass an de leschte Joeren konstant erof gaangen. Waren et fir déi vergaange Saison nach 133 Onparteiescher, esou huelen elo nach just 105 Arbiteren d’Päif an de Mond. E Championnat mat bis zu 3.000 Matcher ze garantéieren ass do net méiglech.

Bei 30 Matcher vu Jugend- a B-Equipen huet dëse Weekend en Arbiter gefeelt. Datt dës Zuel sech du reduzéiert huet, well verschidde Clibb Forfait erkläert hunn, kann net d’Léisung sinn.

Wéi kann een da Leit motivéieren, Arbitter ze ginn? 50 Euro pro Match, oder 20 Euro bei de Jugendequipen dreiwe ganz sécher keen op den Terrain.

Héich Strofe fir d’Clibb hu bis elo och näischt bruecht.  D’Federatioun kritt zwar dës Saison domat 55.000.- Euro an d’Keess. Dat mécht d’Situatioun fir de Patrick Glod, de President vun der Arbitter-Kommissioun, awer net méi einfach.

CUT 1
 
E grousse Virdeel vun dësem Projet ass, datt dee Jonken net fir d’éischt eng laang theoretesch Formatioun muss maachen, mee direkt mat der Praxis confrontéiert gëtt.

CUT 2

Parallel zu dem Projet 10 huet d’Sparta och eng intern Initiative gestart.
3.750.- Euro Strof  mussen déi Bartrenger un d’Federatioun berappen, well hinne 4 Arbittere feelen. Ma net eleng d’Geld huet de President Frank Arendt zu dësem Projet beweegt:

CUT 3

Strofe vun 1350 oder 1050 Euro, déi 2 Clibb aus der Total-League wéinst fautes techniquen bezuele mussen, beweisen, datt a punkto Respekt nach vill ze maache bleift.

SPROCH VUN DER WOCH

Mir hunn net Arbitteren genuch. Ech verstinn dat net.
D’Tribüne sëtze voll mat Leit, déi et besser kënnen.