D'Form gëtt an eiser Kultur vernoléissegt, fënnt den éisträichesche Philosoph Robert Pfaller. Zum Beispill wann Héiflechkeet als Zoumuddung ëmfonnt gëtt, Konschtwierker net méi sinn, wéi d'Illustratioun vum Ausstellungskatalog, a wa Schéinheetsoperatiounen doranner bestinn ze eliminéieren, wat Anerer kéint stéieren. Dës "Formvergessenheit" ass allerdéngs den Ausdrock vun engem méi déiwe Malaise, deen de Pfaller a sengem Buch ''Die blitzenden Waffen. Über die Macht der Form'' (S. Fischer Verlag) diagnostizéiert. De Michel Delage huet d'Buch gelies.