RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Carte blanche économique mat PWC 18h15, 21/03/2018
    Carte Blanche Economique – PwC – 2017/2018 –

    ...min op 6, un de Camille Ney a säi Gespréichspartner gi mir lo d'Fro weider, wat fir en Wuesstem eist Land brauch...


    RTL: Enner waat fir engen Aspekter muss een d’Wuesstumsfro zu Lëtzebuerg kucken?

    François Mousel: Ech mengen, et ginn 3 kruzial Froen:
    Eischtens (well mir e klengt Land sinn), wéi geet et mam Wuesstum an Europa an an der Welt laangfristeg weider – ass iwwerhaapt kontinuéierlechen Wuesstum méiglech an enner waat fir engen Bedingungen?
    Zweetens, waat kann den Lëtzebuerger Staat maachen, fir Wuesstum duerch Innovatioun aktiv ze förderen;
    Drëttens, waat fir Contrainten zwéngt den Wuesstum eis ob um Plang vun den Infrastrukturen, dem Transport an den Wunnengen, mee och – méi wichteg – der Begrenztheet vun eisen Ressourcen? Stechwuert “Nohaltegkeet” ... An dorunner hängt direkt d’Fro, op an wéi privat Betriiber en nohaltegen Wuesstum hëllefen kënnen ëmzesetzen, well den Staat aleng kann daat onméiglech maachen.
    Dei diesjähreg Journées de l’Economie, organiséiert den 22. März vun dem Wirtschaftsministère, der Chambre de commerce an der Fedil, wärten all déi Aspekter oofdecken, mat enner aanerem 2 renomméierten auslänneschen Gäscht.

    RTL: Virwaat graad dëst Joer daat Thema?

    François Mousel: Mir haaten 2 fundamental Iwwerleeungen:
    Eischtens, et ass en immens wichtegen Thema an et stellt een fest, dass vill Leit, besonnesch déi Jonk, iwwert eisen Wuesstumsmodell besuergt sinn.
    Zweetens, et ass en Wahljoer an mir gesinn e Risiko zu Lëtzebuerg, dass d’Wuesstumsdebatte mat Momenter populistesch ugaangen gëtt.
    Mir wëllen also duerch d’Journée de l’Economie eisen Bäitrag zu enger Debatte leeschten, déi esou objektiv ass ewéi méiglech. An engem Panel an an enger interaktiver Sessioun mat der Fondation IDEA vun der Chambre de Commerce ginn mer och d’Fro vum 1,2 Milliounen Awunner Staat un, baséiert op Fakten. Ech mengen et gëtt eng super Editioun an encouragéieren all d’Léit den Donneschden laanscht ze kommen.

    2 min
  • Commentaire: De Premier weist de Wee...., 20/03/2018 07:50
    Vill schéi Fotoen mat ville wichtegen Leit gesi mer haut op rtl.lu iwwert d'Staatsvisite a Frankräich, wou gëschter den ekonomesche Volet dominéiert huet. Vun haut un kënnt e neit Gesiicht bei der offizieller Delegatioun dobäi - en anert verschwënnt - net där mannster. Dobäi ass d'Ambiance am Cortège vum Haff éischter bei der Visite a Frankräich gedréckt...eise Chefredakter Roy Grotz kuckt hannert d'Kulissen...
    0 min
  • Carte Blanche: Entkoloniséierung vun de Geeschter a Fraen, 19/03/2018
    Am September 2015 hunn d'Memberstaaten vun der UN d'Agenda 2030 an déi 17 objectifs de développement durable beschloss. Et ass déi 1. global indivisibel an transformativ Agenda fir nohalteg Entwécklung. Am Kader vun der Mise en Oeuvre vun där Agenda haten e puer ONGen d'lescht Woch d'Marta Benavides agelueden. Si ass eng Friddens- a Mënscherechtsaktivistin aus dem El Salvador. Si huet d'Lëtzebuerger Politiker an zivil Gesellschaft drun erënnert dass fir eng richteg nohalteg Entwécklung en muss un déi 7. Generatioun denken. Net déi 2., net déi 3., mee déi 7. ! Sou hunn et nämlech déi 1. Natiounen a Latäinamerika ëmmer gemaach fir eng nohalteg Welt zeerhalen. 7 Generatiounen dat sinn d'Urenkele vun eisen Urenkelen, dat ass wierklech laangfristegt Denken. Wat musse mer maache fir dass d'Urenkele vun eisen Urenkelen nach propper Loft fir z'ootmen, Waasser fir ze drénken, gesond Iessen an eng gewësse Biodiversitéit.

    An der Diskussioun mat der Minister Dieschbourg sot d'Marta Benavides dass mir Fraen ze vill fein a léif wieren, dass mer eis méi imposéiere missten, ëmmerhi maache mir iwwert d'Hallschent vun der Weltbevëlkerung aus. Mir denken ëmmer dass d'Konditioun vun der Fra scho vill verbessert ass zemools an eise Latitüden, mee den internationale Fraendag weist eis erëm op d'Ongerechtegkeet an d'Diskriminatiounen hin mat deenen déi meescht Frae konfrontéiert sinn. Gëtt et duer dat e Mol d'Joer ze maachen ? Nee, och wann et ëmmer eng gutt Geleeënheet ass op Mëssstänn hinzeweisen. An Spuenien sinn den 8. Mäerz Millioune Frae fir d'Huelga op d'Strooss gaangen.

    Wei kenne mer déi ëmmer steigend Ongerechtegkeete léisen ? Fir dat ze maache musse mer alleguer, net nëmmen d'Fraen, eis Geeschter dekoloniséieren. Mir musse brieche mat de machisteschen, patriarkalen, eurozentreschen Denkweisen. Wa mer eng méi gerecht a nohalteg Welt wëllen opbauen, muss mer mat den ale Paradigmen briechen. Et geet em en radikaalt Ëmdenken, net hei kleng Saachen änneren an do e puer Klengegkeete verbesseren, mee e radikaalt Ännere vun eise Perspektiven, eise Verhalensmusteren… an dat net an de nächste Joeren, mee ELO !


    3 min
  • D‘Gesetzer sin do fir jidfereen, 16/03/2018
    D’ADR-Partei huet sech an engem Geschäftslokal an der Alstad etabléiert. Nom Bebauungsplang vun der Stad Lëtzebuerg därf awer do wou e Geschäft war, nëmmen e Geschäft dra bleiwen.
    D’Stater Buergermeeschtesch, déi fir d‘Anhale vum Bebauungsplang zoustänneg ass, wëllt elo mam Proprietaire vum Lokal schwätzen.
    Ee Member vun der ADR-Partei regt sech doriwwer op, dass seng Freiheet durch dës Bestëmmung vum Bebauungsplang beschnidden géif.
    Dat kënnt nët vun irgendengem, mais vun engem Volleksvertrieder, dee Gemengerot an Deputéiert zugleich ass.
    Deeselwechte Politiker huet dann nach dem staunende Vollek an de Medien erklärt, wéi een esou eng Dispositioun vum Bebauungsplang ganz liicht a labber ëmgoen kënnt.
    Et kann een natirlech nët erwaarden, dass e Conseiller vun der Haaptstad, allerdéngs eréischt 2017 frësch gewielt, d’Stad an hire Bebauungsplang an all hiren Détailler kennt .
    Et kann een awer vun engem Volleksvertrieder erwaarden, dass en, wéi all normale Bierger vun der Stad, de Bebauungsplang respektéiert. Dee Plang huet Gesetzeskraaft.
    An d’Gesetzer sin nun eben do fir all Mënsch, a besonnesch fir Politiker, déi jo eng Virbildfonctioun sollen hun.  An dësem präzise Fall emsou méi wéi ët sech ëm eng Partei handelt, déi ëmmer erëm mam Fanger an der Luucht Lektiounen erdeelt an neierdengs dem ganze Land de Wee weise wëllt.
    Déi zweet Fro an dëser Affaire huet mat dem Gefill fir ons Stad ze din.
    De Bebauungsplang ass en Instrument fir d’Gestaltung vun der Stad.
    Wéi de Stater Gemengerot den neie Bebauungsplang 2017 ugeholl huet, war e sech bewosst, wat a ville mëttelgrousse Stied an Europa an och an der Stad Lëtzeburg schief leeft: eidel Geschäftslokaler an eidel Wunnengen am Stadkär, ze manner Wunnengen zu abordabele Preisser, Preisdreiwerei, Zerstéierung vu Bausubstanz.
    D‘Stad probéiert, dogéint ze réagéieren. Eng Mesure ass, ze verhënneren, dass Geschäftslokaler besonnesch am Stadkär durch Aktivitéiten ersat gin, déi neischt mat Commerce ze din hun. A Parteiaktivitéit ass wuel definitiv kee Geschäft!
    Ech weess, dass de Bebauungsplang vun der Haptstad nach laang nët vu jidferengem respektéiert gët, meeschtens aus Ursaachen, déi haaptsächlech mat Geld ze din  hun.
    Do wou Wunnengen solle sin, sin oft nëmme Bureauxen dran, wat bekanntlech géint d’Gesetz ass, dat seet, dass Immobilien fir dat benotzt musse gin, fir wat se autoriséiert gouwen. A wann e Wunnhaus nët fir Wunnen gebraucht gët, da muss d’Gemeng dofir eng Autorisatioun gin. Sie gët awer meeschtens nët vrum Propriétaire gefrot, also verschwannen andauernd Wunnengen an der Stad. Och dat ass géint de Bebauungsplang.
    Wann also elo d’Gemeng dës Kéier réagéiert, kann een dat als Stater Awunner nëmme begréissen. Si misst vill méi oft reagéieren.
    Am Interessi vun der Stad an hiren Awunner wär d’ADR-Partei gutt beroden, dat och ze ënnerstëtzen.
    Soss weist se de Wee an eng Stad, wou jidfereen domat maache kann, wéi ët sengem Portmonni am beschte gefällt!
    An dat wär dann definitiv de Doud vun enger liewenswerter an Awunnergerechter Stad.
    4 min
  • Commentaire, Claude Zeimetz, 15/03/2018 07:50
    Chamberleaks, keng Bagatelle.
    „Dat ass keng Bagatelle!“ widderhëlt de Mars di Bartolomeo zanter e puer Deeg mantraméisseg, wann hien zu de sougenannte Chamberleaks Froe gestallt kritt.
    Dass dat keng Bagatelle ass, wat do geschitt ass, fënnt de Moien och d'Claude Zeimetz a sengem Commentaire, woubäi seng Vue op de Problem e bëssen eng aner ass wéi déi vum Parlamentspresident:
    0 min
  • Apropos - Roserei, 14/03/2018 12:50
    De Mënsch huet verschidde Gesiichter. Eent dovunner ass d'Roserei. Ma firwat dës Emotioun kee ganz gudden Image huet obwuel se Angscht reduzéiert an Energie fräisetzt, där Fro ass d'Michèle Schons mol nogaangen...
    0 min
  • Carte Blanche vum Paul Hammelmann, 14/03/2018

    d’Liicht um Enn vum Tunnel kann och en Zuch sinn



    Ech war wéini zu Paräis mam Big Boss vun enger Assurancegesellschaft iessen. Ganz patriotesch, chauvinistesch.

    (Ech) hat dat italienescht Spruddelwaasser bestallt; wou hien de roude Stär op der Fläsch gesinn huet, sot en: „je ne bois pas de cette eau communiste!“
    – „Ah oui, je comprends“ sot ech, „vous préférez toujours l’eau de Vichy“.

    Ech hat nach nie esou wéineg z’iessen kritt !



    Sou onsympathesch se och dohir kommen an eisem Kulturkrees, déi schwaarz gewéckelt Mumien, musse mir dowéinst e Gesetz iwwert e Burkaverbuet huelen?

    De Nikab huet ëmmerhin 6000 Joer Kultur hannert sech … d’Baseballkap mindestens 6 Méint Prisong!


     

    Do huet also een deen op enger amerikanescher „University“ ageschriwwen war, wat – dat sief niewebäi bemierkt – tout juste enger lëtzebuerger Mëttelschoul entsprécht, erausfonnt datt een och kënnt, amplaz de Buedem ze botzen, e gielt Schëld opstellen, mat der Inschrift „Caution wet floor“ sou datt een elo net méi um naasse Buedem ausrutscht mee iwwert elauter giel  Schëlter trëllt.



    Elo huet de respektabelen Bréisseler Restaurant „Aux armes de Bruxelles“ säin Setz op Rëmeleng verluet, sécher well do méi Touristen ënnerwee sinn, wéi op der Gran‘ Place.

    Jo ech weess, dat stung de läschte Freiden am Feierkrop; t’ass awer keen Plagiat mengersäits well ech hat et selwer erageschéckt.

    Wat net do stung, an wat awer eng grouss belge Dageszeitung geschriwwen huet, ass datt ewell d’Paien vun den Serveuren nach just ganz sporadesch bezuelt ginn an datt anscheinend och Schwaarzaarbecht praktizéiert gëtt.


    Mir wollten déi läscht Woch um Findel eisen Vol op Frankfurt ëmbuchen.
    Eng ganz gentil Madame huet do bei Lufthansa ugeruff. „They will change“ – „si wëlle wiesselen“!

    Ech hunn doropshinn natierlech net gewiesselt, sinn dann herno op mäin 1. gebuchten Fluch opgeruff ginn: „Die Passagiere für Frankfurt“ – „Les passagers pour Frankfürt“.

    Mer mussen eise Schüler also weider fläisseg i-pads kafen, fir datt se besser Friemsproochen léieren!



    Lo hunn jo wéini 2 Organisateuren vun Concerts zu Lëtzebuerg, ee privaten an een an öffentlecher Hand, sech coram publico an d’Hoer kritt.

    Et ass em Programmatioun gaang; kee Wuert allerdengs iwwert déi execrabel Akkustik!
    Zu Juan-les-Pins am Sand héiert een och emol Instrumenter eraus.

    Mee loosse mer eis net op des 2 Organisateuren fokusséieren, well wat d’Akkustik ubelaangt, ass den nationale Sport- an Kulturzentrum – contradictio in terminis – um Kirchbierg jo einsame Spitze.



    (An ganz zum Schluss fir déi Léit déi elo commentéieren, en klengen Sproch um Henrik Ibsen:
    „Das ist der Fluch der kleinen Verhältnisse, dass sie die Seele klein machen.“)


    3 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners