RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Carte Blanche: PAN, 05/03/2018
    Am Gesetz vun 2008 gouf niewent dem Empfang an der Begleedung am Integratiounsprozess vun alle Mënschen, déi an eist Land kommen, ënner anerem och folgend Aufgabe geschaafen:
    - d’Ausschaffe vun engem nazionalen Aktiouns- an Integratiounsplang PAN genannt
    - d’Opstellen all 5 Joer vun engem Nationale Rapport an deem Zesummenhang
    - d’Ubidde vun engem Integratiounskontrakt CAI genannt fir all Auslänner, deen hei wunnt a wëlles huet, heizebleiwen.

    Den 1. Integratiounsplang ass 2010 a Kraaft getratt an ass bis 2014 gelaf. 2014 goufen och e puer Avis’e ageholl fir en neie Plang, mee duerno vergiess. Elo, nodeems d’Land 4 Joer laang ouni Nationalen Integratiounsplang lieft, well Regierung, déi nach just 6 Méint um Rudder ass, nach schnell esou e Plang iwwer de Knéi briechen, obwuel mer am Oktober Wahlen hunn.

    Laut Gesetz soll och all 5 Joer en Rapport iwwert Politik vum Empfang an der Integratioun vun den Net Lëtzebuerger virgeluecht ginn. Esou e Rapport ass awer ni entstanen oder en ass zumindest net der Ëffentlechkeet virgestallt ginn. Dëst Joer misst deen zweete Rapport erauskomme säit Gesetz gestemmt gouf. Esou eng Evaluatioun wier jo awer wichteg fir Schwéierpunkter am neien Integratiounsplang ze setzen!

    D’auslännesch Awunner kennen en Integratiounskontrakt vun 2 Joer bei eis fräiwëlleg ënnerschreiwen. Si kréien dann en bëllegen Zougang zu 60 bis 120 Stonne Sproochecoursen, Zivicscouren an Informatiounen iwwert eist Land. Dëse Kontrakt gëtt vum Office luxembourgeois de l’Accueil et de l’Intégration OLAI organiséiert, mee ass kaum vum Public bekannt  – op Lëtzebuerger oder Auslänner. All Joer ënnerschreiwen eng Ronn 1400 Auslänner esou en Integratiounskontrakt. Eng kleng Zuel am Verglach zu den 20 000 neien Auslänner Awunner, di sech all Joers zu Lëtzebuerg nidderloossen. Do besteet nach vill Loft no uewen, zemools wann ee weess, dass dësen Integratiounskontrakt sech net nëmmen un di Leit went, di nei an d’Land kommen, mee och un déi Auslänner, déi scho mi laang hei wunnen. Elo soll en Neien Integratiounsplang opgestallt ginn, ouni vun esou engem wichtegen Instrument Konklusiounen ze zeien !

    Säit Schafe vum Integratiounsgesetz 2008 goufen et vill Ännerungen an der Zesummesetzung vun eiser Bevëlkerung. Den nationalen Integratiounsplang soll politesch Richtlinne vun eisem Zesummeliewe festleeën. Do ass et wichteg dat am Virfeld Regierung net nëmme Gemengen an Zivilgesellschaft em Meenung freet, mee och Gewerkschaften a Patronat.
    Well wichteg wär et kloer ze stelle wou Verantwortunge vun allen Partner sinn, och vun de Firmaen di d’Auslänner op Lëtzebuerg ulackelen ?
    Ewéi kenne mer bei de ville Frontalieren en Zougehéieregkeets Gefill fir Lëtzebuerg fërderen?
    Wellech Roll hunn Lëtzebuerger an all deenen Integratiouns Instrumenter?

    Dese Plang betrefft jo net nëmmen di 50% Auslänner aus eiser Bevëlkerung, mee eis all - op mer wellen oder net!

    3 min
  • Carte Blanche, Robert Weber, 02/03/2018
    Ech war a menger  laangjäreger aktiver Gewerkschaftszäit vill mat dem Index an domat och mat der Inflatioun beschäftegt. Kee Joer ass vergaangen an dem mer net an der Tripartite zesummen sutzen a wou mer eis iwwert di richteg Marschroute gestridden hunn.
    Ech hunn Zäiten vun offener Inflatioun materlieft an och Zäiten vun galoppéierender Inflatioun.
    Mir haten Joren, do gouf et 4 Indextranchen, awer d’Reegel war ëmmer 1 Indextranche pro Joer. Mir hunn och déi eng an déi aner Kéier an de System agegraff fir Problemer an der realer Wirtschaft entgéint ze steieren. Dëst ass awer ëmmer no Tripartite-Reuniounen am accord oder désaccord geschitt. Des schéngen di golden Joren 80 bis 2013 gewiergt ze sinn.
    Mir hunn, ënnert anerem, mëttels dem Index ëmmer versicht de Wirtschaftskuch méi gerecht ze verdeelen! (Et gouf dofir awer och nach aner Instrumenter, wéi d’Steierpolitik, de Renten- an Mindestloun Ajustement vir nëmmen des dréi ze nennen.)
    Wat ech awer elo zanter 5 Joer gesinn, dat ass nei; nämlech di schläichend Inflatioun.
    Grad si mécht di Aarm méi aarm an di Räich méi räich
    D’Akommesschéier ass zanter 2013 gewalteg auserneen gaangen. Net eleng bei eis, jo, awer och bei eis. An dat ass e grousse Changement.
    Zanter 10 Joren mécht d’Europäesch Zentralbank eng niddereg Zënspolitik. Dat huet séi Guddes awer och leider vill Negatives. Den allgemeng nidderegen Préisniveau an der EU ass dat wichtegst Argument vun der EZB fir mat hirem Programm vu mat milliardeschwéieren Anleihenkeef virunzefueren. Des verstoppten Inflatioun gëtt allerdéngs net erfaasst.
    Wann d’Praiser fir Haiser an Aktien ant d’Luucht ginn, dann ginn d’Besëtzer ëmmer méi räich. Déi, déi awer elo en Haus, oder eng Wunneng kafen wëllen, oder déi, déi elo Wäertpabeieren kafen, well um Spuerbuch Nullzensen herrschen, all déi kucken domm ant d’Wäsch.
    Anescht ausgedréckt:  D’Schéier tëschent der offizieller Inflatiounsstatistik an der Verméigenspreisentweckelung ass gewalteg auserneegaangen. Wa mer vun enger Inflatioun vun 1,1% schwätzen, da schwätze mer vun enger Inflatiounsrat bei Wunnechten an Aktien (also den Verméigenswerter) vun iwwert 8 %.
    Di schläichend Präis-Inflatioun, dat ass déi Inflatioun, wou de Praisniveau ganz lues  méi héich geet.
    Dat ass déi Inflatioun, wou all Staat seng Scholden ofbaut.
    Dat ass déi Inflatioun, déi dem Bierger kaum opfält.
    Des Inflatioun ass awer gewalteg geféierlech, wann se iwwert en gréisseren Zäitraum unhält.
    Mir hunn elo zanter 2013 eng schläichend Inflatioun hei zu Lëtzebuerg. Des Präisentwécklung huet eis méi aarm gemaach!
    2013 haten mer eng Indextranche. 2017 hate mer och eng Indextranche. Dat ass alles.
    Vum 1.1.2013 bis haut ass de Stonne-Mindestloun em ganzer 0,72.-Euro gestiegen. Am Mount mécht dat an enger Period vun iwwert 5 Joren eng Hausse vun 124,4.-Euro aus.
    Am Joer 2016 si eis Renten em 0,5% ajustéiert ginn. Vun 2013 bis 2018 soss näischt ausser der Rei,.
    Solle mir elo MERçI soen fir des Politik? !
    Wann dat esou wieder geet, dann kritt eis Wirtschaft reale Schued. Eng Wirtschaft lieft vum Export awer och vum Banne-Konsum. An Däitschland hunn se jorelaang ausschliisslech Exportpolitik gemaach, mat dem Resultat, dass d’Akommes vun den Bierger ( also Paien a Renten) staark gefall sinn. Milliounen aarm Familljen, Milliounen aarm Kanner a Milliounen aarm Rentner sinn haut d’Realitéit an der räichster Wirtschaft vun der Welt.
    Wa mir eis net elo op d’Been setzen, da gi mir dëse Wee och.
     
         

    4 min
  • Kabes à la Trump, 01/03/2018 07:50
    „Ech mengen ech wier esouguer an d’Schoul eragerannt, och ouni arméiert ze sinn…“ Dëst si Wierder aus dem Mond vum amerikanesche President am Kontext vum Schoulmassaker zu Parkland. Hei kann ee just de Kapp rësele. Am Plaz wierklech op d’Affer anzegoen, fält dem Donald Trump näischt besseres an wéi als Proll opzetrieden, fënnt d’Nadine Gautier a sengem Commentaire.
    0 min
  • Carte Blanche, Patrick Michaely, 28/02/2018
    Wann an engem online Muséesjournal Muséesprofessionneller opgefuerdert ginn, sech mam nei Superheldefilm Black Panther ze beschäftegen, da kuckt een als Fan vu Superhelden an als Muséesmann net einfach ewech. Déi meescht Opmierksamkeet an dësem Film dierft nämlech bei Muséesleit eng kuerz Szen kréien, déi an engem europäesche Musée spillt.

    De Béise am Film, en Afroamerikaner, mä och Koseng vum afrikaneschen Held vum Film, steet an engem klinesch wäiss gehalenem Muséesraum virun enger Vitrinn mat Objeten aus west-afrikanesche Kulturen. De Kontrast kéint net méi frappant sinn: Objeten aus engem koloniséierten Afrika an engem Musée vun der europäescher Uewerschicht. De Muséesraum gëtt streng vu Leit an Uniform bewaacht, e Musée mat Wuelfillatmosphär ass et definitiv net.

    De Killmonger, esou heescht de Béisen, kënnt an d’Gespréich mat der wäisser Muséesconservatrice, déi him e bëssen erofloossend d’Objeten erkläert, wou se hierkommen a wéi se “entdeckt” goufen. Firwat d’Conservatrice mat enger Taass Kaffi an de Sall erakënnt, wéi wann et sech ëm hir Privatstuff géif handelen, versteet een op den éischte Coup net esou richteg. D’Dramaturgie vun der Szen verlaangt et héchstwahrscheinlech nom Motto: Ech als allwëssende Muséesmënsch ka mir hei eppes erlaben, wat s du als Besicher Lambda ni maachen däerfs. De Musée gëtt hei als en Instrument vum Kolonialismus an als e Raum presentéiert, an deem net mol déi richteg wëllkomm sinn, deenen hir Kultur hie weist.

    Bei engem Objet, korrigéiert dann awer de Killmonger d’Conservatrice iwwer d’Hierkonft vun enger Aaxt. Hie weess méi iwwer den Objet wéi déi soi-disant Expertin a wëll d'Aaxt mathuelen. Op d’Remarque vun der Conservatrice, datt den Objet net ze verkafe wier, äntwert den Killmonger, ob si da géif mengen, ob hir Virfaren den Objet fair kaaft hätten. Bal onnéideg ze soen, datt um Enn vun der Szen d’Muséespersonal dout ass.

    Natierlech handelt et sech hei primär ëm en Actionfilm. E weist awer och iwwerspëtzt, wat Afrika mat senge Buedemschätz hätt kéinte sinn, wann et kee Kolonialismus gi wier. Déi ugesprachen Szen am Musée verréit dobäi vill iwwer d’Rolleverdeelung an d’Muechtstrukturen an esou enger Kulturinstitutioun.

    Wësse mir alles iwwer d’Objeten, déi am Musée conservéiert ginn? Wéi si se an d’Sammlung komm? Wien decidéiert, wat dovunner an a wéi engem Kontext ausgestallt gëtt? Als Besicher huet een an engem Musée tatsächlech wéineg Afloss op dat, wat gewise gëtt. Et kann een dovunner ausgoen, datt dat ville Leit aus fréier koloniséierte Länner sauer opstéisst. Muséeë mussen haut prett sinn, fir sech aktiv an éierlech mat dësem Thema ze beschäftegen, amplaz den onbequeme Wourechten iwwer d'Provenance vun den Objeten aus dem Wee ze goen. D’Objete verroden nämlech ganz oft vill méi iwwer déi fréier europäesch Sammler an hir perséinlech Motivatiounen, respektiv Ideologien, déi si gedriwwen hunn, wéi iwwer soss eppes. An ze soen, et wiere just Kanner vun hirer Zäit gewiescht, geet haut net méi duer. An dat ass och richteg esou.

    * De Patrick Michaely ass vu Formatioun Biochemiker an am Naturmusée responsabel fir Ëffentlechkeetsaarbecht a Kommunikatioun.

    3 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners