RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Carte Blanche: Paul Rauchs, 19/02/2018
    Dat den CSV-Präsident en déckt Déier an der Politik ass, wosste mer jo. Dat en awer de Stammdeschhumor vun den Deckkaepp huet, wousste bis elo déi mannst. Mat séngem schlüpfregen Ausrutscher iwwer déi rosa Uniformen, déi den Etienne Schneider, geouteten homosexuellen Policeminister, sénge Beamten anscheinend schneidere wéilt, huet de Marc Spautz tollpatescheg probéiert d'Fënsteren erem zouzemaachen, déi d'Gambia-Koalitioun opgerapt huet. Speziell a gesellschaftspolitesche Froen wéi Trennung vu Kierch a Staat an dem Bestiednis vu gleichgeschlechtleche Partner huet dëss Chamber Gesetzer gestëmmt an Akzenter gesaat, déi längst iwerfälleg waren.  Et ass verstaendlech an demokratesch gesond dass nët jidfereen domat d'accord ass a séng Meenung dann och öffentlech an argumentéiert vertrëtt.

        Mat sénger homophober Bemierkung huet de Marc Spautz awer wourtwiertlech ënner d'Gürtellin geschloen. D'Laachen am Sall huet bewisen dass ënnerschwelleg Aengschten virun énger Liberalisatioun vun eiser Gesellschaft nët einfach duerch e Gesetz aus der Welt geschaaf gin. Et ass un eise Politiker fir dëss Aengschte serieux ze huelen, nët driwer ze laachen an Opklärungsarbecht ze leeschten. Den Humor ass woul eng excellent Protektioun géint berechtegt Aengschten, mee e bëllege Witz ass Oueleg op d'Feier vun onberechtegten Aengschten, well, wéi sot de Brecht: "Der Schoss ist fruchtbar noch ..."
    Zënter dem Freud sénger "Psychopathologie des Alltagslebens" wësse mer dass de Lapsus, an dat war et jo anscheinend, deen zouverlässegste Wee zur onbewosster Wouerecht ass. Zur Wouerecht vum Präsident, mé zur Wouerecht hoffentlech nët vu sénger Partei. Am Mëttelalter war d'Homosexualitéit eng Sënn, viru manner wéi engem halwe Jorhonnert war sie fir d'amerikanesch Psychiateren eng Krankheet, an haut ass se a ville Länner nach ëmmer  e strofrechtlecht Vergehen. Fir den Herr Spautz schéngt sie eng lächerlech Anekdot ze sin.

        An énger Zeit wou am Ausland Ministeren an aner héich Verantwortlecher hiren Hut huele missten, nodeems se sech e puer galant, respektiv sexistesch Bemierkungen erlaabt haten, ass et bedenklech dass zu Lëtzeburg ausgerechent en ex-Familjeminister homophob Witze reisst. Sécher, mir musse oppassen dass d'politesch Korrektheet nët zu éngem neien Ordre Moral ouder zu énger iwerspëtzter Zensur féiert. Mé de Pierre Desproges huet scho viru Joeren dëss Problematik op e Punkt bruecht: "On peut rire de tout, mais pas avec n'importe qui." Et ass elo un der Partei vum Herr Spautz ze beweisen, dass hire Südkongress kee Stammdësch war.

    3 min
  • Carte Blanche, Justin Turpel, 16/02/2018
    Wirtschaftswuesstem, méi Wuesstem, manner Wuesstem, anere Wuesstem – déi Fro beschäftegt Lëtzebuerg. Wuesstem bréngt Gewënn, Léin, Steieren, Entwécklung a Fortschrëtt fir jiddereen. Wirtschaftswuesstem = Fortschrëtt, heescht déi geheim Formel, déi sech hannert der Wuesstemsdebatt verstoppt.
    Mee, ass dat och sou? Bréngt Wirtschaftswuesstem wierklech deen erwaarte Fortschrëtt mat sech?
    Fir op déi Fro ze äntweren, muss ee kucken, wat mat deem geschaafte Räichtum geschitt.
    Mir wëssen: 99% vun der Weltbevëlkerung besëtze méi wéi dee räichsten 1%, eng flagrant Ongläichheet, déi all Joer zouhëlt. An dat, well véier Fënneftel vum geschaafte Räichtum, 82%, direkt deem räichsten 1% zegutt kommen. Wien also vill – vrun allem vill Kapital – huet, kritt vill derbäi. All déi aner, a besonnesch déi, déi vun hirer Aarbecht liewe mussen, kréie – trotz Wuesstem – ëmmer manner mat. Sou datt iwwert d’Halschent vun der Weltbevëlkerung all Dag mat 2-10 Dollar, dat sinn ëmgerechend 1,63 bis 8,17 Euro, auskomme muss.
    Dee geschaafte Räichtum gëtt also kengeswees gerecht opgedeelt. Ganz am Géigendeel! An dat ass zu Lëtzebuerg net aanescht.
    D’Opfaassung, datt, wat méi produzéiert gëtt, jidderee méi kritt, ass deemno carrement falsch!
    Wann een Deel vun der Produktioun och nach d’Ëmwelt an d’Klima nohalteg zerstéiert, Kricher a Verdreiwung mat sech bréngt, massiv Mënscherechter verletzt, dann ass d’Schafe vum Räichtum de Géigendeel vu Fortschrëtt! Weder méi, nach manner Wuesstem ass net déi richteg Äntwert op des Schieflag. Bëssen Ofstand huelen, mol erëm dat Ganzt gesinn an doriwwer nodenken, sinn ubruecht!
    An dobäi gesi mer, datt net de Wuesstem déi wichtegst Fro ass, mee wéi dee geschaafte Räichtum zustane kënnt a wéi e verdeelt gëtt.
    Dat misst eis all vill méi beschäftegen. Do ass een Ëmdenken absolut noutwendeg. Dat maachen déi, déi vun dëser absurder Weltuerdnung profitéieren, sécher net. Dozou brauch et Drock vun ënnen, d’Mobiliséierung vun de Bierger géint déi iwwermächteg Finanzoligarchie. Ënner aanerem
    •    fir eng uerdentlech Remuneratioun vun der Aarbecht; dobäi och ee Mindestloun vun deem e Liewe kann;
    •    fir eng Produktiounsweis, déi souwuel Ëmwelt a Klima, wéi och Mënscherechter respektéiert; och multinational Gesellschafte mussen douzou verflicht ginn;
    •    fir eng Steiergerechtegkeet, bei der och d’Kapital e gerechten Undeel bezilt, fir sou Sozialsystemer ofzesécheren an Infrastrukturen ze schafen, déi d’Liewensqualitéit vu jidderengem erhalen a verbesseren.
    A dat och hei zu Lëtzebuerg. Wuesstem alleng séchert onse Pensiounssystem net of. Ouni Ëmverdeelung ass dat net méiglech!
    A wann d’Majoritéit vun de Politiker mat deene Mächtege ënnert enger Decke stécht oder vrun hinne kuscht, da muss d’Ëmdenke vun ënne kommen. Mir sollen ons amëschen, an zwar massiv!

    3 min
  • Commentaire: Wei duerch e Sex-Skandal e ganzen Secteur diskreditéiert gëtt, 15/02/2018 07:50
    Sex-Orgien op Haiti an am Tschad mat Prostituéierten AN  Sex als Géigeleeschtung fir Hëllef a Krisegebidder. Dat sinn net d'Dote vu kriminelle Banden, mee vu mëttlerweil Ex-Mataarbechter vun der internationaler Hëllefsorganisatioun Oxfam, déi elo dozou féieren, dass e ganze Secteur a Fro gestallt gëtt. Doraus kéinten elo falsch Konsequenze gezu ginn, mengt d'Annick Goerens de Moien an sengem Commentaire.
    0 min
  • Carte Blanche, Anne Goeres, 14/02/2018
    Haut op Vältesdag, denken ech eigentlech u muer, de Weltkannerkriibsdag.

    Ech denken un déi sëllech Sätz déi ech an de leschte Joren héieren hunn, an esou guer nach ganz rezent op enger Konferenz hei zu Lëtzebuerg:
    • "Kriibs bei Kanner ? Dat gëtt et jo net esou oft !"
    • "Also wann haut e Kand Kriibs huet, da gëtt et jo geheelt mat all de neien Therapië vun deenen ëmmer geschwat gëtt..“
    • "Kriibs ass Kriibs - op bei Kanner oder bei Erwuessenen, et ass jo eigentlech dat Selwecht.“

    Abee nee: et ass absolut guer net dat Selwecht!
    Neen: net all Kanner gi geheelt vu Kriibs an nach eng kéier neen: net all Kanner, déi hire Kriibs iwwerliewen, hunn no der Behandlung e ganz normaalt Liewen.

    Awer jo: Kriibs bei Kanner ass glécklecherweis seelen a gëtt et net oft. Mee gleeft mer, wann et säin eegent  Kand trefft, dann ass et ganz egal op dëst eng seelen oder heefeg Krankheet ass, well do fällt jidderengem de Plafong op de Kapp.

    Wann ee bis weess dat säi Kand Kriibs huet, denkt ee vir d’alleréischt un d‘Liewen an un den Doud an et hofft een dat säi Kand iwwerlieft, dat d'Kand et packt.
    Duerno, wann d‘Dokteren de Protokoll annoncéieren, hofft een dat säi Kand déi bescht méiglech Medikamenter kritt: se sollen de Kriibs futti maachen an de Rescht vum Kierper gesond loossen. Hei happert et schon, well all Patienten hu fréier oder spéider Niewewierkungen.
    • Éischtens déi kuerzzäiteg Niewewierkunge wei Gewiichtsverloscht, Iwwelzegkeet, Geschmaachsverännerungen, Hoerverloscht, Zännfleeschproblemer, ofgeschwächten Neel, Middegkeet, a.s.w., d’Lescht ass laang.
    • Zweetens, d'laangzäiteg Niewewierkunge wei Häerzproblemer, Nierenschwieregkeeten, motoresch Schwieregkeeten, Sterilitéit a bal systematesch neurologesch a psychologesch Folgen.

    Tjo, wei kann dat da sinn, dat ee vun all den neien Therapien héiert a bal all Dag erëm eppes vun enger phenomenaler Entdeckung vun engem Fuerscher liest ? Ma ganz einfach , des Innovatiounen si gréisstendeels nach net bei de Kanner ukommt. Hier Medikamenter sinn am Duerchschnëtt esou aal wei meng Bomi.
    Doduerch kann een sech effektiv engersäits freeën, dat haut 80% vun de Kanner u Kriibs geheelt ginn, an anersäits bedaueren, dat fir des Kanner d’Statistiken nëmme 5 Joer no der Kriibsbehandlung matrechnen, ouni d‘Niewewierkunge mat a Bezuch ze zéien.

    Fazit : d’Fuerschung muss weider gedriwwe ginn an d’Pharmaindustrie muss méi an nei Medikamenter fir Kanner mat Kriibs investéieren. Zur gudder Lescht : all schwéier krankt Kand soll kennen eng Chance op Heelung hunn.
    3 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners