RTL - Carte Blanche

RTL - Carte Blanche

By RTL Radio LëtzebuergNews
Download on the App Store

RTL - Carte Blanche episodes

  • Commentaire, 13/03/2018 07:50
    Parteikongresser sinn ëmmer erëm e spaassegen Zäitverdreif. Realsatire, wou nieft dem Humor awer och d'Allgemengbildung net ze kuerz kënnt.
    E Commentaire vum Dany Rasqué.
    0 min
  • Carte Blanche, Jean Huss, 12/03/2018
    Léif Nolauschter an Nolauschterinnen,
    Och hei zu Lëtzebuerg kënnt de Vierwahlkampf fir d’Chamberwahle vum 14. Oktober lues awer sécher op Touren. Et geet an de kommende Joren em ganz wichteg politesch Weichestellungen an Erausfuerderungen: zum Beispill a Saache Klimaschutz, Ëmwelt- a Gesondheetsschutz, et geet em sënnvoll Alternativen a Wirtschafts-, Handels-, Steier- a Finanzpolitik, em Chancë mee och Risike vun der Digitaliséierung, em eise gesellschaftlechen Zesummenhalt an eng positiv Ofsécherung vun eise Soialsystemer, em Léisungen bei der Landesplanung a beim Verkéier, bei Logement, Schoul, Kultur a sou virun.
    Vun all eise Parteie hunn d’Wielerinnen an d‘Wieler d’Recht, fréizäiteg gewuer ze ginn, wat si inhaltlech e bidden hunn. Fehl op der Plaatz, léif Nolauschterinnen, sinn do a mengen Aen bëlleg parteipolitesch Polemiken, perséinlech Attacken oder parteiintern Rangeleien em déi wichtegst Plaatzen op de jeweilege Wahllëschten.
    Léif Nolauschterer,
    Op de rezente Bezierkskongresser vun der CSV war a Saachen inhaltlech Alternativen zur Regierungspolitik bis elo leider net vill ze héieren. Et gouf just op déi aktuell Regierungspolitik geklappt, verschiddener hu versicht, sech ongenéiert selwer an Zeen ze setzen, an dem CSV-Parteipräsident seng penibel perséinlech Attacken zum Thema „rosa Polizeiuniformen“ an d’Gelächter vum CSV-Publikum doropshin war eigentlech total onwürdeg.
    Léif Nolauschterinnen,
    Well elo an dësen Deeg schon déi komplett CSV-Kandidatelëschte publik ginn, e konkrete Wahlprogramm komescherweis awer eréischt no der Summervakanz soll nogereecht ginn, ass elo jiddefalls net kloer, woufir all di CSV-Kandidaten da solle Wahlkampf maachen. Well d’CSV-Politik vu virun 2013, mir erënneren eis un Austeritéit oder Geheimdéngschtaffairen, war vum Wieler deemols ofgestrooft ginn. An d’CSV-Oppositiounspolitik aus de vergaangene Joer war och net grad iwwerzeegend. Vun de Bezierkskongresser hätt een do eigentlech eng inhaltlech Neiorientéierung erwaard.
    Mee déi inhaltlech Aussoen vum Spëtzekandidat Claude Wiseler an aner sougenannt Spëtzekandidaten hu leider och net grad fir méi inhaltlech Kloerheet a Saache positiv Alternative gesuergt. Et gouf geschwat, awer ganz vague, vu Verfassungsreform, vun institutionnellen an territoriale Reformen, an et goufen noutwendeg, déifgräifend strukturell Reformen, déi géife wéi doen, an Aussiicht gestallt. Mee konkret wollt den Här Wiseler awer net ginn. Et freet een sech firwat, a virun allem och, weem dann elo dës geplangte Reforme wäerte wéi doen?
    Esou wéi vill Wielerinnen a Wieler, ob Salariéen, Mëttelständler oder Pensionnéiert, sinn och ech der Meenung, datt d’CSV endlech soll hir Kaarten op den Dësch leeën fir datt mer zur Zäit, laang genuch virun de Wahlen, gewuer ginn, a wéi eng Richtung, konservativ, sozial oder éischter onsozial, den CSV-Zuch wëll rullen.
    Et huet geschwat de Jean Huss
    Ex-Deputéierten

    3 min
  • Carte Blanche ''Baulücken 4.0'', 09/03/2018

    D’lescht Woch war an der Chambre dee groussen Débat d’Orientation iwwert de Logement. An do gouf et ee Konsens op ganz ville Punkten. Zum Schluss hunn souguer déi 4 grouss Parteien zesummen eng Motioun gestemmt.
    Dissens gouf et am Fong just bei deene méi haarde Mesuren. Virun allem beim Thema Expropriatioun. Déi eng fannen sou eng Mesure sympathesch an déi aner si strikt duergéingt. Wat ass méi wichteg? D’Gemeinwohl oder de Schutz vum individuellen Eegentum. Doriwwer sinn se sech net eens an der Chambre.
    Mee et gëtt jo ëmmer nach een drëtte Wee.
    Wat zum Beispill leerstehend Wunnengen ugeet, huet de Prinzip vun der Gestion Locative Sociale an de leschte Jore gewisen, dass ee mat engem interessanten Angebot oft méi weit kennt, wéi mat repressive Mesuren. Och ouni Taxen si vill eidel Wunnengen op de Marché komm. Interessant Garantien a steierlechen Avantagen hunn vill Propriétairen dozou beweegt, hier Wunneng net méi eidel stoen ze loossen, mee iwwert eng sozial Organisatioun ze verlounen.
    Kéint een dee Prinzip dann net och op eidel Terrain’en uwenden?
    Mir hunn hei am Land vill Propriétairen, déi ee gudde Grond hunn hiren eidelen Terrain am Moment net ze verkafen. Virwaat net och deenen eng interessant Offer maachen? Et kéint ee jo higoen an déi Terrainen einfach fir en puer Joer lounen a provisoresch een Haus drop setzen. Natierlech kee klassescht Haus aus Bëtongszille mat engem decke Fundament. Mee ee Gebai, wat ee schnell rem kann ewech huelen. Am Modulbau ginn et mëttlerweil ganz flott Produit’en, déi schnell op an och rem schnell ofgeriicht kenne ginn. An déi och kee Fundament brauchen. Et muss een se just dohi stellen an uschléissen. An scho kann eng Famill dra wunne goen. Soulaang bis de Propriétaire vum Terrain eppes anescht well domat maachen. Deen Moment kann een dëse Module rem ewech huelen an op enger anerer Platz rem opriichten. Fir déi bal 1000 Hektar Baulücken hei am Land wier dat een interessante Modell an en passt och nach an d’Logik vun der Economie Circulaire.
    Natierlech misst de Staat esou ee Modell finanziell ënnerstëtzen an och hei deene Propriétairen ee steierlechen Avantage zougestoen. Mee och d’Gemenge misste matspillen an déi Modulheiser als provisoresch Constructioun ugesinn, wou ee keng klassesch Baugeneemegung brauch. An et misst sech nach een Acteur fannen, deen dat well ëmsetzen.
    Mee iwwert dee Wee kéint ee ganz schnell, vill Wunnraum schafen an dat ouni engem eppes ewech ze huelen.

    3 min
  • Commentaire: ADR a Wee 2050, 08/03/2018 07:50
    D'ADR an d'Initiative 2050 klammen an EE Boot fir d'Wahlen. Eng Kooperatioun déi eigentlech net iwwerrascht, den Effet vun dëser dierft sech awer a Grenzen halen, mengt de Pit Everling, fir dee sech eigentlech alles ëm ee Personnage dréit..
    0 min
  • Carte blanche économique mat PWC 18h15, 07/03/2018
    FRO : Wei en Impakt huet dann den Trend zum Digitalen ob Relatioun mat eiser Bank?

    Majo wann ee virun 10 Joer eppes vu senger Bank gebraucht huet ass een an de Guichet gaangen an huet mat enger Persoun do geschwat déi engem méi oder manner gutt weider hëllefe konnt. Matt dem Webbanking geet een haut jo eigentlech kaum nach an Agence, mais déi üblech Geschäfter mécht ee vun doheem. Wann een haut ob seng Bank geet, da fir spezifesch Froen, an do brauch een oft en Spezialist an de Generalist de fréier am Guichet souz, de kann eis do net ëmmer hëllefen. Banke mussen dofir hire Modell mat eis als Client ze kommunizéiere vu Grond ob iwwerdenken..

    FRO : Wei gi Banken da mat dem Phänomen em?

    Vill klassesch Metier’en an de Banken, wei z.B. de vum Conseiller, veränneren sech oder verschwanne ganz. Méi a méi muss de Generalist aus der Agence entweder zum Spezialist fir en bestëmmte Sujet ginn oder als Conseiller d’Relatioun fleegen an am Hannergrond de Spezialist fir dem Client ze hëllefe sichen. Digitaliséierung bréngt och mat sech dass Clienten haut ëmmer besser informéiert sinn an domadder muss de Conseiller och ewech vun enger Logik déi baséiert war ob en standardiséierte Produit vun der Bank ze placéieren an hin zu enger präziser Solutioun fir dem Client seng Problematik. Do ass dann natierlech och en grousse Besoin un Formatioun fir déi Mataarbechter. Et entstin doduercher awer och vill nei Beruffer an der Bank ronderëm Digitaliséierung, egal ob et em Sécherheet vun den Accès’en geet, opschaffe vun all den Donneen déi souwuel iwwert de Client wei och iwwert Produit’en vun der Bank ugesammelt ginn oder nei Produit’en entwéckelen déi den Demandë Rechnung droen. Ob eiser Finanzplaz ginn do grouss Effort’en gemat fir déi Problematiken ze léisen an eis weider ze entwéckelen. An dem Kontext kann een och Initiativë wei de LHOFT (dat steet fir Luxembourg House of Financial Technology) ronderëm de Fintech begréissen.

    2 min
  • Carte Blanche: Lëtzebuerg - eng “Ökonomie d’Agglomération”, 07/03/2018

    Lëtzebuerg: Eng “Ökonomië d’Agglomération” agebett am global Village   wei an der Groussregioun.


    Lëtzebuerg ass eng kleng oppen héich spezialiséiert Ekonomie doriwwer eraus ass eis Ekonomie awer och ëmmer méi als eng  Ökonomië d’ Agglomeratioun,  deemno als eng  urban Ekonomie ze gesinn, wo d’ Entreprisen sech nidder loossen fir vun sougenannten “Économie d’échelles” and vun der héijer villfälteger Vernetzung ze profitéieren.  
    D ‘Virdeeler vun den Entreprisen an enger esou genanntenter Ekonomie d’ Agglomération sinn am Fall vun Lëtzebuerg ënner anerem :
    1.) Accès zu op mannst zwee groussen Mäert; den vun der Groussregioun esou grouss ei Schweden mat 13 Milliounen Awunner, an den vun der europäescher Unioun;
    2.) En groussen Aarbechtsmaart wo en héich forméiert Mataarbechter mat engem groussen Wëssens-Pool sinn;
    3.) Niddereg Transport Käschten fir Persounen an Gidder: an
    4) En heegen Spezialiséierung-grad.
    Nodeeler vun enger ëmmer méi “ urbaner Ekonomie”, sinn  déi,  déi mir all am Alldag erliewen:
    Héich Land Präisser;
    E Manktem un Reserve-Flächen;
    Vill Stau an deelweis  iwwerfëllten ëffentlech Infrastrukturen; an
    E immensen Besoin fir Competivitéit héije ze halen an en grousen Drock op eis Ëmwelt.
    Spezifesch fir eng “Ökonomië d’Agglomération” wei Lëtzebuerg kennt nach derbäi, dass d’Influenz vun eiser Ekonomie bis weit an eis Nopeschlänner eran recht mat allen Vir- an Nodeeler. Mir leien zesummen mat Groussregioun  an engem Bett.
    Dobäi kennt dass mir och vun den Regelwierker, vum “global Village” deemno vun der EU an vun internationalen Traitéen hei am Land profitéieren an des respektéieren mussen.
    Eis géigesäiteg Ofhängegkeet mat der Groussregioun an mat der EU ass enorm. Eis Ökonomië huet sech an den leschten Jorzéngten massiivst am internationalen Geflecht integréiert an entwéckelt.
    Parallel dozou hunn all Bierger an der EU eng Dubbel-Nationalitéit kritt déi europäesch an déi nationalstaatlech.
    Ech well elo net Nolauschterer, mat enger Nostalgie fir en  Lëtzebuerg wat sech selwer eleng hëllefen kéint, widder den Kapp stoussen mäi ech erlaben mer awer Fro ze stellen  op mir op eisem klengen Territoire iwwer-regional Erausfuerderungen wei Logement, Infrastrukturen, Traffic, Educatioun, Ëmweltschutz eleng léisen kennen? Oder mussen mer eis  net bewosst ginn dass mer eng “Ökonomië d’Agglomeration” sinn an och deemno handelen an am spezifeschen  Fall vun Lëtzebuerg heescht dat iwwert Grenzen eraus agéieren fir dass mer all zesummen weider vun enger positiver ökonomesche Entwécklung profitéieren kennen?
    Dat heescht, dass mer konkret no neien Modeller, enger Uerdnung, vun der Zesummenaarbecht vum Ginn an Huelen mat eisen Nopeschregiounen mussen sichen. Esou Zesummenaarbechten zwëschen enger “Ökonomië d’ Agglomeration an hirer Päripherie gëtt et der vill an ökonomesch Modeller bestinn. Et gëtt  awer nach keng mat enger grenziwwerschreidender Komponent tëschent verschiddenen Juridictionen”.
    Dëst ass déi grouss Erausfuerderungen déi an der nächster Zukunft muss ugaangen ginn fir Berlin, Bréissel, Paräis an d ‘EU vun neien Modeller vun enger Zesummenaarbecht an der Groussregioun ze iwwerzeege



     



    3 min

About RTL - Carte Blanche

From the publisher's feed

Meenungen aus der Zivilgesellschaft iwwert d'Aktualitéit

More shows like RTL - Carte Blanche

Déckkäpp by RTL Radio Lëtzebuerg

Déckkäpp

0 Listeners

Journal (Radio) by RTL Radio Lëtzebuerg

Journal (Radio)

1 Listeners

Automag by RTL Radio Lëtzebuerg

Automag

0 Listeners

Tanguy Pastureau maltraite l'info by France Inter

Tanguy Pastureau maltraite l'info

19 Listeners

RTL - Presseclub by RTL Radio Lëtzebuerg

RTL - Presseclub

0 Listeners

RTL - Carte Blanche by RTL Radio Lëtzebuerg

RTL - Carte Blanche

0 Listeners

L'œil de Philippe Caverivière by RTL

L'œil de Philippe Caverivière

55 Listeners

RTL - HitStory by RTL Radio Lëtzebuerg

RTL - HitStory

0 Listeners

Kloertext fir ze lauschteren by RTL Télé Lëtzebuerg

Kloertext fir ze lauschteren

0 Listeners

Podpurri - mir schwätze Kultur! by RTL Radio Lëtzebuerg

Podpurri - mir schwätze Kultur!

0 Listeners

RTL - Flunkernews by RTL.lu

RTL - Flunkernews

0 Listeners

RTL - Econews by RTL Radio Lëtzebuerg

RTL - Econews

0 Listeners

RTL - Sproochmates by RTL Radio Lëtzebuerg

RTL - Sproochmates

0 Listeners

RTL - Lecture vun heiheem by RTL Radio Lëtzebuerg

RTL - Lecture vun heiheem

0 Listeners

RTL - IGEL - Inclusioun ganz einfach liewen by RTL Radio Lëtzebuerg

RTL - IGEL - Inclusioun ganz einfach liewen

0 Listeners

Wocheréckbléck by RTL Radio Lëtzebuerg

Wocheréckbléck

0 Listeners

RTL - Nogehaakt by RTL Radio Lëtzebuerg

RTL - Nogehaakt

0 Listeners

L'oeil d'Alex Vizorek by RTL

L'oeil d'Alex Vizorek

13 Listeners

Ausgeschwat by RTL Tëlee Lëtzebuerg

Ausgeschwat

0 Listeners

Fro den Affekot by RTL Radio Lëtzebuerg

Fro den Affekot

0 Listeners

Nospillzäit by RTL Radio Lëtzebuerg

Nospillzäit

0 Listeners

RTL inteam by RTL Radio Lëtzebuerg

RTL inteam

0 Listeners