RTL - Carte Blanche

Als Infirmière hunn ech net seele Leit an hir Familljemembere wärend dem Stierweprozess begleet. An trotzdem kann ech soen, dass et eng wonnerbar Aarbecht ass. Et klengt iwerraschend, mee et geet an esou Situatiounen oft net ëm d‘Krankheet an den Doud, mee ëm d‘Liewen.
Wéi sot déi Englesch Doktesch an Infirmière Cicely Saunders: Et ass oft net dat schlëmmst fir de Mënsch erauszefannen, dass ee gelieft huet an elo stierwe wäert. Dat schlëmmsten ass, wann een erausfënnt, dass een net gelieft huet an elo stierwe wäert!
E Britesche Physiker soot, dass d‘Liewensqualiteit sech doraus ergëtt, wéi vill vun den Erwaardungen erfëllt ginn. Fir glécklech ze si, misste mir deemno eis Erwaardungen erof- am Plaz eropsetzen. Well bléiwen dës onerfëllt, mëscht et eis onglécklech.
D’Liewensqualitéit bedeit dobäi fir jiddereen eppes aneschters. Ech ginn iech en Beispill aus mengem Beruffsalldag: Stellt Iech eng Persoun fir, si kann net goen a setzt am Rollstull, si kann net schlécken a gëtt ernäert, si kann net schwätzen an notzt en anert Kommunikatiounsmëttel. Esou fleegebedierfteg Leit gi leider oft als eng „Usammlung vun Defiziter“ gesinn. Dir denkt iech vläicht „Esou wéilt ech net liewen!“.
Mee kuckt een sech dat ganzt Bild un, de Betraffene mat all senge soziale Ressourcen, dann erkennt een eng Persoun, déi hire Partner mat Léift an d‘Aan kuckt an dobäi zimlech sécher eng besser Liewensqualitéit huet, wei eng Jet aner Leit.
D’Fuerschung ennerstëtzt deen Androck: Eng gutt Gesondheet bedéit net automatesch eng gutt Liewensqualitéit. Méi wichteg schéngen déi perséinlech Wäerter dozou, wat eist Liewen liewenswäert mëscht.
Si hunn och erausfonnt, dass d‘Prioritéite altersofhängeg si: Fir déi Jonk sinn et d‘Frënn, da kommen d‘Partnerschaft a Kanner, ab 40 gëtt d‘Aarbescht méi wichteg, duerno d‘Gesondheet an den Altruismus (am Géigesaatz zum Egoismus) an zum Schluss d‘Spiritualiteit. Kuckt een sech d’Liewensqualitéit an den ënnerschiddleche Phase un gesäit een, dass dann, wann d‘Arbescht am Mettelpunkt steet, d‘Liewensqualiteit extrem ofhellt, déi sougenannte Midlife-Crisis.
Musse mir wierklech esou laang waarden, fir dëst erauszefannen? Nee!
Mir missten eis méi aktiv mat der Endlechkeet vum Liewen ausernee setzen. Als Infirmière leieren ech dozou immens vill an den Gespréicher mat de Patiente.
Et klengt vläicht banal, mee mir huet nach ni eng Persoun déi um Stierwe louch gesot „Ech wënscht ech hätt méi Sue verdéngt!“ mee am Plaatz gouf den Stolz bei Säit geluet an Joerzéngtelaang Sträit endlech ofgeschloss.
Wann dir iech also net op eemol wëllt bewosst ginn, dass dier stierft an net gelieft hutt, da musst dier iech elo d‘Fro stellen, wei eng Saachen un ärem Liewen dir als Stierwende géingt bereien an net eréischt dann, wann dier näischt méi drun änner kennt!

"All Gutts am Neie Joer" dee Satz, deen Een am dacksten dëser Deeg héieren huet - och dëser Deeg op de Neijoschpätt, wou de Pättche Miseler derzou bäidréit a gutt Stëmmung ze kommen.
Bei zwou Parteien dierften dës Pätt éischter Zeremonien gläichen, wou sech Courage gemaach gëtt...
de Roy Grotz mat senge politeschen Neijoschgedanken....

„Die Einheit Europas war ein Traum von wenigen. Sie wurde eine Hoffnung für viele. Sie ist heute eine Notwendigkeit für uns alle.“ Déi fréier Ministesch Anne Brasseur mat der Carte Blanche vun de Moien.

„Die Einheit Europas war ein Traum von wenigen. Sie wurde eine Hoffnung für viele. Sie ist heute eine Notwendigkeit für uns alle.“ Déi fréier Ministesch Anne Brasseur mat der Carte Blanche vun de Moien.

Carte blanche Friddensprojet Europa
RTL 7.1.2019

„Die Einheit Europas war ein Traum von wenigen. Sie wurde eine Hoffnung für viele. Sie ist heute eine Notwendigkeit für uns alle.“
 
Dëst ass en Zitat aus enger Regierungserklärung vum Konrad Adenauer, dem éischte Bundeskanzler am demokrateschen Däitschland nom Zweete Weltkrich.
 
D'Noutwennegkeet vun engem gëeenten Europa ass haut esou aktuell wéi scho laang net méi. An Zäite vu globale Krisen, wéi dem Klimawandel, dem internationalen Terrorismus, dem Flüchtlingsdrama oder den humanitäre Katastrophen steet d'Europäesch Unioun viru gewaltegen Erausfuerderungen, déi kee vun hire Memberstaaten eleng léise kann.
 
 


An awer ginn déi anti-europäesch Stëmmen ëmmer méi haart. A Groussbritannien waren dës Stëmme staark genuch fir de Brexit ze provozéieren. Nationalistesch a populistesch Tendenzen huelen iwerall zou.
 
Ëmsou méi wichteg schéngt et mir drun ze erënneren, wéi d'Europäesch Unioun entstanen ass. Europa war an ass an éischter Linn e Friddensprojet.
 
De Succès vun dësem Projet ass beispillslos am ganze Rescht vun der Welt. An awer liewen och mir op onsem Kontinent  net op enger Insel. D’Spannugen tëscht dem Kosovo a Serbien huelen ëmmer méi zou.

De Konflikt tëschent Russland an der Ukrain beweist ons androcksvoll, wéi vulnerabel och ons Regioun ka sinn.
 
 
D'EU muss hei hir Verantwortung iwwerhuelen. Besonnesch well d'USA mat hirem aktuelle President keen zouverlässegen Alliéierte méi sinn.
 


Dofir muss déi Europäesch Unioun onbedengt mat enger Stëmm schwätzen a sech déi néideg Moyene ginn, fir e staarkt Géigegewiicht vis-à-vis vun all deenen duerzestellen, déi mengen, datt hir national Interessien alles legitiméieren, esouguer e Krich.
 
Eng europäesch Arméi kéint een Deel vun enger gemeinsamer, europäescher Aussepolitik sinn. De Moment huet all Memberstaat seng eegenen Zaldoten an eegent Material. Eng europäesch Arméi géif op der enger Säit Synergië schafen, déi déi national Budgeten entlaaschten an anerersäits der europäescher Aussepolitik eng ganz aner Gewiichtung a Glafwierdegkeet ginn.
 
Natierlech bleiwen eng Rei Froen. Wat wieren d'Pouvoire vun esou enger Arméi? Wien decidéiert iwwert militäresch Asätz oder Friddens Missiounen? Och doriwwer sollte mer an den nächste Méint am Kader vun der Campagne fir d’Europawahlen  diskutéieren.

Bei Wurscht denke mer u Mettwurscht, Currywurscht oder soss eng.... De Roland Kalté denkt awer haut un Eppes ganz anescht:

An der Chrëschtzäit ginn traditionell vill Don’en, „actions de fin d’année“ an Ähnleches méi fir gutt Zwecker a fir sozial Institutiounen gemat. Eng dovun presentéiert an enger Carte blanche de Georges Hellinghausen.

An der Chrëschtzäit ginn traditionell vill Don’en, „actions de fin d’année“ an Ähnleches méi fir gutt Zwecker a fir sozial Institutiounen gemat. Eng dovun presentéiert an enger Carte blanche de Georges Hellinghausen.

Et kann een am Liewen net ëmmer just meckeren a kritiséieren... a kritesch si mer op dëser Plaz jo ëmmer. Sou kuerz virun Enn vum Joer huet d'Dany Rasqué geduecht, et géif awer och mol Zäit gi fir eng Kéier ze luewen...